សៀមរាប : ជនសង្ស័យភេទប្រុសទាំងពីរនាក់នេះទី មួយ មានឈ្មោះ សេក ធី ហៅ ញី ទី២មានឈ្មោះ ភិន សុផាត ។ ត្រូវបានកម្លាំងនគរបាលការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបធ្វើការចាប់ឃាត់ខ្លួនកាលពីថ្ងៃទី២៤ ខែ ធ្នូ ឆ្នាំ ២០១៤ កន្លងទៅរួចយកមកកាន់ការិយាល័យនគរបាលជំនាញដើម្បីធ្វើការសួរនាំជាប់ពាក់ព័ន្ធក្នុងករណី ជួញដូរដោយខុសច្បាប់នូវសារធាតុញៀន ។ជាប់ពាក់ព័ន្ធក្នុងករណីខាងលើលោក វរសេនីយ៍ទោ អ៊ុំ សាអាត នាយការិយាល័យប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានអោយដឹងថាដោយអនុវត្តតាមការយកចិត្តទុកដាក់ខ្ពស់ជាប្រចាំពីសំណាក់លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប ក៏ដូចជាដើម្បីធ្វើអោយការអនុវត្តនូវគោលនយោបាយភូមិឃុំមានសុវត្ថិភាព អោយ កាន់តែមានប្រសិទ្ធភាពខ្ពស់។ 
ទើបជាក់ស្តែងជនសង្ស័យភេទប្រុសទាំងពីរនាក់នេះបន្ទាប់ពីកម្លាំងនគរបាលជំនាញបានធ្វើការតាមដានស្រាវជ្រាវនិងកំណត់មុខសញ្ញាបានហើយនោះកម្លាំងសមត្ថកិច្ចជំនាញធ្វើការ បង្ក្រាបបានតែម្តង ។ លោក វរសេនីយ៍ទោ អ៊ុំ សាអាត បានបន្តអោយដឹងទៀតថាក្នុងកិច្ចចុះប្រតិបត្តិការណ៍ខាងលើសមត្ថកិច្ចយើងបានធ្វើការដកហូតបាននូវវត្ថុតាងពីជនសង្ស័យនូវប្រភេទគ្រឿងញៀនម៉ាទឹកកកចំនួន៤កញ្ចប់ស្មើរនិង៣,១ក្រាម ដាវ៤ដើមនិងសម្ភារះប្រើប្រាស់គ្រឿងញៀនមួយចំនួនទៀតផងដែរ។ បច្ចុប្បន្នទាំងជនសង្ស័យនិងវត្ថុតាងត្រូវបានសមត្ថកិច្ចកសាងសុំណុំរឿងនិងបញ្ជូនទៅកាន់សាលាដំបូងខេត្តសៀមរាបហើយកាលពីរសៀលថ្ងៃទី២៥ ខែ ធ្នូ នេះ ដើម្បីចំណាត់ការទៅតាមនីតិវិធីបន្ត ៕
លោក ព្រិន្ទបាលទោ ខេង ខេមរា
