ខេត្តបន្ទាយមាជ័យ ឯកឧត្ដម អ៊ុង អឿន ទីប្រឹក្សារាជរដ្ឋាភិបាល និងជាប្រធានក្រុមប្រឹក្សាខេត្តបន្ទាយមានជ័យមានថ្លែងថា: សិស្ស និស្សិតមិនត្រូវបារម្មណ៍ មានមាឌល្អិតតូច ទាបខ្លាចរកការងារមិនបានធ្វើនោះទេ ការសំខាន់ត្រូវខិតខំរៀនសូត្រ មានចំណេះជំនាញពិតប្រាកដ និងការព្យាយាម ការងារលុយកាក់និងរត់រក ដើម្បីអោយអភិវឌ្ឍន៍សេដ្ឋកិច្ចគ្រួសាររបស់ខ្លួននាពេលអនាគត់ មានប្រសាសន៍ក្នុងវេទិការតម្រង់ទិសស្ដីពីមជ្ឍមណ្ឌលបណ្ដុះបណ្ដាលវិជ្ជាជីវ:ដល់សិស្សនិស្សតថ្នាក់ទី៧ដល់១២មកពី៦ខេត្តគឺខេត្ត បាតដំបង ឧត្ដមានជ័យ ព្រះវិហារ កំពង់ធំ ប៉ៃលិន និងខេត្តបន្ទាយមានជ័យ នៅអង្គការកុមាមេគង្គខេត្តបន្ទាយមាជ័យ កាលពីចុងសប្ដាហ៍ថ្ងៃទី២២មករា២០១៥។
ក្នុងវេទិការទិសនេះ មានវត្តមាន ប្រធានអនុប្រធាន មន្ទីរអង្គភាពជំវិញខេត្ត សិស្ស និស្សិតប្រមាណ ៦៥០ នាក់ ចូលរួមស្ដាប់ គ្រូឧទេសដែលបានបង្ហាញ ពីប្រវត្តិការសិក្សា រហូតទទួលបានជំនាញ ដោយជោគជ័យលើការងារ។
ក្នុងរបាយការណ៍របស់លោក ទិត ធូ នាយកអប់រំអង្គការកុមាមេគង្គបន្ទាយមានជ័យ បានអោយដឹងថាះ អង្គការមានគម្រោង ធំៗមួយចំនួនដូចជា: កម្មវិធី អប់រំក្រៅប្រព័ន្ធ កម្មវិធីប្រាក់ឧបត្ថម្ភ សិស្សនិស្សិតក្រីក្រ កម្មវិធីសាងសង់ និងជួសជល់អាគារសិក្សា ផ្ដល់កន្លែងស្នាក់នៅសម្រាប់សិស្សនិស្សិតមកពីតំបន់ដាច់ស្រយាល ចែកម្សៅទឹកដោះគោ ដល់ទារកក្នុងគ្រួសារក្រីក្រ ដែលម្ដាយគ្មានទឹកដោះឬម្ដាយមានផ្ទុកមេរោគអេដស៍ និងកម្មវិធីជីកស្រះ សង់ផ្ទះនិងបង្គន់អនាម័យសម្រាប់សិស្សកូនធម៏។
លោក ទិត ធូ បន្តប្រាប់ថា: ក្នុងឆ្នាំ២០១៥ អង្គការកុមាមេគង្គខេត្តបន្ទាយមាជ័យបានជួយឧបត្ថម ដល់សិស្សមតេយ្យ បឋម មធ្យម សាលាបណ្ដុះបណ្ដាល គរុសិស្ស ក្រីក្រដែលមានចំនួនសរុប ១៧៥៧នាក់។
ឯកឧត្ដម អ៊ុង អឿន បានលើកបង្ហាញ ពីជោគជ័យរបស់សិស្សនិស្សិត ក្រីក្រដែលខិតខំតស៊ូរៀនសូត្រ ដោយភាពអំណត់ព្យាយាម ហើយពួកគេទាំងអស់សុទ្ធសឹងតែ ទទួលជោគជ័យក្នុងការងារ ដូចផ្នែកភោជនីយដ្ឋាន ម្ហូបនំបង្អែម ផ្នែកទេសចរណ៍ បដិសណ្ឋាកិច្ច និងជំនាញជាច្រើនទៀត។ចំពោះសិស្សនិស្សិតនៅបន្ទាយមានជ័យ ដែលមានផ្ទៃដីធំធេងប្រកបដោយជីជាតិ ឯកឧត្ដម អ៊ុង អឿនចង់អោយពួកគេធ្វើការងារផ្នែកកសិកម្ម និងជំនាញពេទ្យដើម្បីបានជួយអភិវឌ្ឍកសិកម្ម និងផ្នែកសុខភាពប្រជាពលរដ្ឋ៕