បច្ចុប្បន្នពិភពលោកកំពុងត្រូវបានអូសទាញឲ្យចូលនៅក្នុងសង្គ្រាម២គឺ សង្គ្រាមនៅក្នុងប្រទេសអ៊ុយក្រែននិងសង្គ្រាមប្រឆាំងក្រុមអ៊ិស្លាមបង្កើតរដ្ឋIS ។ សង្គ្រាមនៅក្នុងប្រទេសអ៊ុយក្រែនគ្រាន់តែជាការស្ទាប់ស្ទងកម្លាំងរវាងលោកខាងលិចនិងរុស្ស៊ីតែប៉ុណ្ណោះ។ចំណែកសង្គ្រាមប្រឆាំងក្រុម IS មិនទាន់
បញ្ចាក់ច្បាស់ថាភាគីណាមួយ ភាគីណាមួយសាកល្បងកម្លាំងនឹងគ្នានោះឡើយ។ ពិភពលោកទាំងមូលមិនទាន់រកចម្លើយឃើញនៅសំណួរសួរថា តើអ្នកណា ប្រទេសណា បានទិញប្រេងនិងលក់សព្វាវុធទៅឲ្យក្រុមISសម្រាប់បង្កើតទឹកដីអ៊ិស្លាម?
តាមតួលេខរបស់ក្រុមស្រាវជ្រាវស្តីពីសពាវុធដែលរឹបអូសបានក្រោការវាយប្រហារទៅលើក្រុមIS នៅភាគខាងត្បូងអីរ៉ាក់និងប្រទេសស៊ីរីបង្ហាញឲ្យឃើញថា មានប្រភពផ្គត់ផ្គងសព្វាវុធជាច្រើនទៅឲ្យក្រុមIS ។ ក្រុមអ្នកស្រាវជ្រាវមកពីមជ្ឈមណ្ឌុលគ្រប់គ្រងសព្វាវុធ Conflic armament research បានឲ្យដឹងថា មានប្រភេទសព្វាវុធនិងគ្រាប់ជាង១៧០០ ដែលក្រុមIS ដណ្តើមយកពីប្រទេសស៊ីរីនិងអ៊ីរ៉ាក ហើយអាវុធទាំងនោះប្រទេសជុំវិញពិភពលោកបានផ្តាល់ជំនួយទៅឲ្យក្រុមប្រឆាំងនៅស៊ីរីនិងអ៊ីរ៉ាក់។
លោកJames Bevan អគ្គនាយកមជ្ឈមណ្ឌុល ស្រាវជ្រាវ CARបាននិយាយទៅកាន់សារព័ត៌មានNew York times ថា ក្រុម IS បានដណ្តើមយកសព្វាវុធពីឃ្លាំងសព្វាវុធនៅប្រទេសស៊ីរីនិង នៅប្រទេសអ៊ីរ៉ាក់ ហើយអាវុធទាំងនោះភាគច្រើនផលិតនៅក្នុងប្រទេសអាមេរិកនិងរុស្ស៊ី ព្រមទាំងប្រទេសមួយចំនួនទៀតនៅមជ្ឈឹមបូព៌ា។
ការវាយប្រហារកន្លងមករបស់អាមេរិកនិងសម្ព័ន្ធមិត្តបានបង្ហាញឲ្ហយឃើញថា ការវាយប្រហារតាមដែនអាកាស់មិនគ្រាប់គ្រាន់ក្នុងការរារាំងក្រុមIS រុលទៅមុខនោះឡើយ។ ទាំងនោះបានបង្ហាញថាក្រុមនេះមាន មានប្រព័ន្ធហិរញ្ញវត្ថុនិងសព្វាវុធសម្បូបែប តាមរយៈការដណ្តើមគ្រប់គ្រងអណ្តូងប្រេងនៅអ៊ីរ៉ាក់។ តើប្រេងទាំងនោះលក់ទៅឲ្យអ្នកណាប្រទេសណា?
លោកស្រីJana hybaskova អគ្គរដ្ឋទូតអឺរ៉ុបប្រចាំនៅប្រទេសអ៊ីរ៉ាក់ថា បណ្តាប្រទេសជាសមាជិកសហគមន៍អឺរ៉ុបមួយចំនួនបានទិញប្រេងពីក្រុមIS។ប៉ុន្តែលោកស្រីមិនបានផ្តាល់ព័ត៌មានច្បាស់លាស់ពីប្រទេសណានោះឡើយ។
ចាប់តាំងពីឆ្នាំ១៩៩៦ដល់ឆ្នាំ២០០៣ក្នុងរយៈពេល៦ខែអីរ៉ាក់លក់ប្រេងបាន២ពាន់លានដុល្លារ ក្នុងលក្ខ័ណពលរដ្ឋជាអ្នកទទួលបានប្រាក់ចំណូល។រដ្ឋាភិបាលសាដាំហូសេន បានបង្កើតបណ្តាញពិសេស ឲ្យពលរដ្ឋលកប្រេង ខុសច្បាប់តាមព្រំដែន អាចនាំមកនៅទឹកប្រាក់រហូតដល់ទៅ១១ពាន់លានដុល្លារឲ្យរដ្ឋាភិបាលសាដាំហូសេន។ដូច្នេះក្រុមIS អាចប្រើប្រាស់វិធីសាស្ត្រខុសច្បាប់តាមរបបចាស់របស់អីរ៉ាក់គឺអាចលក់ប្រេងបានច្រើន រកប្រាក់ចំណូលរាប់លានដុល្លារមកឲ្យក្រុមខ្លួន។
បច្ចុប្បន្ន មានបណ្តាញ់លក់ប្រេងខុសច្បាប់ឬប្រេងគេចព័ន្ធមានពីរបណ្តាញ់នៅព្រំដែនតួគី ។ មួយវិញទៀតប្រេងដែលក្រុមIS លក់ទៅឲ្យតួគីមានតម្លៃទាបជាច្រើន ទើបទាកទាញបានក្រុមអ្នកលក់ប្រេងខុសច្បាប់បានយ៉ាងចើន។ ទីបំផុតប្រេងទាំងនោះត្រូវបាននាំចូលទៅកាន់តំបន់អីរ៉ុប តានរយៈការទិញប្រេងពីតួគីរបស់អឺរ៉ុបដោយមិនដឹងថា ជាប្រេងរបស់ក្រុមIS នាំចូលខុសច្បាប់ទៅកាន់តួគីឡើយ។ទាំងនោះហើយទើបក្រុមអិស្លាមមានកម្លាំងគ្រាប់គ្រាន់សម្រាប់ពង្រីកទឹកដីរបស់ខ្លួននិងទប់ទល់ការវាយប្រហារពីលោកខាងលិខ៕
