រតនគិរីៈ លោកស៊ី កយ នាយរងប៉ុស្តិ៍ច្រករបៀងភូមិឡុំ និងគួរកន ឃុបឃិតជាមួយកងកម្លាំងការពារព្រំដែនប្រទេសវៀតណាម លួចដឹកឈើក្រហមចំនួន៥០កំណាត់ឆ្លងដែន នៅដីក្រុមហ៊ុនអភិវឌ្ឍន៍ចំការកៅស៊ូ៧៤ ត្រង់ចំណុចK3 កាលពីថ្ងៃទី៣០ ខែតុលា និងថ្ងៃទី០១ ខែវិច្ឆិការ ២០១៤
ហើយនេះក៏មិនមែនលើកទី០១ដែរ។ បើយោងតាមសេចក្តីរាយការណ៍ពីកងកម្លាំងរាជអាវុធហត្ថស្រុកអូរយ៉ាដាវ មួយរូបបានឲ្យដឹងកាលពីថ្ងៃទី០១ ខែវិច្ឆិការ ឆ្នាំ២០១៤ នេះនៅត្រង់ចំណុចកើតហេតុកម្លាំងរាជអាវុធហត្ថស្រុកអូរយ៉ាដាវសុំសហការណ៍ចាប់ឈើក្រហម៥០កំណាត់នោះដែរ ប៉ុន្តែត្រូវលោក ស៊ី កយ នាយរងប៉ុស្តិ៍ច្រករបៀងមានប្រសាសន៍ថា កម្លាំងរបស់លោក និងចាប់ឈើនោះហើយព្រមទាំងធ្វើកំណត់ហេតុបញ្ជូនទៅឲ្យរដ្ឋបាលព្រៃឈើចាត់ការ ប៉ុន្តែផ្ទុយទៅវិញនៅថ្ងៃទី០១ ខែវិច្ចិការ ឆ្នាំ២០១៤ ឈើក្រហមប្រភេទសុក្រំ ដែលលោកស៊ី កយ និងគូរកនជួញដូរតាមច្រករបៀងភូមិឡុំត្រង់ចំណុចK3 ដែលខ្លួនកាន់កាប់នោះត្រូវបានដឹកជញ្ជូនដល់ព្រំដែនប្រទេសវៀតណាម ព្រមទាំងកងកម្លាំងការពារព្រំដែនប្រទេសវៀតណាមថាខ្លួនជាអ្នកចាប់ឈើខ្មែរទៅវិញហើយ ខណៈនោះដែរតាមព្រំដែនប្រទេសវៀតណាមគ្មានព្រៃឈើ និងឈើប្រភេទនេះទាល់តែសោះ។
ហើយឈើក្រហមប្រភេទសុក្រំចំនួន៥០កំណាត់ដែលមានមុខកាត់៣០សង់ទីម៉ែត្រទៅ៦០សង់ទីម៉ែត្រឃ្លុំ មានប្រវែង២,២០ម៉ែត្រ បើគិតជាម៉ែត្រគូបប្រហែល១០ម៉ែត្រគូប ត្រូវបានគេកាប់និងដឹកជញ្ជូនចេញពីតំបន់អភិរក្សប្រាសាទតាក់ណាំង ក្នុងទឹកដីឃុំយ៉ាងទុង ស្រុកអូរយ៉ាដាវ។ នៅក្នុងជំនួញឈើក្រហម ប្រភេទសុក្រំនេះដែរ លោកវរៈសេនីយ៍រចំ ជីប ប្រធានប៉ុស្តិ៍ភូមិឡុំ មានប្រសាសន៍ថាលោកជាប់រវល់ចូលរួមបុណ្យមេបញ្ជាការព្រំដែនគោក។ ទាក់ទិននិងការចោទប្រកាន់ការជួញដូរឈើប្រណិតកន្លងមក និងឈើក្រហមកាលពីថ្ងៃទី៣១ខែតុលា តាមចំណុច តាមចំណុច3Kរបស់ក្រុមហ៊ុនអភិវឌ្ឍន៍ចំការកៅស៊ូ៧៤នោះលោក ស៊ី កយ និងគូរកនមិនអាចសុំការពន្យល់ណាមួយបានទេនៅរសៀលថ្ងៃច័ន្ទ ទី០៣ ខែវិច្ឆការនេះ ជុំវិញករណីលោក ស៊ី កយ នាយរងប៉ុស្តិ៍ច្រករបៀងភូមិឡុំ និងគូរកនជួញឈើក្រហមទៅប្រទេស
វៀតណាមនោះ មិនដឹងជាលោកវរៈសេនីយ៍ងួន សុវណ្ណា មេបញ្ជាការនគរបាលការពារព្រំដែនគោកប្រចាំ និងលោកវរៈហេង រតនា ស្នងការរងទើបទទួលតំណែងថ្មី ហើយទទួលបន្ទុកកិច្ចការព្រំដែនមិនដឹងលោកទាំង២នាក់ជ្រាបរឿងនេះហើយឫនៅ។ ប្រមុខរាជរដ្ឋាភិបាលតែងដាស់តឿនអោយមន្ត្រី និងកងកម្លាំងដែលមានកាតព្វកិច្ចការពារខ្សែបន្ទាត់ព្រំដែនជួយទប់ស្កាត់បទល្មើសឆ្លងដែន ប៉ុន្តែផ្ទុយទៅវិញមានមន្ត្រី និងកងកម្លាំងខិលខំមួយចំនួនបានប្រព្រឹត្តិជួញដូរបទល្មើសដើម្បីមហិច្ឆិតារបស់ខ្លួនផ្ទុយពីបទបញ្ជា៕
