ក្រុមប្រឹក្សា យោធាអាម៉េរិក រាប់សិបនាក់ កាលពីថ្ងៃពុធ ម្សិលមិញនេះ បានមកដល់ ក្នុង ប្រទេស អ៊ីរ៉ាក់ហើយ ក្នុងគោលបំណង ដើម្បីជំនួយដល់ការ ហ្វឹកហាត់កងកម្លាំង រក្សាសន្ដិសុខ ប្រទេសនេះ ក្នុងការ បន្ដបូជាញើសឈាម អាយុជីវិត របស់ពួកគេដើម្បី ប្រយុទ្ធប្រឆាំងនឹង ក្រុមសកម្ម
ប្រយុទ្ធរដ្ឋឥស្លាម។
ទីភ្នាក់ងារសារព័ត៌មានចិន ស៊ិនហួ ចេញផ្សាយថ្ងៃទី១៦ ខែតុលា ឆ្នាំ២០១៤ នេះឲ្យដឹងថា នៅក្នុងតំបន់ ភាគខាងជើងអ៊ីរ៉ាក់ មានក្រុមប្រឹក្សាយោធា អាម៉េរិក រហូតដល់ទៅ ១០០នាក់ បានមកដល់ជាមួយនឹង យន្ដហោះពីរគ្រឿង នៅក្នុងខេត្ត អានបា ដែលជាខេត្តកំពុងមានការ
ប៉ះទង្គិចខ្លាំងក្លា និងត្រូវបានគេរំពឹង ថានឹងចាប់ផ្ដើមដំណើរការហ្វឹកហាត់កងទ័ពអ៊ីរ៉ាក់ ដើម្បី ប្រយុទ្ធប្រឆាំងនឹងក្រុមឧទ្ទាមឥស្លាមនិយម IS ដែលបានកាន់កាប់ផ្នែកធំៗនៅក្នុងខេត្ត។
ក្រុមប្រឹក្សាយោធាអាម៉េរិក នឹងបើកការបណ្ដុះបណ្ដាល និងផ្ដល់ប្រឹក្សាដល់កងកម្លាំងអ៊ីរ៉ាក់ រួមទាំងមន្ត្រី ប៉ូលិស និងគាំទ្រដល់ក្រុមអ្នកប្រយុទ្ធកុលសម្ព័ន្ធ ក្នុងកិច្ចខិតខំរបស់ពួកគេ ដើម្បីប្រយុទ្ធនឹងក្នុងឥស្លាម និយម ដែលបានកាន់កាប់ទីក្រុងជាច្រើន រួមទាំងក្រុងតូចៗ ផ្សេងទៀត ក្នុងខេត្តអានបាថែមទៀត។
ចាប់តាំងពីខែធ្នូ ឆ្នាំមុននេះ ការវាយប្រហាររបស់ក្រុមសកម្មប្រយុទ្ធបំបែកខ្លួន បានបន្ដមិន ស្រាកស្រាន នៅក្នុងតំបន់ភាគកណ្ដាលអ៊ីរ៉ាក់ ពីតំបន់ភាគខាង លិចរដ្ឋធានីបាកដាដ ទៅដល់ ខេត្តអានបា ដែលជួប ការវាយប្រហារជាបន្ដបន្ទាប់រវាងកងរក្សាសន្ដិសុខ និងក្រុមឧទ្ទាម។
ខណៈពេលជាមួយគ្នានោះដែរ ក្រុម ឧទ្ទាមរដ្ឋឥស្លាមមួយនេះ ត្រូវបានគេរាយការណ៍ឲ្យដឹងថា គ្រោងកាន់ កាប់រដ្ឋធានី បាកដាដរបស់អ៊ីរ៉ាក់ ក៏ដូចដែល ប្រព័ន្ធផ្សព្វផ្សាយបរទេស បានរាយ ការណ៍ផងដែរថា ការប៉ះទង្គិចគ្នាម្ដងមានរយៈពេល ជាមួយសប្ដាហ៍ រវាងក្រុម IS និងកងរក្សាសន្ដិសុខអ៊ីរ៉ាក់ ក្នុងប្រយុទ្ធគ្នា ដើម្បីកាន់កាប់យក តំបន់អាប៊ូ និងព្រលានយន្ដហោះអន្ដរជាតិ ក្នុងរដ្ឋធានីបាកដាដ ក្នុងពេលឆាប់ៗ៕
