ភ្នំពេញ ៖ មនុស្ស ០២នាក់ របួសធ្ងន់ និង ០២នាក់ទៀតរបួសស្រាលក្នុងករណី គ្រោះថ្នាក់ចរាចរណ៏មួយ ដែលបង្កឡើង ដោយម៉ូតូសង់សេ១២៥ បុកគ្នាជាមួយរឺម៉កម៉ូតូ កង់បី ។
ហេតុការណ៏នេះកើត ឡើងនៅម៉ោង១០.០០នាទី យប់ ថ្ងៃទី ១៦ មីនា ២០១៤ តាមបណ្តោយផ្លូវជាតិ លេខ៤ស្ថិតនៅ ភូមិអូដឹម សង្កាត់ចោមចៅ ខណ្ឌពោធិ៍សែនជ័យ ។
យោងតាមប្រភពព័តមានពីកន្លែងកើតហេតុ បានឱ្យដឹងថា គេបានឃើញបុរសម្នាក់ជិះម៉ូតូ សេ១២៥ ពណ៌ខ្មៅ ពាក់ស្លាកលេខភ្នំពេញ 1BU-7306 ធ្វើដំណើរតាម ផ្លូវជាតិលេខ៤ ពីលិច ទៅកើត ខណះមកដល់ចំណុច កើតហេតុ ក៏បានបុកជាមួយរឺម៉ក ម៉ូតូកង់បី មូយគ្រឿង ពណ៌ក្រហម អត់មានស្លាកលេខ បើកបញ្ច្រាស់ទិសគ្នា បណ្តាលឱ្យអ្នកបើកបរ និងអ្នករួមដំណើររង របួស ធ្ងន់២និងស្រាល២នាក់។
ក្រោយពេលកើតហេតុ ជនរងគ្រោះ ត្រូវបានគេយកទៅសង្គ្រោះនៅមន្ទីរ ពេទ្យ ចំណែក ឯម៉តូទាំងពីរ សមត្ថកិច្ចយកមករក្សាទុកនៅ ការិយាល័យ ចរាចរណ៏ផ្លូវគោក ខណ្ឌពោធិ៍សែនជ័យ រងចាំដោះស្រាយគ្នាជាក្រោយ៕
