បាត់ដំបង: ស្ត្រីជាភរិយាបានរងរបួសពេញខ្លួនប្រាណព្រមទាំងបានសំរាកព្យាបាលនៅមន្ទីរពេទ្យបន្ទាប់ពីបានឈ្លោះគ្នាព្រមទាំងបានលែងលះគ្នាជាច្រើនលើកច្រើនសាររួចមកនោះត្រូវបានស្វាមីដ៏កំណាចប្រើប្រាស់កូបកាំបិតចិតបន្លែស្ទុះទៅចាក់ប្រពន្ធពីក្រោយខ្នងបណ្តាលអោយរងរបួសជាទំងន់ដែលអំពើហឹង្សានេះបានកើតឡើងកាលពីថ្ងៃទី16-12-14វេលាម៉ោង8យប់នៅត្រង់ចំនុចភូមិតាសាញត្បូង ក្នុងឃុំតាសាញ ស្រុកសំឡូត ខេត្តបាត់ដំបង. ។
ភ្លាមៗក្រោយពេលកើតហេតុសមត្ថកិច្ចដែលដឹកនាំដោយលោក ម៉ែន រីម អធិការរង
ព្រហ្មទណ្ឌស្រុកសំឡូតបានបញ្ជាក់ តាមការរៀបរាប់ពីស្ត្រីជាភរិយាឈ្មោះ មូច ខន អាយុ37ឆ្នាំ
បានអោយដឹងថា គ្រួសាររបស់គាត់គឺមានទំនាស់ជាញឹកញាប់ ដោយមិនសូវចុះសំរុងនឹងគ្នាទេ
ព្រមទាំងបានសុំគ្នាលែងលះជាច្រើនដងថែមទៀត ប៉ុន្តែគឺលែងមិនដាច់នោះទេ ដូច្នេះហើយ
ការរស់នៅប្រចាំថ្ងៃនៅតែមានការរកាំរកូសមិនចេះចប់មិនចេះហើយ. ។
ស្ត្រីជាភរិយាបានបន្តទៀតថា នៅមុនពេលកើតហេតុក៏មានការឈ្លោះប្រកែកគ្នាផងដែរ
ដោយអត់ទ្រាំនឹងការឈ្លោះនេះមិនបានគាត់ក៏បានហាមាត់ស្រែកដេញប្តីអោយចុះចេញពីផ្ទះ
គឺក្នុងគោលបំនងមិនចង់អោយមានរឿងវែងឆ្ងាយតទៅទៀត. ។
លុះប្រហែលជាម៉ោង8យប់ខណ:ដែលរូបគាត់កំពុងអង្គុយភ្លេចខ្លួនស្រាប់តែប្តីរបស់គាត់បានស្ទុះមកអោយពីក្រោយហើយបានប្រើប្រាស់កូនកាំបិតចាក់មកលើខ្លួនប្រាណរបស់គាតជាច្រើនកន្លែងដោយសារមានការឈឺចាប់ទើបគាត់បានស្រែកហៅអោយអ្នកភូមិជួយ នៅពេលនោះហើយដែលប្តីរបស់គាត់បាមរត់ចេញពីផ្ទះហើយគេចខ្លួនបាត់ស្រមោលទាំងយប់តែម្តង គឺប្តីរបស់គាត់មានឈ្មោះនួក ម៉ុន អាយុ37ឆ្នាំដូចគ្នា.ហើយមានមុខរបរធ្វើចំការ. ។
ស្ត្រីជាភរិយាបានលើកឡើងថាចំពោះមូលហេតុគឺមិនដឹងជាយ៉ាងណានោះទេបើរឿង
ប្រច័ណ្ឌក៏គ្មាន ឯការផឹកសុីស្រវុឹងក៏អត់ដែរ ព្រោះនៅថ្ងៃកើតហេតុក៏ដូចជាមិនមានក្លិនស្រានោះទេ. ។
ដោយសារតែមានពាក្យបណ្តឹង បច្ចុប្បន្នសមត្ថកិច្ចកំពុងតាមរកចាប់ខ្លួនបុរសដែលជាស្វាមីហើយដើម្បីយកមកផ្តន្ទាទោសតាមផ្លូវច្បាប់ ចំណែកស្ត្រីរងគ្រោះគឺត្រូវប្តីចាក់ចំនួន11កន្លែងតែមានសភាពរាក់ៗគឺជ្រៅតែពីរកន្លែងនៅត្រង់ខ្នងខាងឆ្វេងនិងខាងស្តាំ ហើយកំពុងសំរាកព្យាបាលនៅមណ្ឌលសុខភាពឃុំ. ៕
