កំពង់ឆ្នាំង៖ដោយមានសេចក្តីអំពាវនាវពីអ្នកសារព័ត៌មានក្នុងខេត្ត និងអ្នកលេងហ្វេសប៊ុក មន្ត្រីរាជការមួយក្រុមនៅក្នុងក្រុមរួបរួមមិត្តដើម្បីមនុស្សធម៌ នៅព្រឹកថ្ងៃទី១៩ ខែវិច្ឆិកា ឆ្នាំ២០១៤ បាននាំយកអំណោយមនុស្សធម៌មួយចំនួនក្នុងក្រុម មកឧបត្ថម្ភជូនស្ត្រីក្រីក្រពោះធំម្នាក់ នៅក្នុងភូមិទួល
ក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ដែលកំពុងមានខ្វះខាតថវិកាវះកាត់សំរាលកូនក្នុងថ្ងៃទី១៩ ខែវិច្ឆិកានេះ។
លោកមេភូមិទួលក្រឡាញ់ដែលបានចូលរួមក្នុងការប្រគល់អំណោយនេះបានអោយដឹងថា៖ស្រី្តក្រីក្រខាងលើនេះមានឈ្មោះ ស៊ូ សុខរ៉េន អាយុ២៩ឆ្នាំ មានកូនម្នាក់អាយុ៦ឆ្នាំ ថ្ងៃនេះ
មានផ្ទៃពោះគ្រប់ខែហើយ គ្រូពេទ្យបានណាត់អោយទៅវះកាត់សំរាលកូននៅល្ងាចថ្ងៃទី១៩ ខែ
វិច្ឆិកានេះ ប្តីនាងឈ្មោះ អ៊ុង សុភារិទ្ធ អាយុ២៩ឆ្នាំ ជាកម្មករសិប្បកម្មឈើ ប្តីប្រពន្ធរបស់នាងពុំមានផ្ទះទេសំបែង សព្វថ្ងៃនៅរស់នៅជាមួយម្តាយមីងចិត្តធម៌ម្នាក់។ដោយសារតែនាងគ្មានលុយសំរាប់វះកាត់សំរាលកូនព្រោះតែសុខភាពខ្សោយ ទើបកន្លងមកអ្នកសារព័ត៌មានក្នុងខេត្តអាណិ តអាសូរជួយធ្វើការផ្សាយអំពាវនាវ សំណូមពរសប្បុរសជនជួយដល់រូបនាង។
លោក ផែង វណ្ណះ មន្ត្រីនគរបាលក្រសួងមហាផ្ទៃ លោកស្រី មួង រ៉ាម៉ានី ទីប្រឹក្សាក្រសួង
ព័ត៌មាន និងកញ្ញា អ៊ុក រីដា ដែលបាននាំយកអំណោយមកផ្តល់ជូនស្ត្រីក្រីក្រខាងលើនេះបាននិយាយអោយដឹងថា៖ លោក លោកស្រី និងកញ្ញា ជាមន្ត្រីរាជការ និងជាអ្នកលេងហ្វេសប៊ុកគាំ
ទ្រគណៈបក្សប្រជាជនកម្ពុជា អំណោយទាំងនេះជាអំណោយរបស់ក្រុមរួបរួមមិត្តដើម្បីមនុស្ស
ធម៌ ដែលបានរួបរួមគ្នានាំយកមកចែកជូនស្ត្រីក្រីក្រ ដោយមិនប្រកាន់និន្នាការនយោបាយអ្វីឡើយ ដើម្បីចូលរួមជាមួយរាជរដ្ឋាភិបាល និងកាកបាទក្រហមកម្ពុជា ចែកជូនដល់ប្រជាពល
រដ្ឋក្រីក្រ និងជនរងគ្រោះនៅគ្រប់ទីកន្លែង ទៅតាមលទ្ធភាពរបស់ក្រុម។
អំណោយដែលត្រូវឧបត្ថម្ភជូននៅពេលនេះរួមមានៈថវិកាចំនួន៧៦ម៉ឺនរៀល អង្ករ៥០គីឡូ មី២កេះ ទឹកត្រី៦ដប ទឹកស្អីវ៦ដប កន្ទេល១ មុង១ ភួយ១ សារ៉ុង១ ទឹកដោះគោ៦កំប៉ុង និងខោអាវទារក២កំប្លេ ត្រូវបានប្រគល់ជូនស្ត្រីក្រីក្រនិងប្តីនាង ដោយផ្ទាល់ដៃ។
ស្ត្រីឈ្មោះ ស៊ូ សុខរ៉េន និងប្តី ព្រមទាំងលោកមេភូមិ សូមថ្លែងអំណរគុណយ៉ាងជ្រាលជ្រៅដល់ក្រុមរួបរួមមិត្តដើម្បីមនុស្សធម៌ និងសប្បុរសជនទាំងអស់ជាម្ចាស់អំណោយដ៏សប្បុរស
សូមអស់លោក លោកស្រី ទទួលបាននូវពុទ្ធពរទាំង៥ប្រការ មានជ័យជំនះលើមារសត្រូវគ្រប់ទិសទី និងសំរេចបានជោគជ័យគ្រប់តួនាទីភារកិច្ចដែលប្រមុខរាជរដ្ឋាភិបាលបានប្រគល់ជូន៕ .
