កំពង់ឆ្នាំង៖យុវជនម្នាក់បានស្លាប់នៅនិងកន្លែងកើតហេតុក្នុងពេលគេចូលឃាត់យុវជន២ក្រុមឈ្លោះចាក់គ្នាក្នុពិធីរាំធុងបាស់ពេយប់នៅសាលាបុណ្យ។ករណីមនុស្សឃាតនេះបានកើតឡើងនៅវេលាម៉ោង១០និង១៥នាទីយប់ថ្ងៃទី០៦ ខែកម្ភះ ឆ្នាំ២០១៥ នៅសាលាបុណ្យអូរសណ្តាន់ចាស់ ស្ថិតក្នុងភូមិអូរសណ្តាន់ចាស់ ឃុំទឹកហូត ស្រុករលារប្អៀរ ខេត្តកំពង់ឆ្នាំង។
សមត្ថកិច្ចមូលដ្ឋានបានអោយដឹថា៖យុវជនរងគ្រោះមានឈ្មោះ គល់ យ៉ា អាយុ២៥ឆ្នាំ មានប្រពន្ធឈ្មោះ យ៉ង់ ហុង អាយុ២៣ឆ្នាំ មានកូនប្រុសម្នាក់ រស់នៅក្នុងភូមិគោកស្តៅ ឃុំទឹកហូត ស្រុករលារប្អៀរ។
យុវជនឈ្មោះ អ៊ន សុភី អាយុ១៩ឆ្នាំ មានទីលំនៅក្នុងភូមិអូរសណ្តាន់ចាស់ ឃុំទឹកហូត ដែលជាសាក្សីក្នុងហេតុការណ៏ចខាងលើនេះ បានរៀបរាប់អោយអ្នកយកព័ត៌មានដឹងថា៖នៅយប់កើតហេតុជនរងគ្រោះបានទៅចូលរួមរាំលេងកំសាន្តជាមួយនិងរូបគេ នៅក្នុងកម្មវិធីបុណ្យ ពេលកំពុងតែរាំលេងក៏មានជម្លោះរវាងយុវជន២ក្រុមនៅក្នុងវង់រាំ បន្ទាប់ពីឃើញដូច្នេះជនរងគ្រោះក៏បានរត់ទៅឃាត់ ដើម្បីកុំអោយមានការឈ្លោះប្រកែកគ្នា ខណះកំពុងតែចូលទៅឃាត់ ក៏ស្រាប់តែឃើញយុវជនម្នាក់ក្នុងចំនោមយុវជនទាំង២ក្រុម ចាក់មកលើយុវជនរងគ្រោះមួយដែកឆាបមុខ៣ ចំដោះខាងឆ្វេងជំរៅ៣សង់ទីម៉ែត្រ បណ្តាលអោយប្រកាច់ស្លាប់ភ្លាមៗនៅនិងកន្លែងតែម្តង។
លោក យឹម សុផល នាយផ្នែកព្រហ្មទណ្ឌនៃអធិការដ្ឋាននគបាលស្រុករលាប្អៀរបានអោយដឹងថា៖ក្រោយពីកើតហេតុលោកបានដឹកនាំកម្លាំងចុះទៅពិនិត្យនៅកន្លែងកើត ហេតុភ្លាមៗ តែពេលនោះជនល្មើសបានរត់គេចខ្លួនបាត់ទៅហើយ សមត្ថកិច្ចក៏បានកសាងសំណុំរឿងតាមផ្លូវច្បាប់។ ចំណែកសពជនរងគ្រោះបានប្រគល់ជូនក្រុមគ្រួសារទទួលយកទៅធ្វើបុណ្យតាមប្រពៃណី។
ព្រឹកឡើងថ្ងៃទី០៧ ខែកុម្ភះ ឆ្នាំ២០១៥ សមត្ថកិច្ចបានស្រាវជ្រាវចាប់ឃាត់ខ្លួនជនល្មើសឈ្មោះ ម៉ាង រី (ហៅពៅ) អាយុ៣០ឆ្នាំបាននៅចំនុចភូមិប៉ាហ៊ី ឃុំទឹកហូត ខណះដែលជនល្មើសកំពុងសំរាកព្យាបាលរបួសនៅផ្ទះពេទ្យឯកជននៅទីនោះ។នៅចំពោះមុខសមត្ថកិច្ចជនល្មើសបានសរភាពថា រូបគេមានទីលំនៅក្នុងភូមិអូរសណ្តាន់ចាស់ ឃុំទឹកហូត ស្រុករលាប្អៀរ។មូលហេតុនាំអោយគេចាក់ទៅលើជនរងគ្រោះ មកពីជនរងគ្រោះបានវាយនិងចាក់ខ្លួននិងដែកខៃចំកំពួនជើងគេមុន និងវាយមកលើរូបគេយ៉ាងចាស់ដៃទៀតផង ពេលជនរងគ្រោះនិងបក្ខពួកប្រតាយប្រតប់ជាមួយនិងខ្លួន ពេលនោះគេក៏ចេះតែចាក់ៗទៅមិនដឹងថាត្រូវចំអ្នកណាទេ ព្រោះបក្ខពួកខាងជនរងគ្រោះមានគ្នាច្រើនមកវាយរូបគេតែម្នាក់ឯង។
ទោះជនល្មើសឆិលើយការពារខ្លួនក៏ដោយសមត្ថកិច្ចបានកសាងសុំណុំរឿងនេះបញ្ជនទៅស្នងការដ្ឋាននគ របាលខេត្ត ដើម្បីអោយការិយាល័យជំនាញកសាងសំណុំរឿងបន្ថែមបញ្ជូនជនល្មើសទៅកាន់តុលាការខេត្តចាត់ការបន្ត តាមផ្លូវច្បាប់៕