ក្លិបមាន់ខ្នាយមាស Tottenham Hotspur បានសម្រេចចិត្តដាក់ពាក្យបណ្តឹងចំពោះការឲ្យកាតក្រហមដល់ ខ្សែការពារកណ្តាល Younes Kaboul នៅក្នុងការប្រកួតជាមួយតោខៀវ Chelsea កាលពីយប់ថ្ងៃសៅរ៍ ។
Kaboul ត្រូវបានបណ្តេញចេញពីការប្រកួតក្រោយពេលដែលអជ្ញាកណ្តាល Michael Oliver បានដកកាត ក្រហមដោយសារតែរូបគេធ្វើឲ្យមានកំហុសលើខ្សែប្រយុទ្ធ Samuel Eto'o នៅក្នុងប្រអប់គ្រោះថ្នាក់ ហើយផ្តល់បាល់ ប៉េណាល់ទីឲ្យក្រុម Chelsea ។
ថ្វីបើការចាក់វិដេអូខ្លីបសារឡើងវិញបង្ហាញថា ការពិន័យនេះមិនត្រឹមត្រូវក៏ដោយ ប៉ុន្តែ Kaboul នឹងត្រូវប្រឈមមុខនឹងការពិន័យហាមមិនឲ្យចូលលេងចំនួន ៣ ប្រកួតបើសិនជាការដាក់ពាក្យបណ្តឹងនេះមិនបានសម្រេចនោះ ។
គួរបញ្ជាក់ថា Spurs បច្ចុប្បន្នកំពុងឈរនៅលំដាប់ទី ៥ ក្នុងតារាង Premier League ហើយមានគម្លាត ៥ ពិន្ទុ ពីក្រុមលេខ ៦ គឺបិសាចក្រហម Manchester United ៕
