ខណ្ឌទួលគោកហេតុការណ៍គ្រោះថ្នាក់ចរាចរណ៍ ដ៏គួរអោយភ្ញាក់ផ្អើលមួយ បានកើតឡើងនៅតាម បណ្តោយផ្លូវលេខ២៧១ បន្ទាប់ពីមានបុរសម្នាក់ បើករថយន្តមួយគ្រឿងមែកសឺដែស ក្នុងល្បឿនលឿន ហើយបើកគេចពី របាំងថ្មពុះចែកទ្រូងផ្លូវ តែគេចមិនផុតក៏ជ្រុលបុកបញ្ចិតរបាំងថ្មប
ណ្តាលអោយរថយន្ត រេចង្កូតដួលក្រឡាប់ផ្ញារជើងទ្រមេឃ ច្រងាង ។ ហេតុការណ៍គ្រោះថ្នាក់ចរាចរណ៍ខាងលើនេះ កើតឡើងនៅតាមបណ្តោយផ្លូវលេខ២៧១ ទល់មុខនឹងហាងលកសំលៀកបំពាក់ ដែលមានយីហោ ដុងដុងដោន ស្ថិតក្នុងសង្កាត់ទឹកល្អក់ទី៣ ខណ្ឌទួលគោក កាលពីវេលាម៉ោង ១៩ និង ៣០នាទីយប់ថ្ងៃទី២៨ ខែធ្នូ ឆ្នាំ២០១៤ ។
សាក្សីនៅកន្លែងកើតហេតុ បានអោយដឹងថា នៅមុនពេលមានហេតុការណ៍កើតឡើង គឺដំបូងឡើយ គេសង្គេតឃើញបុរសម្នាក់ បើករថយន្តមួយគ្រឿង ម៉ាកមែកសឺដែស មួយគ្រឿង ពណ៌ខ្មៅ ពាក់ស្លាកលេខភ្នំពេញ2O-0594 បើកបរធ្វើដំណើរតាមបណ្តោយផ្លូវ២៧១ ទិសដៅពីត្បូងទៅជើង ក្នុងល្បឿនយ៉ាងលឿន លុះមកដល់ចំណុចកើតហេតុ ក៏បានវ៉ារថយន្តមួយគ្រឿងផ្សេងទៀត ដែលនៅពីមុខខ្លួន ស្រាប់តែវ៉ាក់អឺជាមួយនឹងរបាំងថ្មពុះចែកទ្រូងផ្លូវ បណ្តាលអោយបុរសជាម្ចាស់រថយន្ត ព្យាយាមបើកគេចពីរបាំងថ្ម តែសំណាងអាក្រក់គេចមិនផុត ជ្រុលប៉ះបញ្ចិតរបាំងថ្មបន្តិច បណ្តាលអោយរថយន្ត រេចចង្កូតដួលក្រឡាប់ផ្ញារជើងឡើងលើច្រងាង ។
ចំណែកម្ចាស់រថយន្តមិនបានរងរបួសឡើយ គ្រាន់តែ ខូចខាតរថយន្តរបស់ខ្លួនតែប៉ុណ្ណោះ ។
ក្រោយកើតហេតុ សមត្ថកិច្ចមូលដ្ឋាន បានសហការជាមួយជំនាញ ចុះធ្វើការអន្តរាគមន៍វាស់វែង ស្ទូចយករថយន្តបង្កខាងលើទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំ ដោះស្រាយតាមផ្លូវច្បាប់ ។
សូមបញ្ជាក់ផងដែរថា ករណីខាងលើគឺបង្កឡើងដោយសារបុរសជាម្ចាស់ រថយន្តបើកបរក្នុងល្បឿនលឿន និងខ្វះការប្រុងប្រយ័ត្នខ្ពស់ ហើយបើកតាមសមត្ថកិច្ចអោយដឹងថា បុរសខាងលើក៏មានជាតិស្រវឹងជាប់ខ្លួនបន្តិចបន្តួចដែរ ទើបបណ្តាលអោយមានរឿងហេតុដូចនេះកើត ឡើងតែម្តងទៅ ។ នេះសំណាងហើយដែលករណីខាងលើមិនបានបណ្តាលអោយបុរសជាម្ចាស់រថយន្ត រងរបួស ជាពិសេសបង្កគ្រោះថ្នាក់ដល់អ្នកដំណើរដទៃទៀត បើពុំដូច្នោះទេ មិនដឹងថាមានរឿងវែងឆ្ងាយ ប៉ុណ្ណាទៀតនោះទេ ៕
