ខេត្តព្រះសីហនុ ក្រុមប្រឹក្សាខេត្តព្រះសីហនុ រៀបចំវេទិកាផ្សព្វផ្សាយ និងពិគ្រោះយោបល់ជាមួយសមាជិក សមជិកាស្រុក ក្រុមប្រឹក្សាឃុំ សង្កាត់ បងប្អូនប្រជាពលរដ្ឋ តំណាងសង្គមសីវីល និងវិស័យឯកជន នៅ សាលាស្រុកព្រៃនប់ ថ្ងៃទី១៦ ខែធ្នូ ឆ្នាំ២០១៤ ។ ក្រោមអធិបតីភាពឯកឧត្តម
ជាម ហ៊ីម ប្រធានក្រុមប្រឹក្សាខេត្តព្រះសីហនុ ។ ឯកឧត្តម ជាម ហ៊ីម ប្រធានក្រុមប្រឹក្សាខេត្តព្រះសីហនុ បានសង្កត់ធ្ងន់ថា ការរៀបចំអោយមានវេទិការសាធារណ ដើម្បីផ្សព្វផ្សាយនិងពិគ្រោះយោបល់ គឺជាការផ្តល់ឱកាសជូនដល់ប្រជាពលរដ្ឋបានប្រាស្រ័យទាក់ទងគ្នា
ទៅវិញទៅមករវាងរដ្ឋបាលសខេត្តជាមួយរដ្ឋបាលក្រុង ស្រុក រដ្ឋបាលឃុំ សង្កាត់ និងប្រជាពលរដ្ឋ តំណាងសង្គមស៊ីវិល និងវិស័យឯកជនដែលមានក្រុមប្រឹក្សាប្រភេទផ្សេងៗគ្នាផ្លាស់ប្តូរនូវបទពិសោធន៍ និងផ្តល់ប្រឹក្សាជាអាទិភាពដើម្បីចូលរួមរកដំណោះស្រាយរួមគ្នាក្នុងការចូលរួម អភិវឌ្ឍន៍ភូមិ ឃុំ ស្រុក ក្រុង ខេត្តព្រះសីហនុ ប្រកបដោយចរិភាពនិងប្រសិទ្ធិភាពស្របតាមនយោបានភូមិ ឃុំមានសុវត្ថិភាព។
ឯកឧត្តមក៏បានបន្តទៀតថា ដើម្បីលើកកម្ពស់ខ្សែគណនេយ្យភាព តម្លាភាពនិងសមធម៌ផ្តល់ជូនដល់ប្រជាពលរដ្ឋចូលរួមក្នុងដំណើរការនៃអភិបាលកិច្ចល្អ ក្រុមប្រឹក្សាថ្នាក់ក្រោមជាតិបើកវេទិការនាពេលនេះ ក្នុងគោលបំណងដើម្បីធានាបានបញ្ហាពាក់ព័ន្ធទាំងអស់ក្នុងមូលដ្ឋានត្រូវបានរួមបញ្ចូលក្នុងដំណើរការអភិវឌ្ឍន៍តាមបែបប្រជាធិបតេយ្យតាមរយៈនៃការពិភាក្សារៀងរាល់ត្រីមាសទី៤នៃឆ្នាំនីមួយៗតាមរយៈការផ្តល់ព័ត៌មានជូនប្រជាពលរដ្ឋ នូវសាមិទ្ធិផលដែលក្រុមប្រឹក្សាសម្រេចបានកន្លងមក និងបញ្ហាប្រឈមនានាបង្ហាញពីអាទិភាពនៃការងារអភិវឌ្ឍន៍របស់ក្រុមប្រឹក្សាខេត្តសំរាប់ឆ្នាំខាងមុខ ដើម្បីផ្តល់ឱកាសជូនប្រជាពលរដ្ឋលើកបញ្ហាថ្មីៗយកមកពិភាក្សាលើរបាយការណ៍របស់ក្រុមប្រឹក្សានឹងទទួលយកអនុសាសន៍ និង
សំណូមពររបស់ប្រជាពលរដ្ឋដើម្បីពិភាក្សានិងឆ្លើយតបឪ្យបានទាន់ពេលវេលាដូចជាការផ្តល់សេវាសាធារណៈពីរដ្ឋបាលខេត្ត រដ្ឋបាលក្រុង ស្រុក និងរដ្ឋបាលឃុំ សង្កាត់អោយកាន់តែប្រសើរឡើងថែមទៀត ដើម្បីលើកកម្ពស់សមត្ថភាពមន្ត្រីនៅថ្នាក់ក្រោមជាតិ ឪ្យមានទំនាក់ទំនងកាន់តែល្អថែមទៀត ជាមួយប្រជាពលរដ្ឋនៅថ្នាក់មូលដ្ឋានក្នុងការអនុវត្តការងារ ឪ្យមានប្រសិទ្ធិភាបកាន់តែប្រសើរឡើងបន្ថែមទៀត ៕