ខេត្តបន្ទាយមានជ័យ៖មានករណីគ្រោះថ្នាក់ចរាចររថយន្តកាមរីបាឡែនមួយគ្រឿងបើកទៅបុកនិងបង្គោលភ្លើងពេញទំហឹងបណ្តាលឲ្យរថយន្តកំពិតខ្ទេចទាំងស្រុងចំណែកអ្នកបើកបររងរបួសធ្ងន់ប្រជាពលរដ្ឋនៅក្បែរនោះដឹកជញ្ជូនទៅមន្ទីរដើម្បីសង្គ្រោះជីវិតទាំងយប់។
ហេតុការណ៍គ្រោះថ្នាក់ចរាចរនេះកើតឡើងនៅវេលាម៉ោង១យប់ថ្ងៃទី១៨ខែធ្នូឆ្នាំ២០១៤នៅលើផ្លូវជាតិលេខ៥៩ទល់មុខសាលាក្រុងសិរីសោភ័ណនៅភូមិ ខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោកសីវ សុជាតិអធិការក្រុងសិរីសោភ័ណបានប្រាប់ឲ្យដឹងថា មុនពេលកើតហេតុនៅម៉ោងជិត១យប់នោះប្រជាពលរដ្ឋបានឃើញរថយន្តកាមរីបាឡែន០២ព៌ណខ្មៅគ្មានស្លាកលេខមួយគ្រឿងបើកចេញពីក្រុងសិរីសោភ័ណឆ្ពោះទៅខេត្តឧត្តមានជ័យពីត្បូងទៅជើងដោយល្បឿនលើនដើម្បីបើកឲ្យដល់គោលដៅលុះបើកមកដល់ចំណុចកើតហេតុក៏បានរេចង្កូតទៅបុកនិងបង្គោលភ្លើងពេញទំហឹងបណ្តាលឲ្យរថយន្តនោះឡើងរួនកំពិតខ្ទេចចំណែកអ្នកបើកបគៀបនិងរថយន្តរងរបួសជាទម្ងន់ត្រូវបានប្រជាពលរដ្ឋនៅទីនោះដឹកជញ្ជូនទៅមន្ទីរពេទ្យដើម្បីសង្គ្រោះជីវិតបន្ទាន់។ក្រោយពេលកើតហេតុរួចនគបាលក្រុងសិរីសោភ័ណបានចុះទៅដល់កន្លែងកើតហេតុរួចអូសរថយន្តបង្កមកកាន់អធិការក្រុងសិរីសោភ័ណទាំងយប់។
លុះព្រឹកឡើងនគបាលបានធ្វើការពិនិត្យក្នុងរថយន្តនោះទើបដឹងថារថយន្តបាឡែននេះទំនងបើកដឹកឈើក្រញូងនៅខេត្តឧត្តមានជ័យទើបបើកលឿនយ៉ាងនេះរួចទៅបុកនិងបង្គោ ភ្លើងទាំងកំរោលយ៉ាងនេះ ព្រោះនៅក្នុងរថយន្តគ្មានពូកមានតែពូកអ្នកបើកហើយក្នុងរថយន្តតាបដែកយ៉ាងក្រាសទុកសំរាប់ដឹករបស់ធ្ងន់។
គួបញ្ជាក់ផងដែថានគបាលចាប់បានរថយន្តដឹកឈើក្រញូវរយះពេលកន្លងមកសុទ្ធតែប្រភេទរថយន្តរបៀបនេះហើយចំណែកអ្នកបើកភាគច្រើនសុទ្ធតែអ្នកប្រើប្រាស់គ្រឿងញៀនទើបបើករថយន្តលឿនមិនខ្លាចស្លាប់យ៉ាងដូច្នេះប្រជាពលរដ្ឋនៅទីនោះបាននិយាយថានេះសំណាងល្អហើយគ្រោះថា្នក់នៅពេលយប់បើសិនណាគ្រោះថ្នាក់នៅពេលថ្ងៃវិញនោះមិនដឹងថាមានមនុស្សស្លាប់ដោយសាររថយន្តប៉ុន្មានអ្នកនេះឡើយ៕