ភ្នំពេញៈ យុវជន២នាក់ជិះម៉ូតូទ្រីម សេ១២៥ឌុបគ្នាបញ្ច្រាសទិស លុះមកដល់ចំណុចផ្លូវកែង ក៏ត្រូវបាន រថយន្តដឹកឥដ្ឋបុកបណ្តាលឱ្យរងរបួសធ្ងន់ស្រាល សងសំណង់៤០ដុល្លារបញ្ចប់រឿង កាលពីវេលា ម៉ោង៣នឹង០៥នាទីយប់ថ្ងៃទី១១ ខែកុម្ភះ ឆ្នាំ២០១៥ តាមបណ្តោយផ្លូវលេខ
១០៨ កែងនឹងផ្លូវលេខ៥១ ស្ថិតក្នុងសង្កាត់វត្តភ្នំ ខណ្ឌដូន ពេញ ។ យោងតាមប្រភពពត៌មាន ពីកន្លែងកើតហេតុបានឱ្យដឹងថា នៅមុនពេលកើតហេតុ គេបាន ឃើញ យុវជន ២នាក់ជិះម៉ូតូទ្រីមសេ១២៥ពណ៍ខ្មៅ ពាក់ស្លាកលេខភ្នំពេញ1BO-9820 ជិះឌុបគ្នា បញ្ច្រាស ទិសតាម បណ្តោយ ផ្លូវលេខ១០៨ ទិសដៅពីកើតទៅលិច ខណះមកដល់ចំណុចកែងនឹងផ្លូវលេខ៥១ ស្រាប់ មានរថយន្តដឹកឥដ្ឋពេញមួយគ្រឿង ពាក់ស្លាកលេខភ្នំពេញ 3B-9432 
ធ្វើដំណើរ តាមបណ្តោយ ផ្លូវ លេខ៥១ ពីជើងទៅត្បូងក៏ជ្រុកទៅបុក ម៉ូតូដែលឆ្លងផ្លូវជិតផុតទៅហើយនោះ បណ្តាលឱ្យរងរបួសធ្ងន់ និងស្រា លទាំង២នាក់ ។ បន្ទាប់ពីកើតហេតុជនរងគ្រោះត្រូវបានមិត្តភក្ត្រដឹកយកទៅព្យាបាលនៅមន្ទីរពេទ្យ ហើយភាគីខាងរថយន្តសងថ្លៃព្យាបាល និងខូចខាតរថយន្តចំនួន៤០ដុល្លារដើម្បីបញ្ចប់រឿង ចំណែកតំណាងភាគីខាងម៉ូតូយល់ព្រម ទទួល ព្រោះមិនចង់វែងឆ្ងាយបន្តទៀត ៕
