រាជធានីភ្នំពេញ៖ មានការភ្ងាក់ផ្អើលមួយបានកើតឡើងបណ្ដាលអោយអ្នកដំណើរចុះឈប់មើលគ្រប់ៗគ្នាបន្ទាប់ពីឃើញបុរសម្នាក់បានជិះម៉ូតូមកដល់រង្វងមូលជ្រោយចង្វាហើយបានឈប់ដេកនោះលើស្មៅសួនដូចជាមនុស្សខ្យល់គ ហេតុការណ៍បានកើតឡើងកាលពីវេលាម៉ោង18និង50នាទីល្ងាចថ្ងៃទី05 ខែមិនា ឆ្នាំ2014 នៅត្រង់ចំណុចលើសួនច្បារគល់ស្ពានជ្រោយចង្វាត្រើយខាងលិច ស្ថិតក្នុងសង្កាត់ស្រះចក។
បើតាមប្រភពពត័មានពីកន្លែងកើតហេតុបានអោយដឹងថា៖ មុនពេលកើតហេតុគេឃើញបុរសរូបនោះបានជីះម៉ូតូម៉ាកវ៉េវសេរីចាស់ ពណ៍ក្រហម គ្មានស្លាកលេខក្នុងទិសដៅពីត្បូងទៅជើង លុះមកដល់សួនច្បារគល់ស្ពានជ្រោយចង្វាត្រើយខាងលិច ក៍ឈប់ម៉ូតូដើរទៅដេកលើស្មៅសួនច្បារសន្លប់បាត់ស្មារតី ឃើញហេតុការណ៍បែបនេះប្រជាពលរដ្ធដែលធ្វើដំណើរឆ្លងកាត់តាផ្លូវនេះនាំគ្នាឈប់មើលហើយជួយគ្នាធ្វើចលនា
ខ្លះយកប្រេងខ្យល់ទៅលាបរិតអោយ ខ្លះចាប់ខ្យល់ដកសក់ក្បាល អ្នកខ្លះទៀតបានហៅរថយន្តសាម៉ុយមកដឹងយកទៅសង្គ្រោះដោយប្រជាពលរដ្ធនិកស្មានថាបុរសរូបនោះប្រហែលជាខ្យល់គ មួយសន្ទុះក្រោយមកស្រាប់តែបុរសរូបនោះដឹងខ្លួនឡើងវិញដោយឃើញសភាពរបស់បុរសរូបនោះស្គមហើយស្លេកស្លាំងនោះទើបម្នាក់ៗបម្រុងដឹកយកទៅមន្ទីពេទ្យតែពេលរថយន្តសង្គ្រោះរបស់មន្ទីពេទ្យកាលម៉ែត្រមកដល់
ស្រាប់តែបុរសរូបនោះបដិសេធន៍មិនឡើងរថយន្តទៅមន្ទីពេទ្យទេហើយក៍បានយកទូរសព្ទដៃអោយប្រជាពលរដ្ធទូរសព្ទ័ហៅសាច់ញាតិអោយមកទទួល។ មួយសន្ទុះក្រោយមកស្រាប់តែបងប្រុសបុរសរូបនោះមកដល់បានប្រាប់ថា៖ ប្អូនប្រុសរបស់គាត់ឈ្មោះ គឹម សុភ័ណ្ឌ ភេទប្រុស អាយុ28ឆ្នាំ មុខរបររត់ម៉ូតូឌុប ស្នាក់នៅផ្ទះជួលម្ដុំមន្ទីពេទ្យរបេង ខណ្ឌចំការមន មានស្រុកកំណើតនៅភូមិសង្កែ ឃុំឈើទាល ស្រុកស្វាយជ្រំ ខេត្តស្វាយរៀង ហើយមានប្រពន្ធកូនមួយនៅឯស្រុកទៀតផងហើយបុរសរូបនេះទើបមកពីស្រុកកំណើតល្ងាចមិញផងដែរ។
អ្វីដែលធ្វើអោយប្រជាពលរដ្ធខកចិត្តនិងហួសចិត្តយ៉ាងខ្លាំងនោះពេលដែលឮមាត់បងប្រុសរបស់គាត់មកដល់ស្រាប់តែបុរសដែលដេកសន្លប់ធ្វើអោយនាក់ធ្វើដំណើរភ័យស្មានថាខ្យល់គ នោះបានក្រោកលើកដៃ លើកជើង ស្រែកឡូឡាពេញផ្លូវហើយដេញអ្នកដំណើរមិនអោយឈប់មើលទៀតផងមិនតែប៉ុណ្ណោះបានដេញសមត្តកិច្ចដោយសភាពស្រវឹងជោកជាំ ឃើញដូចនេះអ្នកដែលខំជួយដែលនឹកស្មានថាជាខ្យល់គនោះមានការហួសចិត្តយ៉ាងខ្លាំងហើយក៍នាំគ្នាឡើងម៉ូតូទៅផ្ទះអស់ទៅដោយឃើញបុរសរូបនោះស្រវឹងខ្លាំងពេកសមត្តកិច្ចក៍បានហៅរម៉កកង់បីអោយដឹកម៉ូតូយកទៅផ្ទះនិងចេញថ្លៃដឹកអោយមួយមឺុនប្រាំពាន់រៀលទៀតផងដោយឃើញបងប្រុសរបស់បុរសស្រវឹងធ្លាក់ភ្នែកនោះប្រាប់ថាអត់មានលុយ៕
