ខេត្តព្រះសីហនុៈយោងតាមប្រភពពត៏មានពីរមន្ត្រីព្រឹក្សាខេត្តបានលូចបង្ហើបឲ្យដឹងថាក្រុមអ្នកចាក់ដីរំលោភបំពានយកដីសមុទ្រមួយកន្លែងនៅតំបន់ទំនប់រលកក្រោយពីរអាជ្ញាធរខេត្តចេញបញ្ជារយ៉ាងម៉ឹងម៉ាតឲ្យធ្វើការបញ្ឈប់សកម្មភាពនែការដឹកដីចាក់លុបសមុទ្រនិងតំរ៉ូវឲ្យធ្វើកិច្ចសន្យាកាយយកដីដែលចាក់នោះចេញឲ្យអស់ពីរក្នុងសមុទ្រវិញផងដែរនោះគេពិនិត្យឃើញថាក្រុមអ្នកចាក់ដីទាំងនោះដូចជាមិនមានបំណងកាយយកដីនោះចេញវិញតាមកិច្ចសន្យាទេតែផ្ទុយទៅវិញបែរជាមានការលិចឮឡើយថាក្រុមអ្នកចាក់ដីល្មើសច្បាប់រូបនោះកំពង់រត់រកជំនូយពីរមន្ត្រីថ្នាក់ធំដើម្បីធ្វើការសំរបសំរូលក្នុងគោលដៅធ្វើយ៉ាងណាឲ្យបានគ្រប់គ្រងនិងសាងសង់ផ្ទះលើទីតាំងដែលចាក់ដីនោះឲ្យខានតែបានទោះបីជាត្រូវប្រើគ្រប់រូបភាពណាក៍ដោយ។
.ដោយឡែកសំរាប់លោកឈិតសុខុន.អភិបាលនែគណៈអភិបាលខេត្តព្រះសីហនុដែលកំពង់មានប្រជាប្រិយភាពប្រជាពលរដ្ឋស្រឡាញ់និងគោរពវិញនោះជុំវិញបញ្ហារអន្តរាគមន៍បែបរំលោភបំពានច្បាប់រូបគាត់មិនគាំទ្រដាច់ខាតពោលគឺគោលបំណងធ្វើយ៉ាងណាឲ្យប្រជាពលរដ្ឋគ្រប់រូបយល់ដឹងពីរច្បាប់ចេះគោរពនិងអនុវត្តន៍ច្បាប់គ្រប់ៗគ្នាដើម្បីរូមគ្នាលុបបំបាត់នៅភាពអសកម្មទាំងឡាយណាដែលកន្លងមកបង្ករផលប៉ះពាល់សណ្តាប់ធ្នាប់និង
ការអភិវឌ្ឍន៍សង្គមជាតិក្នុងពេលបច្ចុប្បន្ននិងថ្ងៃអនាគតដែលផ្តើមចេញពីរអំពើឃុបឃិតគ្នាប្រព្រត្តិអំពើពុករលូយរំលោភបំពានច្បាប់។ជាមួយគ្នានេះដើម្បីបញ្ហារគ្រប់យ៉ាងជាពិសេសវប្បធម៏អន្តរាកមន៍ផ្ទុយពីរផ្លូវច្បាប់ថ្នាក់ដឹកនាំអាជ្ញាធរបានចេញបញ្ជារជាបន្ទាន់ឲ្យលោកហេងសំអាន.អភិបាលរងខេត្តដឹកនាំកំលាំងចំរុះចុះទៅធ្វើការបញ្ជារគ្រឿងចក្រកាយដីដែលក្រុមល្មើសចាក់ចូលសមុទ្រយកចេញពីរសមុទ្រឲ្យអស់មិនពន្យាពេលតទៅទៀតឡើយក្នុងគោលដៅធ្វើយ៉ាងណាឲ្យឆ្នេរសមុទ្រត្រង់ចំណុចនោះវិលទៅរកសភាពដូចដើមវិញ។
.លោកហេងសំអាន.អភិបាលរងខេត្តព្រះសីហនុបានមានប្រសាសន៍ខណៈពេលលោកចុះទៅបញ្ជារគ្រឿងចក្រកាយដីនៅព្រឹកថ្ងៃទី១៧ខែឆ្នូឆ្នាំ២០១៤ប្រាប់ឲ្យដឹងថាការចាក់ដីចូលសមុទ្ររបស់ឈ្មោះលីមគឹមស្រ៊ាងនៅទីតាំងខាងលើនេះជាទង្វើខុសច្បាប់ត្រូវបានលោកអភិបាលខេត្តបញ្ជាអោយកាយយកចេញវិញទាំងអស់ពីព្រោះតំបន់នេះជាតំបន់ហាមដាច់ខាតមិនអោយមានការចាក់ដីឬសាងសង់សំណង់ថ្មីនោះឡើយហើយបញ្ហានេះអាជ្ញាធរខេត្តបានចេញសេចក្តីជូនដំណឹងដល់ប្រជាពលរដ្ឋតំបន់នោះអោយបានជ្រាបរួចមកហើយផងដែ។
