យុវជន២នាក់ជិះម៉ូតូមួយគ្រឿងក្នុងល្បឿនលឿន ជ្រុលបុករថយន្តគេពីក្រោយ បណ្តាលឲ្យរងការរងខូចខាតទាំងសងខាង កាលពីវេលាម៉ោង២១និង១០នាទីយប់ នៅចំណុចផ្លូវលេខ៣៦០ កែងផ្លូវមុន្នីរវង្ស ស្ថិតក្នុងសង្កាត់បឹងកេងកងទី៣ ខណ្ឌចំការមន រាជធានីភ្នំពេញ ។
តាមសាក្សីនៅកន្លែងកើតហេតុ បានឲ្យដឹងថា មុនពេលកើតហេតុ គេបានឃើញរថយន្តម៉ាកRanger ពណ៌ស ពាក់ស្លាកលេខ ភ្នំពេញ 2AA-5335 ធ្វើដំណើរតាមបណ្តោយផ្លូវលេខ៣១០ ក្នុងទិសដៅពីកើតទៅលិច ខណៈមកដល់ចំណុចកើតហេតុ ស្រាប់តែមានម៉ូតូគុបមូល
មួយគ្រឿង ពណ៌ខៀវ គ្នាស្លាកលេខ ជិះគ្នា២នាក់ ក្នុងស្ថានភាពស្រវឹងស្រាជោគជាំ ថែមទាំងក្នុងល្បឿនលឿនផងនោះ ក៏ជ្រុលទៅបុកគូទរថយន្តពីក្រោយ បណ្តាលឲ្យរងកាខូចខាតទាំងសងខាង ចំណែកមនុស្សរងរបួសស្រាល ។
ក្រោយពេលកើតហេតុ សមត្ថកិច្ចបានធ្វើការវាស់វែង យករថយន្តនិងម៉ូតូ ទៅរក្សាទុកនៅប៉ុស្តិ៍បឹងកេងកងទី៣ រងចាំដោះស្រាយនៅពេលក្រោយ ៕
