កំពង់ធំ=
ប្រភពពត៌មានពីកន្លែងកើតហេតុបានឲ្យដឹងថាបន្ទាប់ពីទទួលពត៌មានថា!មានគ្រឿងចក្រ១គ្រឿងរបស់ម្ចាស់អាជីវកម្ម ឈ្មោះ ឈាក ស៊ីណា អាយុប្រហែលជាង៤០ឆ្នាំ រស់នៅភូមិកំពង់ធំ សង្កាត់កំពង់រទេះ ក្រុងស្ទឹងសែន បានចូលទៅជីកកកាយដីចំណីស្ទឹងសែន ស្ថិតនៅក្នុងភូមិព្រៃគុយ ឃុំព្រៃគុយ ស្រុកកំពង់ស្វាយ នៅរសៀលថ្ងៃទី១៥ ខែធ្នូ ឆ្នាំ២០១៤ ។
លោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ធំ បានបញ្ជាឲ្យលោក គុជ គឹមឡុង ព្រះរាជអាជ្ញារងដឹកនាំកំលាំងនគរបាលក្រុងស្ទឹងសែននិងភូមិបាលក្រុងចុះធ្វើការឃាត់បានគ្រឿងចក្រ១គ្រឿង(អេស្កាវ៉ាទ័រ)ដែលជាកម្មសិទ្ធរបស់ឈ្មោះឈាកស៊ីណានៅចំនុចភូមិកំពង់ក្របៅសង្កាត់កំពង់ក្របៅក្រុងស្ទឹងសែននិងឃាតអ្នកបញ្ជាគ្រឿងចក្រម្នាក់ឈ្មោះឡេងរដ្ឋាភេទប្រុសអាយុ២៥ឆ្នាំរស់នៅភូមិពុកយុគសង្កាត់ស្រយ៉ូវក្រុងស្ទឹងសែននាំមកកាន់អធិការដ្ឋាន
នគរបាលក្រុងស្ទឹងសែនដើម្បីចងក្រងសំនុំរឿងពីបទជីកកកាយដីចំណីមាត់ស្ទឹងដែលជាទ្រព្យសម្បត្តិរដ្ឋខុសច្បាប់ដោយគ្មានលិខិតអនុញ្ញាតិ!បើតាមសម្តីរបស់មន្ត្រីរៀបចំដែនដីនគរូបនីយកម្មនិងសំណង់ខេត្តក្រុងបានឲ្យដឹងថា!ចំពោះដីចំណីស្ទឹងដោយវាស់ពីអាក់ស្ទឹងមកប្រវែង១៥០ម.គឺជាកម្មសិទ្ធរបស់រដ្ន,ពលរដ្ឋមានសិទ្ធត្រឹមតែអាស្រ័យផលប៉ុណ្ណោះ!តែមិនមានសិទ្ធលក់ដូរឬក៏ជីកកកាយយកអាច់ដីលក់ធ្វើអាជីវកម្មនោះឡើយ!អាស្រ័យហេតុដូច្នេះហើយ
នៅពេលដែលម្ចាស់អាជីវកម្មឈ្មោះឈាកស៊ីណាឃុបឃិតគ្នាជាមួយនិងឈ្មោះសនយ៉ីមភេទប្រុសអាយុ៤៦ឆ្នាំរស់នៅភូមិព្រៃគុយឃុំព្រៃគុយស្រុកកំពង់ស្វាយបានយកគ្រឿងចក្រទៅជីកកកាយដីរយៈ២ថ្ងៃដើម្បីយកដីលក់នោះ!ទើបត្រូវបានលោកព្រះរាជអាជ្ញារងដឹកនាំកំលាំងឃាត់បានទាំងគ្រឿងចក្រនិងមនុស្សរួមជាមួយអ្នកអាស្រ័យផលលើដីនេះមកធ្វើការអប់រំនិងពិន័យដើម្បីឲ្យរាងចាលកុំឲ្យថ្ងៃក្រោយហ៊ានប្រព្រឹត្តទៀត!
គួរំលឹកផងដែរថាឈ្មោះឈាកស៊ីណានេះកន្លងមកដឹកដីធ្វើអាជីវកម្មឆ្លងកាត់ពីភូមិ១ទៅភូមិ១មិនបានស្រោចទឹកតាមផ្លូវនោះទេ!ពេលនោះលោកអភិបាលក្រុងស្ទឹងសែនបានចាត់ឲ្យលោកចៅសង្កាត់កំពង់ក្របៅទៅប្រាប់ថាសុំឲ្យស្រោចទឹកលើផ្លូវឲ្យបានពី៤ទៅ៥ដងក្នុង១ថ្ងៃដើម្បីកុំឲ្យហុយធូលីដីធ្វើឲ្យប៉ះពាល់ដល់សុខភាពរបស់ប្រជាពលរដ្ឋតែត្រូវលោកឈាកស៊ីណា
ហាក់ដូចជាមិនយកចិត្តទុកដាក់ទៅវិញ!នៅពេលដែលសាពត៌មានចុះផ្សាយពីបញ្ហាដឹកដីហុយមិនស្រោចទឹកនេះ!ត្រូវបានឈ្មោះឈាកស៊ីណានិយាយចំអកឲ្យថាបើចុះផ្សាយហើយហេតុអីក៏មិនដាក់លេខទូរស័ព្ទរបស់លោកលេខ០៩៩២០០៥៧៦ផងដើម្បីឲ្យវាល្បី ព្រោះលោកចង់ល្បីឈ្មោះ៕ប៊ុនរិទ្ធី
