សៀមរាប៖ យុវជនម្នាក់បានស្លាប់ភ្លាមៗនៅនឹងកន្លែង ក្នុងឧបទ្ទវហេតុគ្រោះថ្នាក់ចរាចរណ៍ មួយរវាងម៉ូតូនិងរថយន្តហ៊ីយ៉ាន់ដាយចំណុះមួយតោនកន្លះ កាលពីព្រឹកថ្ងៃទី៣១ខែតុលាវេលា ម៉ោង៧និង១៥នាទីលើបណ្តោយផ្លូវ៦០ម៉ែត្រ(តំបន់ឃ្យុងយូ)ក្នុងក្រុងសៀមរាប។
យោងតាមមន្ត្រីប៉ូលិសចរាចរណ៍បានអោយដឹងថា យុវជនដែលបានរងគ្រោះថ្នាក់ដល់ស្លាប់ នោះមានឈ្មោះឈុត សុខឃឿន អាយុ២៥ឆ្នាំ រស់នៅភូមិកន្សែងឃុំចាន់សស្រុកសូទ្រនិគម ខេត្តសៀមរាបជិះម៉ូតូសេ១២៥ផលិតឆ្នាំ២០១៣ពណ៍ខ្មៅពាក់ស្លាកលេខ១M-៨៧៨១ រីឯរយន្ត ហ៊ីយ៉ាន់ដាយដែលជិះពេញទៅដោយកម្មករសំណង់ពាក់ស្លាកលេខភ្នំពេញ២E-៦៨១៥។
ប៉ូលិសនិយាយថាអ្នកបើកបររថយន្តឈ្មោះ គង់ កយអាយុ២៦ឆ្នាំ រស់នៅភូមិស្ពានក្អែកឃុំ កណ្តែក ស្រុកប្រាសាទបាគង ខេត្តសៀមរាបបានរត់គេចខ្លួនបាត់ស្រមោលក្រោយពេលកើត ហេតុរួច។ប្រភពពីប្រជាពលរដ្ឋដែលបានឃើញហេតុការណ៍នោះនិយាយថា មុនពេលកើតេហតុគេបាន ឃើញជនរងគ្រោះជិះម៉ូតូតែម្នាក់ឯងក្នុងទិសដៅពីលិចទៅកើត ចំណែករថយន្តហ៊ីយ៉ាន់ដាយ បើកបរច្រាសទិសគ្នា ស្រាប់តែមកដល់ចំណុចកើតហេតុដែលមានចំងាយប្រមាណ៥០០ម៉ែត្រ ពីរង្វ់មូលផ្លូវ៦០ម៉ែត្រ (តំបន់ឃ្យុងយូ) ក៏បានបុកគ្នាពេញទំហឹងតែម្តងបណ្តាលអោយអ្នកបើក បរម៉ូតូស្លាប់ភ្លាមៗនៅនឹងកន្លែងកើតហេតុ។
មន្ត្រីប៉ូលិសចរាចរណ៍បានអោយដឹងថា បច្ចុប្បន្នរថយន្តនិងម៉ូតូត្រូវបានយកទៅរក្សាទុកនៅ ស្នងការដ្ឋាននគបាលខេត្តសៀមារាបដើម្បីធ្វើការដោះស្រាយគ្នាទៅតាមនិតិវិធីច្បាប់។ ចំ ណែកសាកសពជនរងគ្រោះ ត្រូវបានសមត្ថកិច្ចប្រគល់អោយក្រុមគ្រួសារយកទៅធ្វើបុណ្យ តាមប្រពៃណី៕
ដោយខេងឧត្តម
