( ពត៌មាន រូបភាព វីដេអូ ) ខេត្តកំពង់ធំ ៖នៅក្នុងវត្តមង្គលវ័ន ហៅវត្តជ្រង ឯកឧត្តមបណ្ឌិត ងួន ញ៉ិល អនុប្រធានទី១ រដ្ឋសភា បានអញ្ជើញជា អធិបតីភាព ក្នុងពិធីពុទ្ធភិសេក សម្ពោធសមិទ្ធផលនានា នៃក្នុងវត្ត ដែលគណៈកម្មការអាចារ្យវត្ត ព្រមទាំង ពុទ្ធបរិស័ត ចំណុះជើងវត្ត;និងសម្បុរសជន ជិតឆ្ងាយដែលបានកសាង ។
ដោយមានការចូលរួម ពីសំណាក់ ឯកឧត្តម អ៊ុត សំអន អភិបាលខេត្តកំពង់ធំ ព្រមទាំងមន្ត្រីរាជការ អាជ្ញាធរ លោក តា លោកយាយ សិស្សា នុសិស្ស ចូលរួមយ៉ាងច្រើនកុះករ។ លោក ហាក់ ម៉ុងហួត អភិបាលស្រុកបារាយ៍ បានអានរបាយការណ៍ ស្តីពីភូមិសាស្ត្រស្រុកបារាយណ៍ ដែល មានចំនួន ១៨ឃុំ ស្មើរនឹង ១៨២ភូមិ មានប្រជាពលរដ្ឋសរុប ១៩០.៧២៦នាក់ អាយុ១៨ឆ្នាំឡើង សរុប ១២៥.៨៥១ នាក់ ស្រី៦៤.៩៧០នាក់ និង ៣៩៩២៣ គ្រួសារ ក្នុងនោះខ្មែរឥស្លាមមាន ២ភូមិ ស្មើនិង ៩០៧គ្រួសារ ។
ដោយឡែកវត្តនេះ មានសាលាឆាន់ ធ្វើអំពីឈើ ១ខ្នង កុដិអំពីឈើ ៣ខ្នង ក្រោមការយកចិត្តទុកដាក់ របស់ឯកឧត្តមបណ្ឌិត ងួន ញ៉ិល ព្រមទាំងក្រុមការងារ ចុះជួយស្រុកបារាយណ៍ បាន កសាង ឧបដ្ឋានសាលា កុដិថ្ម២ខ្នង ក្លោងទ្វារ២ របងវត្ត ប្រវែង៦៥០ម ផ្លូវ១ខ្សែ ចាក់ដីក្នុងទីធ្លាវត្ត ៥០០ឡាន ព្រមទាំងសមិទ្ធផលជាច្រើនទៀត ដែលត្រូវបានចំណាយថវិកា ៦១.១០០.០០០រៀល និងលុយដុល្លា ៣៩.១១០ដុល្លា ។
ឯកឧត្តមបណ្ឌិត ងួន ញ៉ិល បានមានប្រសាសន៍ ផ្តោតទៅលើវិស័យព្រះពុទ្ធសាសនា ដែលជាសាសនារបស់ រដ្ឋ ដែលមានអាយុចំណាស់ជាងគេ ក្នុងលោក ដូច្នេះព្រះពុទ្ធសាសនាគឺជា ស្រែបុណ្យ របស់ពុទ្ធបរិស័តទាំង អស់ ដែលប្រៀបបានទៅនឹង មណ្ឌលអប់រំ គ្រប់វ័យ គ្រប់ភេទ ឲ្យក្លាយខ្លួនជា មនុស្សល្អ ជាសិស្សល្អ ជាថ្នាក់ ដឹកនាំដែលមានគុណធម៌ ឲ្យមនុស្សគ្រប់សម័យកាល ចេះរួមរស់ជាមួយគ្នា ប្រកបដោយសុខសន្តិភាព ។
ជាក់ស្តែងក្រោមការដឹកនាំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា កម្ពុជា បានផ្តល់សារៈសំខាន់ទៅលើសាសនា ទាំងដែលមាននៅលើប្រទេសកម្ពុជា ដើម្បីឲ្យសាសនាដែល ប្រជាពលរដ្ឋ គោរពទទួលបាននូវ សេរីភាព ក្នុងប្រារព្វពិធីរបស់ខ្លួន ជាពិសេសសាសនា ព្រះពុទ្ធ ក្រោយពី ប្រទេសកម្ពុជា បាន ស្ថិតនៅក្រោមការដឹកនាំរបស់
ខ្មែរក្រហម ក្នុងរយះកាល បីឆ្នាំ ៨ខែ ២០ ថ្ងៃ ព្រះពុទ្ធសាសនា ត្រូវបានលុបបំបាត់ចោលទាំងស្រុង ព្រះសង្ឃត្រូវបានសឹក វត្តអារាម ត្រូវគេយកធ្វើជា គុគ ជាឃ្លាំង ជាកន្លែងធ្វើទារុណកម្មមនុស្ស ដែលបងប្អូនចងចាំមិនភ្លេច សម្រែកស្រែកហៅឲ្យជួយ ពោរពេញ ទៅដោយភាពឈឺចាប់ឥតគណនា លុះពពកខ្មៅបានបក់រសាត់ផុតទៅ ប្រជាពលរដ្ឋបានរស់រាន មាន ជីវិត
សារឡើងវិញ ក្នុងថ្ងៃរំដោះ ៧មករា ឆ្នាំ ១៩៧៩ រហូតមកដល់បច្ចុប្បន្ន ព្រះពុទ្ធសាសនា មានភាពរីក ចម្រើន ដុះដាលទូទាំងប្រទេស ទោះជានៅតំបន់ដាច់ស្រយាល ចំកាត់មាត់ញក ក៏មានអាស្រម ឬវត្តអារាម សម្រាប់ឲ្យបងប្អូនប្រជាពលរដ្ឋ គោរពបូជាផងដែរ ។