.លោកហេងសំអានបានបន្តទៀតប្រជាពលរដ្ឋដែលរស់នៅទីនេះអាចរស់នៅបានជាមួយនិងសំណង់ចាស់ដែលមានស្រាប់ដោយអាជ្ញាធរមិនអនុញ្ញាតដាច់ខាត់មិនអោយមានការចាក់ដីលុបសមុទ្រឬសាងសង់សំណង់ថ្មីនោះឡើយពោលគឺតំបន់នេះបើទោះជាសុំច្បាប់ធ្វើការសាងសង់ថ្មីក៏មិនអនុញ្ញាតដែររីឯសំណង់ចាស់បើសិនជាមានការរុះរើក៏មិនអនុញ្ញាតអោយធ្វើការសាងសង់ឡើងវិញជាថ្មីដែរ។
.វាជារឿងគូរចាប់អារម្មបំផុតសំរាប់ប្រជាពលរដ្ឋទូទៅនៅពេលគេមើលឃើញពីរគោលជំហររបស់ថ្នាក់ដឹកនាំខេត្តមិនទន់ជ្រាយក្នុងអនុវត្តន៍ច្បាប់ជាមួយនិងក្រុមជនល្មើសចាក់ដីខាងលើ។ចំណាតការរបស់ថ្នាក់ដឹកនាំអាជ្ញាធរខេត្តនាពេលនេះគឺជាព្រមាណដ៍ធំមួយទៅដល់ជនខិលខូចផ្សេងៗទៀតដែលកំពង់មានបំណង់ប្រព្រត្តិអំពើខុសឆ្គងរំលោភបំពានលើផ្លូច្បាប់ជាពិសេសគឺវប្បធម៏អន្តរាគមន៍និងការឃុបឃិតគ្នាប្រព្រត្តិពើពុករលួយដែលសង្គមជាតិស្អប់ខ្ពើម។
.គួរបញ្ជាក់ផងដែរថាកន្លងមកថ្មីៗនេះអាជ្ញាធរខេត្តបានចេញលិខិតជូនដំណឹងលេខ៣០៤ចុះថ្ងៃ២៦ខែមិថុនាឆ្នាំ២០១៤ស្តីពីការរៀបចំថែរក្សាបរិស្ថាននិងសណ្តាប់ធ្នាប់អនាម័យនិងស្តីពីររការហាមឃាត់ការចាក់ដីលុបសមុទ្រក៍ដូចជាសាងសង់សំណង់ថ្មីផ្សេងៗគ្រប់ប្រភេទនៅក្នុងតំបន់ទំនប់រលកខាងលើនេះរូចហើយដោយសេចក្តីជូនដំណឹងនេះតំរូវអោយមន្ត្រីអង្គភាពពាក់ព័ន្ធជាពិសេសអាជ្ញាធរមូលដ្ឋានភូមិសង្កាត់ចុះធ្វើការផ្សព្វផ្សាយអោយបានទូលំទូលាយក្នុងគោលដៅអោយប្រជាពលរដ្ឋរស់នៅតំបន់ខាងលើបានជ្រាបនិងរួមគ្នាអនុវត្តច្បាប់ផងដែរ។
.ប៉ុន្តែរអ្វីដែលគូរចាប់អារម្មបំផុតនោះគឺជុំវិញលិខិតជូនដំណឹងរបស់សាលាខេត្តខាងលើនេះលោកឈិតសុផាតជាចៅសង្កាត់លេខ១ដែលជាថ្នាក់ដឹកនាំអជ្ញាធរមូលដ្ឋានផ្ទាល់បែរជាឆ្លើយថាលោកមិនបានដឹងមិនបានឃើញលិខិតខាងលើនេះទេ។នេះជាការឆ្លុះបញ្ចាំងឲ្យឃើញច្បាស់ពីរការមិនទទូលខុសត្រូវរបស់លោកឈិតសុផាតជាចៅសង្កាត់យ៉ាងពិតប្រាកដ។បច្ចុប្បន្នដោយសារភាពមិនទទូលខុស បែបនេះបានធ្វើឲ្យបទល្មើសនែការលូចសាងសង់ផ្ទះលើសមុទ្រក៍ដូចជាចាក់ដីលុបសមុទ្រតំបន់ទំនប់រលក់ចេះតែកើតមានជាហូរពីរមួយកន្លែងទៅមួយកន្លែងបានយ៉ាងរលូនគ្មានការទប់ស្កាត់។បទល្មើសដែលបានកើតឡើងនេះត្រូវបានគេសង្ស័យថាវាជាអំពើឃុបឃិតគ្នាប្រព្រត្តិអំពើពុករលូយយ៉ាងស៊ីសង្វាក់រវាងជនល្មើសនិងថ្នាក់ដឹកនាំអជ្ញាធរមូលដ្ឋាននេះតែម្តង។អ្វីដែលបានលើឡើងខាងលើនេះគ្រាន់តែជាការរំលឹកខ្លះទៅដល់ថ្នាក់ដឹកនាំអជ្ញាធរខេត្តឲ្យបានដឹងនិងជ្រាបតែប៉ុណ្ណុះដើម្បីមានវិធានការតាមផ្លូវច្បាប់ចំពោះជនពាក់ពន្ធ័យកទៅផ្តន្ទាទោសធ្វើជាគំរូរដល់មន្ត្រីខិលខូចក្រោយៗទៀតឲ្យមានការភ្ញាក់រលិក៕(កោះពស់)
រូបភាពលោកហេងសំអានដឹកនាំកំលាំងសមត្ថកិច្ចចុះបញ្ជារគ្រឿងចក្រកាយដីចេញពីរសមុទ្រ
