កំពអ់ឆ្នាំង៖យុវជនម្នាក់បានលិចទឹកស្លាប់រកមិនទាន់ឃើញនិង២នាក់ទៀតបានហែលទឹក ជាង១០០ម៉ែត្រទើបផុតពីសេចក្តីស្លាប់ នៅក្នុងហេតុការណ៍គ្រោះថ្នាក់ចរាចរណ៍ផ្លូវទឹកដោយកាណូតបាឡាស្មាច់មួយគ្រឿងបើកបុកកាណូតរុញជនខុសច្បាប់នៅពេលយប់។ករណីនេះបានកើតឡើងនៅវេលាម៉ោង៨និង៣០នាទីយប់ចំណុចក្បាលកោះចោរ ស្ថិតនៅក្នុងភូមិកាម៉ាល់ ឃុំប្រឡាយមាស ស្រុកកំពង់លែង។
សមត្ថកិច្ចនគរមូលដ្ឋានអោយដឹងថា៖ជនរងគ្រោះស្លាប់ក្នុងករណីនេះមានឈ្មោះ អ៊ី ចំរុង ហៅវិតអាយុ១៧ឆ្នាំ គេជាអ្នកជិះនៅលើកាណូតបាឡាស្មាច់ ចំណែកអ្នករងរបួស២នាក់ទៀត១ឈ្មោះ អ៊ូ តូរ៉ូ អាយុ១៦ឆ្នាំ ភេទប្រុស,២ឈ្មោះ សែន ស្រីណាក់ អាយុ១៥ឆ្នាំ ភេទស្រី ពួកគេទាំង៣នាក់រស់នៅក្នុងភូមិឃុំកើតហេតុខាងលើ។
មុនពេលកើតហេតុ ជនរងគ្រោះទាំង៣នាក់បានជិះកាណូតបាឡាស្មាច់មួយគ្រឿងពីភូមិកាម៉ាល់ទៅភូមិក្រងផ្តិល ដើម្បីទៅចូលរួមលេងរាំវង់ក្នុងពិធីខួបកំណើតកូនអ្នកស្រុកក្នុងភូមិ ក្នុងការបើកបរកាណូតបាឡាស្មាច់ទំនងជាពួកគេបើកលឿន ស្របនឹងពេលយប់ងងឹតផង ក៍បានបុកកាណូតមួយគ្រឿងកំពុងរុញជនខុសច្បាប់ បណ្តាលអោយកាណូតបាឡាស្មាច់លិចបាត់ក្នុងទឹក និងធ្វើអោយយុវជនម្នាក់បាត់ខ្លួនស្លាប់ក្នុងទឹករកមិនទាន់ឃើញ ចំណែកជនរងគ្រោះទាំង២នាក់ទៀតបានហែលទឹកចំងាយប្រមាណជាង១០០ម៉ែត្រ ទើបមកដល់ច្រាំងរួចផុតពីគ្រោះថ្នាក់។
នៅក្នុងហេតុការណ៍នេះ សមត្ថកិច្ចមូលដ្ឋានបាននាំគ្នាចាប់កាណូតរុញណូតខុសច្បាប់២គ្រឿងរបស់ជនជាតិវៀតណាម ជារបស់ឈ្មោះ ចាំង យ៉ាំងងា អាយុ៤០ឆ្នាំ និងឈ្មោះ ចាំង យ៉ាំងសៀវ អាយុ៥០ឆ្នាំ និងកម្មករ៥នាក់ពួកគេរស់នៅសង្កាត់ផ្សារឆ្នាំង ក្រុងកំពង់ឆ្នាំង បញ្ជូនមកឃាត់ទុកនៅប៉ុស្តិនគរបាលរដ្ឋបាលប្រឡាយមាសកសាងសំណុំរឿងតាមផ្លូវច្បាប់តាមបញ្ជាររបស់លោកព្រះរាជអាជ្ញារង លោក ឯក ស៊ុនរស្មី។
លោក ធៀម សុង នាយការិយាល័យនគរបាលចរាចរណ៍ផ្លូវទឹកខេត្តបានអោយដឹងថា៖នៅរសៀលថ្ងៃទី០៩ ខែកុម្ភៈ ឆ្នាំ២០១៥ លោកបានទទួលកាណូតជនទាំង២គ្រឿង និងជនជាតិវៀតណាម៧នាក់យកមកការិយាល័យនគរបាលចរាចរណ៍ផ្លូវទឹកខេត្ត ប៉ុន្តែនៅចំពោះ
មុខសមត្ថកិច្ច ម្ចាស់កាណូតជនទាំង២នាក់ បានបដិសេធន៍ថា គ្មានកាណូតណាបុកកា
ណូតពួកគេទេ។ចំណែកជនរងគ្រោះទាំង២នាក់បានឆ្លើយថា កាណូតបាឡាស្មាច់ពួកគេ
ពិតជាបានបុកកាណូតជន១គ្រឿងក្នុងចំណោមកាណូត២គ្រឿងនេះ៕