ក្រុងប៉ោយប៉ែត៖ កាលពីព្រឹកថ្ងៃទី១៣ខែមិនាឆ្នាំ២០១៤ នៅបញ្ជាការដ្ឋាននគរបាលការពារព្រំដែនគោកលេខ៩១១ ស្ថិតក្នុងក្រុងប៉ោយប៉ែតខេត្តបន្ទាយមានជ័យបានបើកកិច្ចប្រជុំមួយក្រោមអធិបតីភាពឯកឧត្តម ស៊ឹម សុផលអគ្គស្នងការរងនគរបាលជាតិទទួលបន្ទុកការងារព្រំដែន ។
នៅក្នុងកិច្ចប្រជុំនោះ លោកសូចាន់ណារី មេបញ្ជាការដ្ឋាននៃនគរបាលការពារព្រំដែនគោកលេខ៩១១បានដាក់បញ្ជាដ៏តឹងរឹងហាមមិនឲ្យមានអ្នកសារព័ត៌មានចូលទៅយកព័ត៌មាននៅក្នុងពិធីនោះទេ ជាក់ស្តែងភ្នាក់ងារសារព័ត៌មានខ្មែរដេលីដែលជាសារព័ត៌មានមួយមានប្រជាប្រិយភាព និងប្រកបទៅដោយក្រមសិលធម៌វិជ្ជាជីវៈក៏លោក សូចាន់ណារី ហាមមិនឲ្យចូលទៅយកព័ត៌មានដែរ ភ្នាក់ងារអង្គភាពសារព័ត៌មានខាងលើបានសម្តែងការខកចិត្តយ៉ាងខ្លាំងចំពោះទង្វើបិទបាំងសិទ្ធិសេរីភាពសារព័ត៌មានពីសំណាក់លោកមេបញ្ជានគរបាលលេខ៩១១រូបនោះ ។លោកថា៖ ការប្រព្រឹត្តរបស់លោកសូចាន់ណារី គឺពិតជាខ្វះឆន្ទផ្តល់សិទ្ធិសេរីភាពជូនអ្នកសារព័ត៌មាន ជាពិសេស់កិច្ចប្រជុំនោះគឺជាថ្នាក់ភូមិភាគផងដែរ មិនមែនជារឿងបុគ្គលនោះឡើយ ។យ៉ាងណាក្តី លោក សំ ជិត ស្នងការរងនគរបាលខេត្តបន្ទាយមានជ័យទទួលបន្ទុកកិច្ចការព្រំដែន បានឲ្យដឹងថា៖ កិច្ចប្រជុំនោះគឺស្តីពីបូកសរុបការងារឆ្នាំ២០១៣និងទិសដៅឆ្នាំ២០១៤ លោកបន្តថា៖ មានមេបញ្ជាការស្រាលមកចូលរួមប្រជុំចំនួន៤ខេត្តក្រុងនិង១០វរសេនាតូច លោកស្នងការបានបញ្ជាក់ទៀតថា៖ការងារប្រជុំនេះមិនមែនមានលក្ខន្ធ័អ្វីត្រូវបិទបាំងនោះទេ គឺយើងនិយាយអំពីលទ្ធផលនៃការងារកងនគរបាលការពារព្រំដែនថ្នាក់នាយកដ្ឋាន បើទោះជាលោកសំជិត បាននិយាយថា៖ មានអ្វីត្រូវបិទបាំងក៏ដោយសម្រាប់ លោក សូចាន់ណារី មេបញ្ជាការវរសេនាតូចលេខ៩១១ ហាក់មានរឿងអ្វីត្រូវបិទបាំងសម្រាប់រូបលោក ដូច្នេះទើបលោកមិនអនុញាតឲ្យមានសារព័ត៌មានបានចូលទៅយកព័ត៌មានក្នុងពិធីនោះ ៕ ពាក់ពន្ធ័និងករណីហាមអ្នកសារព័ត៌មាននេះដែរ លោក កែមចិន្តា ភ្នាក់ងារសារព័ត៌មានក្នុងស្រុកមួយ បានឲ្យដឹងថា៖ កន្លងមកលោក សូចាន់ណារី ក៏ធ្លាប់បានបញ្ជាឲ្យមន្ត្រីក្រោមឳវាទហាមអ្នកកាសែតចូលយកព័ត៌មាននៅក្នុងកិច្ចប្រជុំដែរកាលពីមុនមក ភ្នាក់ងាររូបនោះថាការហាមបបែនេះគឺជាការបិទសិទ្ធិសេរីភាពអ្នកសារព័ត៌មាន លោកថា លោកចង់ឲ្យស្ថាបន័ពាក់ពន្ធ័គប្បីពន្យល់ លោក សូចាន់ណារីឲ្យស្គាល់ពីសិទ្ធិសេរីភាពរបស់អ្នកសារព័ត៌មានឲ្យបានប្បាស់ ជៀសវាងបិទសិទ្ធិសេរីភាពអ្នកសារព័ត៌មានតទៅទៀត ។
ពាក់ពន្ធ័និងការចោទប្រកាន់ថាលោក សូចាន់ណារី បានបញ្ជាឲ្យមានការហាមឃាត់អ្នកសារព័ត៌មានមិនឲ្យចូលទៅយកព័ត៌មាននៅក្នុងកិច្ចប្រជុំកាលពីថ្ងៃទី១៣មិនាឆ្នាំ២០១៤ ភ្នាក់ងារយើងមិនអាចសុំការបំភ្លឺពីលោកសូចាន់ណារីបានទេ៕
