បន្ទាយមានជ័យះប្រជាពលរដ្ឋប្រមាណជាង១០នាក់តំណាងពលរដ្ឋ៨៥គ្រសារនៅភូមិពង្រសង្កាត់កំពង់ស្វាយក្រុងសិរីសោភ័ណបានប្រតិកម្មភ្លាមៗហាមឃាត់មិនអោយគ្រឿងចក្រអ្នកមានអំណាចម្នាក់ដែលបានមកកាយដីលក់ពីអាងទឹកកងវ៉ាស្ថិតនៅក្រោយសាលាក្រុងសិរីសោភ័ណក្នុងភូមិកងវ៉ាសង្កាត់កំពុងស្វាយក្រុងសិរីសោភ័ណខេត្តបន្ទាយមានជ័យអោយបជ្ឈប់សកម្មភាពព្រោះដីក្នុងអាងជាដីរបស់ពួកគាត់គ្រប់គ្រងអាស្រ័យផលរៀងរាល់ឆ្នាំនិងកំពុងបានប្តឹងសុំទៅអាជ្ញាធរជាតិដោះស្រាយទំនាស់ដីផ្លីប្រគល់ជូនពីរដ្ឋគ្រប់គ្រងមកអោយប្រជាពលរដ្ឋវិញ។
ការចេញមុខនាំគ្នាហាមឃាត់នេះធ្វើទ្បើងកាលពីព្រឹកថ្ងៃទី៧មករា២០១៥នៅនឹងកន្លែងដីអាង។
ប្រជាពលរដ្ឋឈ្មោះឃឺន សំអុលរួមជាមួយម្តាយមកជាមួយដែលក្នុងចំណោមប្រជាពលរដ្ឋដទៃទៀតដែលមានដីក្នុងអាងហើយត្រូវបានគ្រឿងចក្រកាយចំយកដីលក់តាំងពីរសៀលម្សិលមិញបាននិយាយថារូបលោកមានដីប្រមាណជាបីហិចតាបានគ្រប់គ្រងអាស្រ័យផលធ្វើស្រែចំការជារៀងរាល់ឆ្នាំតាំងពីឆ្នាំ១៩៨៩-១៩៩០តែក្រោយមកនៅឆ្នាំ២០០៨ក្រសួងធនធានទឹកបានយកដីទីនេះរបស់ប្រជាពលរដ្ឋដៃទៀតធ្វើជាផ្ទៃអាងទឹកកងវ៉ាតាមអនុក្រិត្យលេខ១០៩ អ ន ក្រ.បតចុះថ្ងៃទី០៨ខែ៨ឆ្នាំ២០០០៨ហើយក៍ត្រូវបានប្រជាពលរដ្ឋ៨៧គ្រួសារប្តឹងតវ៉ាជាបន្តបន្ទាប់ទៅថ្នាក់ខេត្តនិងទៅអាជ្ញាធរជាតិដោះស្រាយទំនាស់ដីផ្លីសុំសម្តេចតេជោ ហ៊ុន សែន នាយករដ្ឋមន្ត្រីជួយអន្តរាគមន៍ដើម្បីបានកាន់កាប់ស្របច្បាប់លើផ្ទៃដីទំហុំ៥១ហិកតា។
ប្រជាពលរដ្ឋបានបន្តទៀតថាការប្តឹងចេះតែប្តឹងរហូតដល់ថ្ងៃទី២០សីហា២០១៤ឯកឧត្តមឧបនាយករដ្ឋមន្ត្រី ប៊ិន ឈិនប្រធានអាជ្ញាធរជាតិដោះស្រាយទំនាស់ដីធ្លីបន្ទាប់ពីប្រជុំដោះស្រាយជាញឹកញាប់កួរតែស្នើទៅរដ្ឋាភិបាលប្រគល់ដីទាំងនោះជូនប្រជាពលរដ្ឋវិញនោះ យោងតាមលិខិតមួយច្បាប់ដែលទទួលបានបានជម្រាបជូនឯកឧត្តមអភិបាលខេត្តបន្ទាយមានជ័យនិងជាសមាជិកអាជ្ញាធរជាតិដោះស្រាយទំនាស់ដីធ្លីដើម្បីពិនិត្យនិងដោះស្រាយរួចផ្ញើរបាយការណ៍អំពីលទ្ធផលនៃដំណោះស្រាយជូនអាជ្ញាធរជាតិដោះស្រាយទំនាស់ដីធ្លីវិញ។
គ្រឿងចក្រមួយគ្រឿងដែលចូលកាយដីអាងត្រូបបានគេស្គាល់ថាជាគ្រឿងវក្ររបស់ក្រុមហ៊ុន ភ្លន់ ហុង ដោយមេការដែលបញ្ជារគ្រឿងចក្រនិយាយថាការមកនេះតាមបញ្ជារបស់មេព្រោះខេត្តបានអនុញ្ញាតហើយ។
លោក ស្រី ចាន់ផេង អភិបាលក្រុងសិរីសោភ័ណ អោយដឹងតាមទូរសព្ទ័ថាការមានគ្រឿងចក្រចុះកាយដីអាងទឹកកងវ៉ានិងមានប្រជាពលរដ្ឋតវ៉ាគឺលោកស្រីមិនដឹងទេហើយលោកស្រីក៍មិនទាន់ទទួលបានសេចក្ជូនដំណឹងពីសាលាខេត្តបន្ទាយមានជ័យជូនដំណឹងមកក្រុងពីការកាយដីស្តារអាងទឹកនេះដែរតែកន្លងមកលោកស្រីដឹងថាមានក្រុមហ៊ុនបានដាក់ពាក្យស្នើសុំ។
ជាមួយនិងការតវ៉ារបស់ប្រជាពលរដ្ឋនៅនិងកន្លែងកាយដីដែលមានតំណាងមកជួបជាមួយពលរដ្ឋហើយបានស្នើអោយប្រជាពលរដ្ឋដែលមានដីកាប់កាប់ទីនោះទៅសាលាសង្កាត់កំពង់ប្រាប់ពីចំនួនដីហើយពិភាក្សាគ្នាដើម្បីក្រុមហ៊ុនធ្វើការដោះស្រាយផលប៉ះពាល់ជូន។
សូមបញ្ជក់ថាប្រជាពលរដ្ឋខាងលើរងគ្រោះជាបន្តបន្ទាប់ដោយសារដីស្រែចំការរបសើខ្លួនដែលមានទីតាំក្នុងអាងនិងនៅជើងភ្នុំពង្រដែលបច្ចុប្បន្នកំពុងតែត្រូវបានក្រុមហ៊ុនបោះបង្គោលលើដោយថាជាដីដែលក្រុមហ៊ុនបានទទួលការវិនិយោគពីរដ្ឋហើយ៕