កំពង់ធំ÷រសៀលថ្ងៃទី០៣ ខែមេសា ឆ្នាំ២០២៤ លោក ងួន រតនៈ អភិបាលខេត្តកំពង់ធំ ដឹកនាំគណៈកម្មការរៀបចំសង្ក្រាន្តកំពង់ធំ និងមន្ត្រីពាក់ព័ន្ធអញ្ជើញត្រួតពិនិត្យទីតាំងការរៀបចំសង្ក្រាន្តកំពង់ធំឆ្នាំ ២០២៤ នៅវិទ្យាល័យកំពង់ធំ និងសួនមាត់ស្ទឹងសែន
ទីតាំងរៀបចំស្ដងពិពណ៌ទំនិញចំរុះ កន្លែងប្រគុំតន្ត្រី និងកន្លែងកំសាន្តនានា។
ក្នុងឱកាសនោះលោកងួន រតនៈ បានណែនាំ គណៈកម្មការរៀបចំសង្ក្រាន្តនិងមន្ត្រីពាក់ព័ន្ធអោយរៀបចំឲ្យបានសមរម្យ មានសណ្ដាប់ធ្នាប់ មានសោភ័ណ្ឌភាព បរិស្ថានល្អ និងមានអនាម័យ ត្រូវរៀបចំដាក់ភ្លើងបំភ្លឺ និងភ្លើងព័ណ៌សម្រាប់លម្អនៅពេលយប់ឱ្យបានស្អាត ត្រូវយកចិត្តទុកដាក់ក្នុងការថែរក្សា និងសំអាតបរិស្ថាននៅក្នុងបរិវេនវិទ្យាល័យ ឲ្យបានល្អប្រសើរជាប្រចាំផងដែរ ជាពិសេសត្រូវធ្វើការផ្សព្វផ្សាយឱ្យបានទូលំទូលាយ ដើម្បីឱ្យស្រទាប់មហាជនបានជ្រួតជ្រាប ធ្វើយ៉ាងណារៀបចំកម្មវិធីសង្ក្រាន្តកំពង់ធំឆ្នាំថ្មីនេះ ឱ្យបានល្អ ដើម្បីបង្កលក្ខណៈសប្បាយរីករាយជូនប្រជាពលរដ្ឋ ទាំងក្នុងខេត្ត ក្រៅខេត្ត ជាពិសេសអ្នកដែលរស់នៅក្នុងក្រុងស្ទឹងសែន សប្បាយរីករាយអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ នឹងឈានចូលមកដល់នាពេលដ៏ខ្លីខាងមុខនេះ ៕អត្ថបទយឹមប៊ុនហ័រ-ពិនិត្យនិងកែសម្រួលដោយអ៊ុមញឹប
