ភ្នំពេញ ៖ រថយន្តកាមរីឆ្លាមបុកអ្នករីយ៉ែរថយន្តបណ្តាលឱ្យរបួសបាក់ជើងរងរបួសធ្ងន់កាលពីរវេលាម៉ោង ៩ និង 00 នាទីយប់ថ្ងៃទី១០ ខែ មិនា ឆ្នាំ
២០១៤ នៅចំណុចមុខក្រុមហ៊ុនរថយន្តក្រុងដឹកអ្នក ដំណើរយីហោវិរៈប៊ុនថាំអ៊ិចប្រេសទេសចរណ៏ ស្ថិតតាមបណ្តោយផ្លូវព្រះស៊ី សុវត្ត កែងផ្លូវ ១០៦ សង្កាត់វត្តភ្នំ ខណ្ឌដូនពេញ។
ប្រភពព័ត៌មានបានឱ្យដឹងថារថយន្តឆ្លាមពណ៌ខ្មៅ ពាក់ស្លាកលេខភ្នំពេញ2M-1001បើកបរពីទិសខាងលិចទៅកើតតាមបណ្តោយ ផ្លូវព្រះស៊ីសុវត្តកែងផ្លូវ១០៦ចំណុចកើតហេតុនៅពេលនោះគឺមានបុរស ម្នាក់ជាអ្នករីយ៉ែរថយន្តបានចេញមករីយ៉ែរថយន្តស្របពេលជាមួយគ្នា នោះដែរក៏មានរថយន្តមួយគ្រឿងទៀតបើកពីកើតទៅលិចហើយបុរសរងគ្រោះ បានលើកដៃជាសញ្ញាកុំឱ្យរថយន្តឆ្លាមធ្វើដំណើរមកពេលប៉ុន្តែ រថយន្តឆ្លាមនោះមិនស្តាប់នៅតែបើកមកបុកបុរសរងគ្រោះបន្ទាប់មក រថយន្តឆ្លាមនោះក៏រីយ៉ែរថយន្តបុកបុរសរងគ្រោះម្តងទៀតបណ្តាលឱ្យ បាក់ជើងត្រូវបានគេដឹកទៅសំរាកព្យាបាលនៅមន្ទីរ។
ក្រោយពេលកើតហេតុសមត្ថកិច្ចបានចុះវាស់វែងយករថយន្តខាងលើទៅរក្សទុកនៅខណ្ឌដូនពេញ រងចាំធ្វើការដោះស្រាយនាពេលក្រោយ ៕