កំពង់ធំ .នៅវត្តបារាយណ៍ជាន់ដែក បានផ្ទុះអំពើហឹង្សារ វាងព្រះសង្ឃ និងព្រះសង្ឃ ដោយសារតែការ ប្រើភ្លើង ជុំវិញហេតុការណ៍ ព្រះសង្ឃឈ្លោះប្រកែកគ្នា ឈានដល់ ប្រើអំពើហឹង្សាដាក់គ្នាទៅវិញទៅមកនេះ បើតាលោកហ៊ីប៊ុនថាន ជន្ទុបទីមួយឃុំបល្ល័ង្កបាន
ប្រាប់អ្នកយកពត៏មានឲ្យដឹងថា ក្រោយពីកើតហេតុ លោកហ៊ី ប៊ុនថាននឹងលោកអនុសេនីយ៏ទោ ហេង ឈុនហ៊ី នាយប៉ុស្ត៏បល្ល័ង្ក បានធ្វើការស៊ួនាំព្រះអង្គ ព្រះនាម ឃិនវណ្ណះ មានព្រះជន ២៥ ព្រះវស្សា បានរៀបរាប់ប្រាប់ថា លោកកាលពីព្រឹកថ្ងៃទី២ កុម្ភះ ឆ្នាំ២០១៥ ព្រះសង្ឃអង្គឃិន វណ្ណះ បានឡើងកាន់ក្បាលមេក្រូ ប្រកាសផ្សាយប្រាប់ពុទ្ធបរិស័ទ្ធ ចំណុះជើងវត្តអំពីការប្រើភ្លើង ទើបព្រះអង្គព្រះនាម ស្រី ថៃ មានព្រះជន់២១ព្រះវស្សានិងព្រះអង្គព្រះនាម មិនា ក៍បានខឹង អង្គ វណ្ណះ ថានិយាយប្រកូកប្រកាស ផ្ទៃក្នុងរបស់វត្ត 
អោយពុទ្ធបរិស័ទ្ធ ដឹងពេលនោះអង្គ វណ្ណះក៍បានឆ្លើយថា លោកក៍មានសិទ្ធបញ្ជេញមតិដែរ ហើយក៍បានទាស់ពាក្យសម្ដីគ្នា អង្គ មិនា ក៍ទាញអំបោស លើកយៀបំរ៉ុងវាយទៅលើ អង្គ វណ្ណះ ពេលឃើញហេតុការភ្លាមពុទ្ធបរិស័ទ្ធ ចំណុះជើងវត្តបានទូរស័ព្ទ ហៅលោកនាយប៉ុស្ត៏បល្ល័ង្កភ្លាម ទើបលោកនាយប៉ុស្ត៏ ទូរស័ព្ទទៅលោកមេឃុំបានបញ្ជាឲ្យមេប៉ុស្ត៏និងជន្ទប់ទីមួយ ចុះទៅធ្វើការអន្តរាគមន៍ ក្នុងហេតុការណ៍ខាងលើ ក្នុងហេតុការណ៍ នេះគេឃើញមេគណស្រុក ព្រះនាមលឿង ហ៊ុំ ចុះសួរនាំបន្តិចបន្តួច ហើយក៍និមន្តឡើងរថយន្តទៅវិញបាត់។
ប្រភពពត៌មាន ពីពុទ្ធបរិស័ទ្ធចំណុះជើងវត្តបានប្រាប់អ្នកយកពត៏មានយើងថា ព្រះចៅអធិការវត្តបារាយណ៍ជាន់ដែក ព្រះនាម កែវ ស៊ួន ដឹកនាំព្រះសង្ឃមិនបានល្អ ហើយមិនមានការអភិឌ្ឍន៍ ហើយកាន់ជើងតែលោកណាដែលខូចដូចជាលោក វណ្ណះ ធ្លាប់មានរឿងកាលពីឆ្នាំទៅ កាប់គ្នាម្ដងរួចហើយ នៅតែលោកចៅអធិការ កែវ ស៊ួន មិនបណ្តេញចេញពីវត្ត ទុកឲ្យមានរឿងម្ដងជាពីដង ធ្វើឲ្យពុទ្ធបរិស័ទ្ធ ក៍មិនសូវពេញចិត្ត នឹងអធិការវត្តរូបនោះដែរ ដោយសារលោកអង្គនេះ គ្មានកសាងវត្តបានបន្តិចសោះ ពុទ្ធបរិស័ទ្ធបានបន្ថែមថា កន្លងមកធ្លាប់បានផ្ដិតមេដៃប្ដឹងទៅលើឲ្យដកព្រះចៅអធិការវត្តនេះ ព្រះនាម កែវ ស៊ួន ចេញពីចៅអធិការវត្តរួចហើយតែថ្នាក់លើថាទុកលោកសិនទៅ ពីព្រោះលោកចាស់ហើយមិនបានប៉ុន្មានទេ។
