ខេត្ដកំពង់ស្ពឺ ៖ ឪពុកកូន២នាក់ឃើញ ភ្លើងឆេះគល់ចិញ្ជ្រាំងនាំគ្នាទៅពន្លត់តែ ជាអកុសលនៅគល់ចិញ្ជ្រាំងនោះមាន នៅសល់គ្រាប់មិនទាន់ផ្ទុះ១គ្រាប់ឆេះផ្ទុះ បណ្ដាលឱ្យរងរបួសទាំង២នាក់ឪពុកកូន តែម្ដង កាលពីវេលាម៉ោង ១និង៤៥នាទី រសៀល ថ្ងៃទី១ ខែកុម្ភៈ ឆ្នាំ២០១៥ ។
ក្រោយ កើតហេតុជនរងគ្រោះទាំង២ នាក់ត្រូវបានក្រុមគ្រួសារសែងយកទៅ ផ្ទះ ដើម្បីបន្ដដំណើរទៅសង្គ្រោះ ។ ករណី នេះកើតហេតុនៅចំណុចក្រោមទំនប់ អូរកោង ស្ថិតក្នុងភូមិអូរកោង ឃុំត្រញំង ជោ ស្រុកឱរ៉ាល់ ខេត្ដកំពង់ស្ពឺ ។
លោក វរសេនីយ៍ត្រី ប៊ុត ប៊ុនធឿន អធិការនគរបាលស្រុកឱរ៉ាល់បានឱ្យដឹង ថា ក្មេងស្រីរងគ្រោះមានឈ្មោះ ជា យី អាយុ១០ឆ្នាំ និងឪពុកឈ្មោះ គង់ សុខគា អាយុ៤០ឆ្នាំ រស់នៅភូមិ-ឃុំកើតហេតុ ខាងលើ ។ មុនពេលកើតហេតុ២នាក់ ឪពុកកូនបានទៅចំណុចកើតហេតុនាំគ្នា ពន្លត់ភ្លើងឆេះព្រៃ និងឆេះគល់ចិញ្ជ្រាំង តែពេលកំពុងពន្លត់ ស្រាប់តែមានគ្រាប់ ដែលកប់នៅក្នុងដីផ្ទុះឡើងបណ្ដាលឱ្យ២ នាក់ឪពុកកូនរងរបួសជាទម្ងន់ ហើយ ត្រូវបានប្រជាពលរដ្ឋនិងអ្នកភូមិនាំគ្នា ជួយសែងក្នុងគោលបំណងយកទៅសង្គ្រោះ។
លោកអធិការបន្ដថា រហូតដល់វេលា ម៉ោង៣រសៀលថ្ងៃដដែល ក្មេងស្រីរង គ្រោះបានដាច់ខ្យល់ស្លាប់ ចំណែកឪពុក កំពុងសម្រាកព្យាបាលនៅក្នុងមណ្ឌល សុខភាពស្រុកឱរ៉ាល់ ។
លោក អធិការបានសំណូមពរផងដែរ ថា តំបន់ស្រុកឱរ៉ាល់គឺជាតំបន់អតីត សង្គ្រាម ដូច្នេះសូមបងប្អូនប្រជាពលរដ្ឋ មានការប្រុងប្រយ័ត្នឱ្យបានច្រើន ព្រោះ ថា តំបន់នេះអាចនៅមានយុទ្ធភណ្ឌមិន ទាន់ផ្ទុះជាច្រើនកប់នៅក្នុងដី ម្យ៉ាងរដូវ នេះជារដូវរំហើយ អាចបង្កឱ្យមានភ្លើង ឆេះព្រៃ និងរាលដាល់ដល់គ្រាប់មិនទាន់ ផ្ទុះធ្វើឱ្យមានគ្រោះថ្នាក់ដូចករណីនេះជាដើម៕