ផ្ទះអតីតមេបញ្ជាការរាជអាវុធហត្ថប្រចាំ ដែនជំរកសត្វព្រៃគូលេនព្រហ្មទេព ត្រូវបានអគ្គិសភ័យ លេបត្របែកអស់ទាំងស្រុងនៅវេលាម៉ោង 10 យប់ថ្ងៃទី 29 ខែ មករា ឆ្នាំ 2015 ស្ថិតនៅក្នុងភូមិរំចេក ឃុំ អន្លង់វែង ស្រុកអន្លង់វែង ខេត្តឧត្តរមានជ័យ។
ផ្ទះដែលទទួលរងការឆាបឆេះគឺសង់អំពីឈើប្រក់ស័ង្កសីដែលមានទំហំ 5 x 6 ម ម្ចាស់ផ្ទះត្រូវបាន សម្ថតកិច្ចឲ្យដឹងថាឈ្មោះ ចាន់ហេង ភេទប្រុស មានឋានន្តរសិក្តវរសេនីយ៍ឯក អតីតមានតួនាទីជាមេ បញ្ជាការ គ្រប់ គ្រងនិងការពារព្រៃឈើនិងសត្វព្រៃនៅក្នុងដែន ជំរកសត្វព្រៃគូលេនព្រហ្មទេព ក្នុងស្រុក អន្លង់វែង ខេត្តឧត្តរមានជ័យ សព្វថ្ងៃបានផ្លាស់ប្តូរទៅនៅកន្លែងផ្សេង។
បើតាមការឲ្យដឹងពីអ្នកជិតខាងបាននិយាយថាផ្ទះដែលរងការឆាបឆេះខាងលើ ទើបតែសាងសង់រួច រយ:ពេលពីរទៅ បីខែកន្លងទៅថ្មីៗនេះ សាក្សីបានបន្តថាការឆាបឆេះដែលមានអណ្តាតភ្លើងលះឡើង យ៉ាង សន្ធូសន្ធៅ នៅវេលាម៉ោង 10 យប់ថ្ងៃខែកើតហេតុខាងលើ ដោយមានការភ្ញាក់ផ្អើលពីអ្នកស្រុកជិតខាង តែមិនមានអ្នកណាចូលទៅជិតឡើយព្រោះខ្លាចគេទំលាក់កហុកចោទប្រកាន់ថាជាអ្នកកង្ករទើប បណ្តែតបណ្តោយឲ្យអណ្តាតភ្លើងឆាបឆេះរហូតដល់អស់ទាំងស្រុង។ លុះដល់ព្រឹកឡើងទើបគេឃើញ មានលោកមេប៉ុស្តិ៍នគរបាលអន្លង់វែង និង មន្ត្រី ចុះទៅពិនិត្យនៅនិងកន្លែងកើតហេតុ។
បើតាមការលើកឡើងរបស់លោក វង់ តាន់ នាយប៉ុស្តិ៍នគរបាលរដ្ឋបាលអន្លង់វែង បានឲ្យដឹងនៅកន្លែងកើតហេតុថាបើតាមកុសល្យវិច្ឆ័យ និង ការពិនិត្យជាក់ស្តែងអាចវិភាគបានថា និងមានអ្នកប៉ុនប៉ង ដុតបំផ្លាញចោល ទីមួយសកម្មភាពដែលបានកើតឡើងគឺនៅពេលយប់ស្ងាត់ ទីពីរជុំវិញទីធ្លាផ្ទះគឺមិនមែន ភ្លើងឆេះព្រៃ និងមិនមានដានភ្លើងឆាបឆេះមកពីខាងក្រៅឡើយ។
ចំពោះបញ្ហាខាងលើមន្ត្រីរាជអាវុធហត្ថម្នាក់បានដាក់ពាក្យបណ្តឹងរក្សាទុកសើបអង្គេតតាមចាប់ជនដែលបង្កយកមកផ្តន់ទាទោសទៅតាមផ្លូវច្បាប់ ៕