កំពង់ធំ ៖ បទល្មើសដឹកចេញពីព្រៃអភិរក្ស ត្រូវបានសមត្ថកិច្ចមេព្រៃសង្កាត់ទំរីង និងសង្កាត់ក្រយៀ ពង្រឹង ការអនុវត្តច្បាប់ ចុះស្ទាក់ចាប់ បទល្មើសព្រៃឈើ ដែលបានលបលួចរុករាន្ទ ព្រៃអង់តែន ដែលជាព្រៃបំរុងទុកជាអចិន្ត្រៃរបស់រដ្ឋ ត្រូវបានសមត្ថកិច្ចមេព្រៃ សហការជាមួយកំលាំងវរៈ១ ចំណុះឲ្យតំបន់ប្រតិបត្តិការសឹករង កំពង់ធំ ចុះបង្ក្រាបដើម្បីទប់ស្កាត់ការរាលដាល ការដឹកជញ្ជូនឈើដោយខុសច្បាប់។
ជាក់ស្តែងនៅព្រឹកថ្ងៃទី ៦ ខែ មិនា ឆ្នាំ ២០១៤ លោក ហូ គឹមឆេង នាយសង្កាត់រដ្ឋបាលព្រៃឈើទំរីង បានដឹកនាំ កំលាំងមន្ត្រីក្រោមឳវាទ ស្ទាក់ចាប់បាន រថយន្តកូរ៉េមួយគ្រឿង ពណ៌ សរ អត់ស្លាកលេខ បានប្រើស្ទីលជា អ្នករត់តាក់ស៊ី ដឹកមនុស្សមួយពីទៅ ៣នាក់ ព្រមទាំងបាន បង្កាប់ឈើធ្នង់ពេញមួយរថយន្ត ចេញពីឃុំ ទំរីង ឆ្ពោះមកខេត្តកំពង់ចាម តែត្រូវបានសមត្ថកិច្ចចម្រុះស្ទាក់ចាប់បាននៅចំនុច ភូមិទំអរ ឃុំទំរីង ស្រុកសណ្តាន់ ខេត្តកំពង់ធំ វត្ថុតាង មានឈើចំនួន 17ដុំ ជាង១ម៉ែត្រគូប និងរថយន្តត្រូវបាន នាំទៅរក្សាទុកនៅផ្នែក រដ្ឋបាលព្រៃឈើ ទំរីងដើម្បីឲ្យសាម៉ីខ្លួន ចូលមកដោះស្រាយ ដោយសន្តិវិធី ។
ដោយឡែកនៅព្រឹកថ្ងៃដដែល លោក ឈាង មាលា នាយសង្កាត់ រដ្ឋបាលព្រៃឈើ ក្រយៀ និងលោក ម៉ុល វណ្ណា នាយរងសង្កាត់ បានសហការ ចាប់កាឡេថងជាច្រើនគ្រឿង ដែលបានលបលួច ចូលទៅអាឈើហ៊ុប នៅក្នុងព្រៃអង់តែន ស្ថិតនៅក្នុង ឃុំ ក្រយា ស្រុកសន្ទុក ខេត្តកំពង់ធំ ដោយបានសហការជាមួយនឹង កំលាំងវរៈ១ ចំណុះឲ្យតំបន់ប្រតិបត្តិការសឹករងកំពង់ធំ ស្ទាក់ចាប់បាន ឈើ ហ៊ុនចំនួន 34ដុំ ជាប្រភេទឈើទាល និង ឈើផ្ចិក ចំនួនឈើទាំងអស់ ត្រូវបាន លោក ហៀង ជាសមត្ថកិច្ច មេព្រៃដឹកជញ្ជូន មករក្សាទុកនៅ សង្កាត់ រដ្ឋបាលព្រៃឈើ ក្រយៀ ។
តាមការឲ្យដឹងពីលោក ហៀង មេព្រៃសង្កាត់ក្រយៀ បានឲ្យដឹងថា មុនឈានដល់ការបង្ក្រាបកាឡេថងដឹក ហ៊ុបនេះ សមត្ថកិច្ចត្រូវបានព្យាយាម ហៅឲ្យម្ចាស់កាឡេថង ដឹកហ៊ុប ឈប់តាមសម្រួល តែជនល្មើសពុំព្រម ឈប់តាមសម្រួល បែរជានាំគ្នា កាត់ខ្សែទំលាក់ឈើហ៊ុប ឲ្យរមៀលពេញផ្លូវ ដោយមិនខ្វល់រឿងគ្រោះថ្នាក់ នោះទេ គឺជនល្មើសធ្វើយ៉ាងណា ឲ្យរត់បានរួចខ្លួន នៅក្នុងហេតុការណ៍ ឈើហ៊ុបបានរមៀលមកប៉ះចំឡាន សមត្ថកិច្ចមេព្រៃបណ្តាលឲ្យ ខូចខាតមួយចំនួន ។
លោកបានបន្តថា បញ្ហាបង្ក្រាបបទល្មើសព្រៃឈើនេះ គឺមានភាពអន្តរាយខ្លាំងណាស់ ដោយសារតែជនល្មើស មិនមានការខ្លាចញញើតពីសំណាក់ច្បាប់នោះទេ ម្យ៉ាងទៀតទាល់តែមានកំលាំងច្រើននាក់ ទើបបានអាចទប់ស្កាត់បាន បើពុំដូចឆ្នោះនិងត្រូវថ្នាំខ្លាំងរបស់ ជនល្មើសជាពុំខាន ។ ដោយ ប៊ុន រដ្ឋា 
