កំពង់ស្ពឺ=ស្មៅមួយប្រភេទដែលគេសង្សយ័ជាស្មៅសម្រាប់យកមកផលិត ចេញជាគ្រឿងញៀនត្រូវបានសមត្ថកិច្ចសម្រេចដកហូតយកមករក្សាទុកដើម្បីធ្វើ កោសលវិច្ចយ័ ឲ្យបានដឹងថាស្មៅជានេះប្រភេទស្មៅអ្វី ហើយមូលហេតុអីបានជា ម្ចាស់បានរក្សាស្មៅនេះដោយបានដាក់ក្នុងកេះរុំផ្លាស់ទិចយ៉ាងត្រឹមត្រូវរហូតចំនួន ១៩កេះក្នុងដីឡូមានរបងយ៉ាងប្រុងប្រយត្ន័ ។
ករណីដកហូតស្មៅមិនស្គាល់ប្រភេទនេះបានធ្វើឡើងនាល្ងាចថ្ងៃទី ០៨ខែ ១០ឆ្នាំ២០១៤ នៅចំណុចភូមិជ្រៃតាកួន ឃុំរកាកោះ ស្រុកគងពិសី ខេត្តកំពង់ស្ពឺ ក្នុងដីឡូមួយកន្លែងមានទំហំប្រម៉ាណជា ២ហិតាដែលមានជាងកំពង់ធ្វើរបង ។
ដីឡូខាងលើត្រូវបានគេស្គាល់ជារបស់ឈ្មោះ ភួង ឡេង ភេទស្រី អាយុ ៤៨ មានទីលំនៅ
ក្រុងភ្នំពេញ ។
លោក សឿ ឡងឌី ព្រះរាជអាជ្ញារងអមសាលាដំបូងខេត្តកំពង់ស្ពឺ ដែលជា អ្នកដឹកនាំកំលាំងចុះឃាត់យកស្មៅខាងលើ បានឲ្យកម្ពុជាថ្មីដឹងថា ការចាប់ឃាត់ ស្មៅម្យ៉ាងដែលគួរឲ្យសង្សយ័ដែលគ្មានអ្នកស្គាល់ គឺធ្វើឡើងនៅក្នុងភូមិឃុំខាង លើ និងជាដីឡូដែលមិនមានម្ចាស់រស់នៅ តែមានជាងកំពង់ធ្វើរបង ។
លោកព្រះរាជអាជ្ញារងបានបន្តថា ក្នុងករណីចុះឃាត់នោះគឺឃាត់បានស្មៅ ចំនួន ១៩កេះដែលមានសណ្ឋានរុំច្រកក្នុងថង់ផ្លាស់ទិច យ៉ាងត្រឹមត្រូវ ដែលបាន ដឹកពីកន្លែងផ្សេងយកមកទុកនៅទីនេះ ។លោកបានបញ្ជាក់ថា ស្មៅនេះពេល នេះបានយកមករក្សាទុកនៅស្នងការនគរបាលខេត្តកំពង់ស្ពឺ យ៉ាងប្រុងប្រយត្ន័ រងចាំខាងជំនាញ បញ្ជូនជំនាញមកធ្វើកោសលវិច្ចយ័
ឲ្យដឹងការពិត ។
យោងតាមការសាកសួររបស់សមត្ថកិច្ច ទាក់ទងនិងការឃាត់ស្មៅខាងលើ ត្រូវបានប្រភពបានឲ្យដឹងថា ស្មៅដ៏ចម្លែកនេះបានដឹកយកមកពីក្រុងភ្នំពេញ តាមរយះម្ចាស់ដី នេះផ្ទាល់តែម្តង ប៉ុន្តែគេមិនដឹងថាស្មៅនេះគេទុកវាសម្រាប់ធ្វើ អ្វីឡើយ ។ ប្រភពបាននិយាយទៀតថា ស្មៅនេះបើយកលាយឲ្យស៊ីគឺគោ ស៊ីខ្លាំងណាស់ មិនដឹថាវាមានសារជាតិអ្វីទេ រូបរាងក៏ចំឡែកខុសពីស្មៅរបស់ខ្មែរ យើងដែរ ។ ប្រភពមួយទៀតបាននិយាយថា ម្ចាស់ដីឡូខាងលើក៏ជាអ្នកធ្លាប់បើក ហាងផលិតបារីជក់ដែរ ដូចនេះស្មៅនេះអាចជារបស់សម្រាប់លាយក្នុងថ្នាំជក់ក៏ អាចថា
បានតែអ្វីៗវាអាស្រយ័លើការធ្វើកោសលវិច្ចយ័ទើបដឹង ។
លោកវរសេនីយ៏ អ៊ុក សុផល ស្នងការរងខេត្តកំពង់ស្ពឺទទួលបន្ទុកប្រឆាំង បទល្មើស សេដ្ឋកិច្ចដែលបានចុះដល់កន្លែងនោះដែរបានប្រាប់ថា ការដកហូត ស្មៅមិនស្គាល់នេះ គ្រាន់តែជាករណីសង្សយ័មិនទាន់បានហ៊ានកំណត់វាអ្វីទេ ។
លោកបន្តថា នៅល្ងាចនេះគឺថ្ងៃទី ០៩ខែ ១០ឆ្នាំ២០១៤ ជំនាញមកពី ក្រសួង និងអញ្ជើញមកត្រួតពិនិត្យធ្វើកោសលវិច្ចយ័ឲ្យបានដឹងឲ្យច្បាស់ថាវាពិត ប្រាកដជាអ្វីហើយវាចេញពីប្រភព
ណា នៅពេលលោកមិនហ៊ានអះអាងថាជាអ្វី ឡើយ ។
បើសិនជាត្រួតពិនិត្យទៅឃើញថា ស្មៅចំឡែកខាងលើពីតជាមានសារ ធាតុអាចផលិតជាគ្រឿងញៀនមែននោះ ម្ចាស់ផ្ទះនិងត្រូវប្រឈមុខនិងផ្លូវច្បាប់ពីការ ដឹកនិងលាក់ទុក សារជាតិញៀនដោយខុសច្បាប់ តែជាលទ្ធិផលនៅ រសៀលថ្ងៃ នេះការពិតនិងមានលទ្ធិផលហើយ ៕
