សៀមរាបៈ ផ្ទុះអំពើហឹង្សាដេញកាប់គ្នាពេញមុខមន្ទីរពេទ្យគន្ធបុប្ឋា ផ្នែកអាគាខាងក្រោយ ពីសំណាក់អ្នករត់ រ៉ឺម៉ក បណ្តាលមកពីដណ្តើមម៉ូយគ្នា និងបានធ្វើឲ្យប្រជាពលរដ្ឋមានការភិតភ័យ ខណៈពេលដែលជំលោះដោយហឹង្សាដេញកាប់ប្រតាយប្រតប់គ្នា មានទាំងអាវុធ
ជាប់និងដៃហេតុការណ៏បានកើតឡើងកាលពីវេលាម៉ោង ៨.៣០នាទីព្រឹក ថ្ងៃទី១៣ ខែកុម្ភះ ឆ្នាំ ២០១៥ ។
តាមប្រភពពត៌មាននៅកន្លែងកើតហេតុបានឥ្យដឹងថា នៅច្រកអាគាររបស់មន្ទីរពេទ្យគន្ធបុប្ឋា សកម្មភាពការ ដណ្តើមម៉ូគ្នាជាអានាធិបតេយ្យ ថែមទាំងបង្ករជំលោះគ្នាជាញឹកញាប់ ជាក់ស្តែងការផ្ទុះអំពើហឹង្សារបស់អ្នក រត់រ៉ឺម៉ក ក៏ដោយសារតែការដាក់វេន ដណ្តើមម៉ូយគ្នា និងបានប្រកែកគ្នា រវាងគូភាគីដែលត្រូវបានគេស្គាល់ឈ្មោះ ថុល ដែលបានតាំងខ្លួនជា
អ្នករៀបចំវេនដឹកអ្នកជំងឺត្រឡប់ទៅផ្ទះ បានប្រយុទ្ធគ្នាយ៉ាងស៊ីសាច់ហុត ឈាមឈានដល់ការប្រើអាវុធមានពូថៅដៃមួយ ដេញកាប់ទៅលើ លោក កែវ អ៊ីម រស់នៅភូមិ ត្រពាំងសេះ សង្កាត់គោកចក ក្រុងសៀមរាប ខេត្តសៀមរាប ក្នុងនោះសកម្មភាពប្រដាល់ក្រៅសៃហ្វៀនបាន ប្រយុទ្ធគ្នា ចំនួន២លើក ទើបមានការបំបែក ។ ជាចុងក្រោយសំនូមពរឲ្យលោក សត ណាឌី ស្នងការនគរបាលខេត្តសៀមរាប និងលោក អធិការក្រុងសៀមរាប ជួយរឹតបន្តឹងការអនុវត្តច្បាប់របស់ ប៉ុស្តិ៍រដ្ឋបាលសង្កាត់គោកចកផង ដោយសារតែលឺថាធ្វើការដោយ មិនប្រកតី ដោយសារតែជនដៃដល់ទៅកាប់គេហើយ បែរជារត់ទៅប្តឹងគេទៀត ហើយអ្នកណាទៅប្តឹងមុនអ្នកនោះឈ្នះ ការអនុវត្តច្បាប់របៀបនេះ គឺពិតជាមិនត្រឹមត្រូវបើដូច្នោះមែន ឃាតករសម្លាប់គេហើយរត់ទៅប្តឹងនិងត្រូវបានឈ្នះក្តីឬយ៉ាងម៉េច។
ក្រោយពីកើតហេតុ លោក កែវ អ៊ីម បានទៅដាក់ពាក្យបណ្តឹង នៅប៉ុស្តិ៍រដ្ឋបាលសង្កាត់គោកចក ក្នុងនោះមហាជនទូទៅបានសំណូមពរដល់ អធិការក្រុងសៀមរាប ជួយរៀបចំការពារសណ្តាប់ធ្នាប់នៅចំនុចអាគារ ច្រកចេញអ្នកជំងឺរបស់មន្ទីរពេទ្យគន្ធបុប្ឋា ដោយសារតែចំនុចនេះមានរឿងជំលោះមិនចេះចប់មិនចេះហើយ ព្រមទាំងជេរបញ្ជោរគ្នាស្ទើររាល់ថ្ងៃ ពេលខ្លះឈានដល់ការវាយតបគ្នាទៀត និងសូមឲ្យថែរក្សាភាពស្ងប់ស្ងាត់ ព្រោះទីនេះជាមន្ទីរពេទ្យ។
ដោយ ប៊ុន រដ្ឋា
