បន្ទាយមានជ័យ៖ មន្ត្រីសាខាកាំកុងត្រូលប្រចាំខេត្តបន្ទាយមានជ័យបានចុះត្រួតពិនិត្យទំនិញខូចគុណភាពនៅជុំវិញផ្សារនានាក្នុងក្រុងប៉ោយប៉ែតខេត្តបន្ទាយមានជ័យកាលពីថ្ងៃទី១១ខែមិនាឆ្នាំ២០១៤ ដើម្បីទប់ស្កាត់ទំនិញខូចគុណចរចារណ៏លក់ដូរនៅលើទីផ្សារ ។
នៅក្នុងការចុះប្រតិបត្រការណ៏នោះដឹកនាំដោយលោកសាន វិជ្ជារ៉ាវុធ អនុប្រធានសាខានាយកដ្ឋានកាំកុងត្រូលខេត្តបន្ទាយមានជ័យរួមនិងមន្ត្រីចំនួន០៣រូបផ្សេងទៀត ។លោក វិជ្ជារ៉ាវុធ បានឲ្យដឹងថា៖ផ្សារជាច្រើននៅក្នុងប្លុកតំបន់ប៉ោយប៉ែតនេះបានធើ្វអាជីវកម្មលក់ដូរទំនិញសព្វសារពើរ ហើយកន្លងមកមន្ត្រីយើងរបស់លោកក៏បានចុះទៅធើ្វការណែនាំអប់រំដល់អាជីវករទាំងនោះឲ្យពួកគាត់ចេះមើលស្លាកយីហោទំនិញនិងកាលបិច្ឆេទថ្ងៃផុតកំណត់នៃការប្រើប្រាស់របស់ទំនិញ ជាលទ្ធផលអ្វីដែលទទួលបានគឺ ក្រុមអាជីវករទាំងនោះពួកគាត់បានស្វែងយល់ដឹងជាមុនច្រើនណាស់ ។
ជាក់ស្តែងកាលពីថ្ងៃទី១១កន្លងទៅ មន្ត្រីជំនាញយើងបានរកឃើញនិងដកហូតបានទំនិញដែលខូចគុណភាណចំនួនដ៏តិចតូចបំផុតនៅលើទីផ្សារទាំងនោះរួមមាន៖ទឹកសេរ៉ូចំនួន១១ដបនំសណ្តែកកំប៉ុងចំនួន០២កំប៉ុងទឹកក្រូចចំនួន០៥ដបតូចនិង០៧ដបធំរួមនិង ទឹកម្នាស់ចំនួន១២ដបតូច ។
ចំណែក ស្ត្រីម្នាក់ជាអាជីវករក្នុងចំណោមស្ត្រីទាំងនោះបានលើកឡើងថា៖ កន្លងមកពួកគាត់មិនសូវចេះមើលស្លាកយីហោទំនិញទេ ជាងនេះទៅទៀតនោះថ្ងៃខែឆ្នាំផុតកំណត់ នៃការប្រើប្រាស់ក៏មិនដឹងដែរ ប៉ុន្តែដោយសារមានមន្ត្រីជំនាញខាងកាំកុងត្រូតមកណែនាំទើបជាកត្តាធើ្វឲ្យពួកគាត់ ចេះនិងយល់ពីរបៀបមើលគុណភាពមុខទំនិញស្ត្រីដដែលថា៖ ឥឡូវនេះពួកគាត់បានយល់ច្រើនហើយអំពីទំនិញដែលមានស្លាកយីហោ ប៉ុន្តែមុខទំនិញណាដែលមិនមានស្លាកយីហោត្រឹមត្រូវនោះពួកគាត់មិនហានទិញយកមកលក់នៅលើទីផ្សារទេ ព្រោះខ្លាចប៉ះពាល់ដល់សុខុមាលភាពអ្នកដែលទិញយកទៅប្រើប្រាស់ឬបរិភោគជាដើម ៕
ចំណែក លោកអ៊ុត សុភាព ប្រធានសាខាកាំកុងត្រូលបានលើកឡើងថា៖ ឥឡូវនេះលោក បានដាក់ផែនការណ៏ឲ្យមន្ត្រីរបស់លោកចុះផ្សារច្រើនដើម្បីអប់រំនិងរុករកទំនិញទាំងឡាយណាដែលខូចគុណភាពហើយនៅតែបន្តធើ្វចរាចរនោះត្រូវប្រមូលយកមកកំទេចចោល ដើម្បីជៀសវាងប៉ះពាល់សុខភាពដល់អ្នកប្រើប្រាស់ ជាការពិតណាស់នាពេលនេះបងប្អូនអាជីវករហាក់មានការយល់ដឹងបានច្រើនហើយលឿនទៀតផងព្រោះពួកគាត់មានបណ្តាញព័ត៌មានសង្គមហ្វេសប៊ុកមើល ជាពិសេស់រាជរដ្ឋាភិបាលបានកំពុងតែខិតខំប្រឹងប្រែង យកចិត្តទុកដាក់ចំពោះទំនិញទាំងឡាយណាដែលមានលំហូរចូលមកពីប្រទេសជិតខាងជហើយជាទំនិញដែលគ្មានស្លាកយីហោពិតប្រាកដ នេះជាមុខសញ្ញាដែលយើងត្រូវស្វែងរក ។
ជាចុងក្រោយនេះលោក អ៊ុត សុភាព ក៏បានសំណូមពរដល់បងប្អូន អាជីវករដែលលក់ដូរតាមទីផ្សារ គប្បីរួមចំណែក ជាមួយមន្ត្រីជំនាញ ដើម្បីឈានទៅរកការលុបបំបាត់ទំនិញខូចគុណភាពឲ្យអស់នៅលើទីផ្សារយើងទាំងអស់គ្នា៕