មន្ត្រីនគរបាលចរាចរណ៍ជើងគោក ដោយទទួលតាមផែនការរបស់អភិបាលនៃគណអភិបាល ខេត្តកំពង់ឆ្នាំង និងក្រោមបញ្ជាផ្ទាល់ ពីលោកឧត្តមសេនីយ៍ត្រី ប្រាក់ វុឌ្ឍី ស្នងការនគរបាលខេត្តកំពង់ឆ្នាំងបានចុះអនុវត្តពង្រឹងច្បាប់ចរាចរណ៍ផ្លូវគោក ដឹកនាំដោយលោក អៀ ប៊ុនធឿន ប្រធានការិយាល័យចរាចរណ៏ផ្លួវគោគ ដឹកនាំកំលាំងត្រួតពិនិត្យលើអ្នកបើកបរមានជាតិស្រវឹង ត្រួតពិនិត្យយានយន្តគ្រប់ប្រភេទដែលបានធ្វើដំណើរលើដងផ្លូវជាតិលេខ៥ត្រង់ចំណុចដំរីសក្រុងកំពង់ឆ្នាំង និងត្រួតពិនិត្យលើអ្នកបើកបរម៉ូតូដែលមានជាតិស្រវឹង គ្មានមួកសុវត្តិភាពជាដើម ។
ក្នុងពេលពិនិត្យនោះ សមត្ថកិច្ចមានការលំបាកផងដែរចំពោះរថយន្តក្រុមហ៊ុនមួយចំនួនដែលមិនបានឈប់ឲ្យសមត្ថកិច្ចត្រួតពិនិត្យតាមច្បាប់ឡើយវាផ្ទុយគ្នានឹងប្រជាពលរដ្ឋដែលយល់ដឹងអំពីច្បាប់ចរាចរណ៏ជើងគោគហើយក៏មានរថយន្តរបស់ក្រុមហ៊ុនមួយចំនួនព្រមឈប់ឲ្យសមត្ថកិច្ចត្រួតពិនិត្យប៉ុន្តែពេលគ្មានឯកសារយានយន្តសំរាប់ឲ្យសមត្ថកិច្ចត្រួតពិនិត្យ ហើយក៏មិនព្រមឲ្យសមត្ថកិច្ចធ្វើការផាកពិន័យតាមច្បាប់
ឡើយ មិនត្រឹមតែប៉ុណ្ណោះ បានយកឈ្មោះអ្នកធំមានអំណាចមកប្រើដែលធ្វើឲ្យសមត្ថកិច្ចមានការខ្លាចរអានឹងឥទ្ធិពលអ្នកមានអំណាចទាំងនោះ ។
ជាក់ស្តែងរថយន្តដឹកជ្រូក១គ្រឿង ពាក់ស្លាកលេខ ភ្នំពេញ២D-៣៤៦៤ ដែលបានឈប់ឲ្យសមត្ថកិច្ចត្រួតពិនិត្យ តែគ្មានឯកសារតាមច្បាប់សមត្ថកិច្ចត្រូវធ្វើការផាកពិន័យចំនួន២ម៉ឺនរៀលចំពោះរថយន្តអត់មានឆៀកនឹងអាជីវកម្មចំនួន២ម៉ឺនរៀលសរុបត្រូវផាកពិន័យចំនួន៤ម៉ឺនរៀល ហើយអ្នកបើបរព្រមឲ្យតែ១ម៉ឺន រៀលប៉ុណ្ណោះ ។អ្នកបើបររថយន្តនោះ មិនព្រមឲ្យសមត្ថកិច្ចធ្វើការផាកពិន័យតាមច្បាប់ឡើយថែមទាំងបានប្រាប់ទៅសមត្ថកិច្ចថាជារថយន្តរបស់០១ និងឈ្មោះយ៉ានហើយបានឡើងបើកឡានដឹកជ្រូកចេញទៅភ្នំពេញបាត់ស្រមោល ឈ្មោះទាំង២នាក់ដែលអ្នកបើកបរយកមកប្រើប្រហែលជាអ្នកមានអំណាច៕