សៀមរាប៖សិស្សលាសាបឋមសិក្សាបន្ទាយចាស់ប្រុសស្រីបងប្អូនបង្កើតវ័យក្រោម១៥ឆ្នាំ២នាក់ត្រូវបានរថយន្តធុនធំធុនតូច២គ្រឿងបុកចំពេញទំហឹងបណ្ដាលឲ្យសិស្សស្រីជាប្អូនរងរបួសបាក់ជើងម្ខាងចំណែកបងប្រុសរងរបួសតិចតួច។
មន្ត្រីចរាចរណ៍ផ្លូវគោកនៃការិយាល័យស្នងការនគរបាលខេត្តសៀមរាបបានអះអាងថាករណីគ្រោះថ្នាក់ចរាចរណ៍ដែលបណ្ដាលឲ្យសិស្សសាលាបឋមសិក្សាបន្ទាយចាស់ក្រោមអាយុ១៥ឆ្នាំ២នាក់ទទួលរងរបួសនិងបាក់ជើងម្ខាងនេះបានកើតឡើងនៅវេលាម៉ោង១១ព្រឹកថ្ងៃទី១៩ខែមិនាឆ្នាំ២០១៤ត្រង់ចំណុចទល់មុខផ្ទះសំណាក់សុខុមអង្គរស្ថិតភូមិបន្ទាយចាស់ក្រុង.ខេត្តសៀមរាប។
សាក្សីនៅកន្លែងកើតហេតុបាននិយាយថាមុនពេលកើតហេតុពួកគេបានឃើញកុមារាកុមារីជាសិស្សបានជិះកង់ឌុបគ្នារចេញពីសាលាបន្ទាយចាស់ឆ្ពោះទៅទិសខាងកើតបានតែជាង២០០ម៉ែត្រក៍ត្រូវរថយន្តកាមរីឆ្លាមបុកបណ្ដាលឲ្យរងរបួសនិងបាក់ជើងតែម្ដង។ ចំណែកសាក្សីម្នាក់ទៀតបាននិយាយថាក្នុងពេលកើតហេតុរថយន្តកាមរីឆ្លាមចតនៅស្ងៀមមិនបានបុកសិស្សនេះទេអ្នកដែលបុកគឺរថយន្តហ៊ីយ៉ានដាយឯនោះទេ។ ក្រុមអ្នកបានឃើញហេតុការណ៍និយាយថាក្រោយមានគ្រោះថ្នាក់នេះកើតឡើងក៍មានមន្ត្រីប៉ូលិសចរាចរណ៍ចុះមកដល់កន្លែងកើតហេតុហើយបានហៅឪពុកម្ដាយជនរងគ្រោះឲ្យមកយកកូនទៅសង្គ្រោះនៅមន្ទីរពេទ្យកុមាអង្គរភ្លាមៗចំណែករថយន្តទាំង២គ្រឿងបាននាំទៅគោលដៅរង្វង់មូលស្ពានថ្មដើម្បីដោះស្រាយ។ លោកវណ្ណវីរះនាយរងការិយាល័យចរាចរណ៍ផ្លូវគោកខេត្តបានឲ្យដឹងថាក្រោយពីកើតហេតុមន្ត្រីរបស់លោកបាននាំរថយន្តទាំង២គ្រឿងមកកាន់គោលដៅរង្វង់មូលស្ពានថ្នដើម្បីធ្វើការដោះស្រាយនិងសម្រួលគ្នាររកខុសត្រូវឲ្យភាគីជនរងគ្រោះ។
មន្ត្រីចរាចរណ៍បន្ថែមថាអ្នកបើកបររថយន្តកាមរីឆ្លាមព័ណស្កពាក់ស្លាកលេខសៀមរាប២អា៧៥៤៣ឈ្មោះចយប៊ុនថាប្រុសអាយុ៣០ឆ្នាំរស់នៅភូមិវាលសង្កាត់គោកចកក្រុង.ខេត្តសៀមរាបរូបគេថាមិនបានបង្ករបុកជនរងគ្រោះនោះទេដោយមានសាក្សីទៀតផង។ ចំណែកអ្នកបើកបររថយន្តហ៊ីយ៉ានដាយចំណុះ៥តោនដឹកឥវ៉ាន់ពាក់ស្លាកលេខព្រះសីហនុ៣អា១៧០៨ឈ្មោះខូយពៅអាយុ៥៤ឆ្នាំរស់នៅភូមិដំដែកថ្មីឃុំដំដែកស្រុកសូទ្រនិគមខេត្តសៀមរាបក៍បានបដិសេធថាមិនបានបុកជនរថគ្រោះនោះដែរថែមទាំងមានសាក្សីបញ្ជាក់ទៀតផង។
មន្ត្រីចរាចរណ៍បានបន្ថែមទៀតថាជនរងគ្រោះជាសិស្សដែលជិះកង់នោះទីឈ្មោះអឿនប៊ុនធឿនប្រុសអាយុ១២ឆ្នាំជាអ្នកឌុបរងរបួសបន្តិចបន្តួចដោយឡែកប្អូនស្រីជាសិស្សផងដែរនោះមានឈ្មោះអឿនសុធារ៉ាស្រីអាយុ៧ឆ្នាំរងរបួសបាក់ជើងឆ្វើងទាំងស្រុង។
ក្រុមមន្ត្រីចរចនិយាយថាសាច់ញាត្តឪពុកម្ដាយជនរងគ្រោះទាសំណង់ចំនួន៥ពាន់ដុល្លាខណះពេលដែលម្ចាស់រថយន្តទាំង២គ្រឿងកំពុងតែខ្វែងគំនិតគ្នារយកត្រូវរឿងៗខ្លួនថាមិនបានបង្ករ។តែដោយស្ថានភាពម្ចាស់រថយន្តយកតែត្រូវរឿងៗខ្លួននិងខាងភាគីរងគ្រោះទាសំណងដល់៥ពាន់ដុល្លានោះមិនត្រូវគ្នាក៍នាំយកទៅរក្សាទុកនៅការិយាល័យខេត្តដើម្បីធ្វើការដោះស្រាយទៅតាមផ្លូវច្បាប់៕