សៀមរាប : បុរសម្នាក់នេះមានឈ្មោះ ប៉ក់ ព អាយុ ៤២ ឆ្នាំ មានទីលំនៅក្នុងភូមិជួរចាក់គ្រី ឃុំត្រីញ័រ ស្រុកពួក ខេត្តសៀមរាបមានមុខរបរជាយោធានៅខេត្តឩត្តរមានជ័យ បានសម្រេចចិត្តចងកធ្វើអត្តឃាតខ្លួនឯងនៅលើផ្ទះរបស់ខ្លួនកាលពីវេលាម៉ោង២៣ : ០០ នាទី ថ្ងៃទី ០៦ ខែ តុលា ឆ្នាំ ២០១៤ ។
បើតាមការអោយដឹងពីសមត្ថកិច្ចមូលដ្ឋានក៏ដូចជាប្រជាពលរដ្ឋដែលរស់នៅជិតខាងនិងបានស្គាល់បុរសរងគ្រោះនេះបាននិយាយថា បុរសរងគ្រោះដែលមានមុខរបរជាយោធានៅខេត្តឩត្តរមានជ័យរូបនេះបានសម្រេចចិត្តចងកសម្លាប់ខ្លួនឯងនេះគឺបណ្តាលមកពីគាត់មានជម្ងឺប្រកាយជាយូមកហើយទើបនៅក្នុងថ្ងៃខែកើតហេតុខាងលើរូបគេបានសម្រេចចិត្តធ្វើអត្តឃាតខ្លួនឯងតែម្តង ទៅ ៕ ដោយ លោក ខេង ខេមរា