មណ្ឌលគិរីៈរថយន្តកាម៉ារីហើមរមួយគ្រឿងដែលអ្នកបើកបរងងុយដេកបណ្តាលអោយបុកថយន្តរតាក់ស៊ីឈប់នៅចញ្ចើម ផ្លូវពេញទំហឹង ទាំងព្រឹកព្រលឹម តែសំណាងល្អគ្រាន់តែរបួកស្រាល។ ហេតុការណ៍នេះកើតឡើងនៅវេលាម៉ោង០៥ព្រឹកថ្ងៃទី១២កុម្ភៈឆ្នាំ២០១៥ត្រង់ចំណុចគីឡូម៉ែត្រ៣៦បណ្តោយផ្លូវជាតិលេខ៧៦ ស្ថិតក្នុងភូមិឆ្នែងឃុំស្រែខ្ទុមស្រុកកែវសីមា។
តាមសាក្សីនៅកន្លែងកើតហេតុបានឲ្យដឹងថា រថយន្តតាក់ស៊ីម៉ាកសាំយុង ព័ណស្លែរមួយគ្រឿងតែងតែឈប់នៅកន្លែងកើតហេតុរាល់ព្រឹក ដើម្បីទទួលប្រាក់គេផ្ញើរទិញឥវ៉ានចាប់ហួយ ទើបតែថ្ងៃនេះមិនដឹងថារថយន្តបង្កបើកបរមកពីណាមិនដឹង មកបុកពីមុខពេញទំហឹងតែម្ដង តែអ្នកបើកបរថយន្តកាម៉ារីហើមចុះមកសុំទោសម្ចាស់រថយន្តតាក់ស៊ីព្រោះតែខ្លួនដេកលក់ ដោយសារងង៉ុយដេកខ្លាំងទើបពីមកដឹកឥវ៉ានពេលយប់គឺ(ដឹកឈើប្រណិត)។
ក្រោយពេលកើតហេតុគេមិនបានឃើញសមត្ថកិច្ចចុះមកធ្វើការដោះស្រាយឬសម្របសម្រួលទេ ទើបម្ចាស់រថយន្តទាំងពីសម្រេចដោះស្រាយក្រៅប្រពន្ធផ្លូវច្បាប់ ដោយអូសរថយន្តទាំងពីរទៅជួសជុល ហើយម្ចាស់ រថយន្តកាម៉ារីហើមព្រមសងប្រាក់ចំនួន៧០០ដូល្លាទៅអោយរថយន្តតាក់ស៊ីដើម្បីបញ្ចប់រឿង។
ប្រជាពលរដ្ឋមានការលើកឡើងថា នាពេលបច្ចុប្បន្នក្នុងស្រុកកែវសីមា រថយន្តដឹកឈើធ្វើចរាចរណ៍នៅលើដងផ្លូវជាតិលេខ៧៦មានល្បឿនលឿនដែលបង្កគ្រោះថ្នាក់ចរាចរណ៍ជារឿយៗ ប៉ុន្តែក្រោយពេលហេតុការណ៍កើតឡើងតែងតែមានការដោះស្រាយក្រៅប្រពន្ធផ្លូវច្បាប់ដូចករណីលើកនេះផងដែរ៕
