សម្ភោធដាក់ប្រើប្រាស់ប្រព័ន្ធលូរបង្ហូរទឹកភ្លៀងមុខកាត់០,៨០ម៉ែត្រតាមបណ្តោយផ្លូវព្រះខ័នម្លូរព្រៃនិងផ្លូវលេខ៥ប្រវែង៩០០ម៉ែត្រក្នុងក្រុងព្រះវិហារខេត្តព្រះវិហារជាគម្រោងជំនួយសប្បុរសធម៏របស់ប្រទេសជប៉ុនសម្រាប់សន្តិសុខមនុស្សជាតិថ្នាក់មូលដ្ឋានកាលពីរសៀលថ្ងៃទី១១ខែ
មីនាឆ្នាំ២០១៤ស្ថិតនៅភូមិគោគបេងសង្កាត់កំពង់ប្រណាកក្រុងព្រះវិហារ។
លោកសំលាងទ្រីប្រធានមន្ទីរសាធារណការនិងដឹកជញ្ជូនខេត្តព្រះវិហារបានមានប្រសាសន៍ថាប្រព័ន្ធលូរបង្ហូរទឹកភ្លៀងប្រវែង៩០០ម៉ែត្រនិងរឺហ្កា(អណ្តូងលូរ)ចំនួន៣៦កន្លែងស្ថិតតាមបណ្តោយផ្លូវម្លូព្រៃផ្លូវកោះកែវផ្លូវព្រះខ័ននិងផ្លូវលេខA១៨ ដែលជាជំនួយសម្រាប់មនុស្សជាតិសម្រាប់ជួយអភិវឌ្ឍន៏សង្កាត់កំពង់ប្រណាកក្រុងព្រះវិហារខេត្តព្រះវិហារតាមរយះស្ថានទូតនៃប្រទេស ជប៉ុនប្រចាំនៅកម្ពុជា ។ លោកសំលាងទ្រីបានបន្តទៀតថាជំនួសមុខអោយរាជរដ្ឋាភិបាលនៃព្រះរាជាណាចក្រកម្ពុជាខ្ញុំបានសំដែងនូវកិច្ចស្វាគមន៏យ៉ាងកក់ក្តៅនិងថ្លែងអំណរគុណដ៏ជ្រៀលជ្រៅបំផុតចំពោះប្រទេសជប៉ុនដែលតែងតែផ្តល់់ជំនួយដល់ប្រទេសកម្ពុជាពិសេសជំនួយសប្បុរសធម៏សម្រាប់មនុស្សជាតិនិងថ្លែងអំណរគុណតាមរយឯកឧត្តម KUMAMARU YUJI ឯកអគ្គរាជទូតនៃប្រទេសជប៉ុនជូនដល់ប្រជាពលរដ្ឋនិងរដ្ឋាភិបាលជប៉ុនដែលទោះជាស្ថិតក្នុងស្ថានភាពលំបាកដែលជួបប្រទះនូវការរងផលប៉ះពាល់ដោយវិបត្តិសេដ្ឋកិច្ចពិភពលោកក៏ដោយក៏ជប៉ុននៅតែចែករំលែកធនធាននិងស្មារតីមិនឈប់ឈរ ជួយដល់ប្រជាពលរដ្ឋកម្ពុជាតាមរយការផ្តល់ជំនួយឥតសំណងយ៉ាងច្រើនសម្រាប់ការស្តារនិងអភិវឌ្ឍន៏ហេដ្ឋារចនាសម្ព័ន្ធរូបវន្តជាពិសេសបណ្តាញគមនាគមន៏ដឹកជញ្ជូនអោយមានភាពប្រទាក់ក្រឡាទូទាំងប្រទេសជិតខាងក្នុងតំបន់ទាំងផ្លូវគោកផ្លូវទឹកផ្លូវសមុទ្រតាមបណ្តោយទន្លេមេគង្គនិងស្ទឹងនានានៅក្នុងព្រះរាជាណាចក្រកម្ពុជា។
លោកប្រធានមន្ទីរ បានមានប្រសាសន៍ទៀតថាបន្ថែមលើនេះជប៉ុនបានជួយដោយផ្តោតដោយឡែកចំពោះការអភិវឌ្ឍន៏មូលដ្ឋានភូមិឃុំតាមគម្រោងជំនួយមនុស្សធម៏សម្រាប់សន្តិសុខមនុស្សជាតិថ្នាក់មូលដ្ឋានដូចជាការសាងសង់ប្រព័ន្ធលូរនេះជាដើម។កន្លងមកស្ថានទូតជប៉ុនតាមរយការសម្រាច់សម្រួលរបស់ក្រសួងសាធារណការនិងដឹកជញ្ជូនដូចគ្នានិងការសាងសង់ប្រព័ន្ធលុនេះដែរបានជួយដល់ក្រុមប្រឹក្សាឃុំមួយចំនួននិងមន្ទីរសាធារណការនិងដឹកជញ្ជូនខេត្តនិងទូទាំងប្រទេសកម្ពុជាដែលបានកំពុងតែសម្រាចគោលនយោបាយយុទ្ធសាសន៏ចតុកោណសំដៅបន្ថយភាពក្រីក្ររបស់ប្រជាបលរដ្ឋកម្ពុជានៅតំបន់ដាច់ស្រយាលឱ្យមានប្រសិទ្ធភាព។ការសាងសង់ប្រព័ន្ធលូរនេះបានចាប់ផ្តើមចុះហត្ថលេខានៅថ្ងៃទី២៥ខែមីនាឆ្នាំ២០១៣ហើយចាប់ផ្តើមការសាងសងនៅថ្ងៃទី១ខែមេសាឆ្នាំ២០១៣និងបញ្ចប់ការសាងសង់ទាំងស្រុងថ្ងៃទី៣០ខែសីហាឆ្នាំ២០១៣ដោយក្រុមហ៊ុនតាំង ចេងអ័ង ខនស្ត្រាក់សិន សហការជាមួយមន្ទីរសាធារណការនិងដឹកជញ្ជូនខេត្តព្រះវិហារក្នុងនោះចំណាយថវិការសាងសងចំនួន ១០៥៤២២ដុល្លារអាមេរិច។
លោក ហ៊ីហ្គូជីយូស៊ីហ៊ីរ៉ូ (HIGUCHIYoshihiro) ឧបទូតស្ថានទូតនៃប្រទេសជប៉ុន ប្រចាំព្រះរាជាណាចក្រកម្ពុជាបានឡើងមានតិសំណេះសំណាលទៅកាន់ប្រជាពលរដ្ឋកម្ពុជាយ៉ាងកក់ក្តៅបន្ទាប់មកលោកឯកឧត្តម អ៊ុំម៉ារ៉ា អភិបាលខេត្តព្រះវិហារបានមានប្រសាសន៍ និង ថ្លែងអំណរគុណដល់ប្រទេសជប៉ុនតាមរយៈលោក ហ៊ីហ្គូជីយូស៊ីហ៊ីរ៉ូ ឧបទូតស្ថានទូត និង អនុប្រធាន បេសកម្មទូតស្ថានទូតជប៉ុនប្រចាំព្រះរាជាណាចក្រកម្ពុជារួចមកកម្មវិធីកាត់ខ្សែបូរ សម្ភោធលូរដាក់អោយប្រើប្រាស់ជាផ្លូវការ។
ព្រះវិហារថ្ងៃទី១២ខែមិនាឆ្នាំ២០១៤
ខ្ញុំបាទយ៉ែមណាល់ធ្វើសេក្តីរាយការណ៏ពីខេត្តព្រះវិហារសូមជំរាបលា សូមអរគុណ!