យុវជន២នាក់បានរងរបួសធ្ងន់ធ្ងរត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យភ្លាមៗ ខណះដែលពួកគេកំពុងតែជិះម៉ូតូធូដេមួយគ្រឿង រួចក៏ត្រូវបានរថយន្តហាយឡែនឌ័របត់ឆ្លងផ្លូវមិនប្រយ័ត្នបុកពេញទំហឹង កាលពីវលាម៉ោង២១នឹង៤៥នាទីថ្ងៃទី១ ខែមករា ឆ្នាំ២០១៥ ត្រង់ចំណុច
ខាងកើតសាលាភូមិ៦ តាមបណ្តោយផ្លូវលេខ២៧១ កែងនឹងផ្លូវ៤៦៤ ស្ថិតក្នុងសង្កាត់ទួលទំពូងទី២ ខណ្ឌចំការមន ។
យោងតាមប្រភពពត៌មានពីបុរសម្នាក់សុំមិនបញ្ចេញឈ្មោះដែលលក់ដូរនៅជិតកន្លែងកើតហេតុ ដែលបានឃើញហេតុការណ៍ខាងលើនេះបានឱ្យដឹងថា ដំបូងគាត់បានឃើញយុវជន២នាក់ទនងជាស្រវឹងស្រា ជិះម៉ូតូធូដេ ពណ៍ទឹកប្រាក់គ្មានស្លាកមួយគ្រឿង ជិះឌុបគ្នារេពេញផ្លូវ ក្នុងទិសដៅពីកើតទៅលិច ធ្វើដំណើរតាមបណ្តោយផ្លូវលេខ២៧១ ខណះមកដល់
ចំណុចខាងកើតសាលាភូមិ៦ កែងនឹងផ្លូវលេខ៤៦៤ ស្រាប់តែមានរថយន្តហាយឡែនឌ័រពណ៍ស្ករ ពាក់ស្លាកលេខភ្នំពេញ 2N-2637 ធ្វើដំណើរបញ្ច្រាសទិសគ្នា រួចរថយន្តបានបត់ឆ្វេងចុះតាមផ្លូវលេខ៤៦៤ យ៉ាងលឿនក៏ជ្រុលទៅបុកម៉ូតូពេញទំហឹង បណ្តាលឱ្យយុវជន២នាក់រងរបួសធ្ងន់ធ្ងរ ម្នាក់បែកក្បាល និងម្នាក់ទៀតបាក់ជើងខាងឆ្វេង ត្រូវបានរថយន្តសាមុយរបស់មន្ទីរមិត្តភាព ខ្មែរសូវៀត ដឹកយកទៅសង្គ្រោះភ្លាមៗ រួចរថយន្តបានបន្ថែមល្បឿនរត់គេចខ្លួនបាត់ស្រមោលតែម្តង ។
សមត្ថកិច្ចបានឱ្យដឹងថា ក្រោយកើតហេតុម៉ូតូជនរងគ្រោះត្រូវបានយកទៅរក្សាទុកជាបណ្តោះអាសន្ននៅអធិការដ្ឋាននគរបាលខណ្ឌចំការមន រង់ចាំជនរងគ្រោះមកដាក់ពាក្យបណ្តឹង ដើម្បីស្វែងរករថយន្តបង្ក ព្រោះថាក្រោយបង្កហេតុរថយន្តនោះ បានធ្លាក់ស្លាកលេខនៅនឹងកន្លែងកើតហេតុ ៕
