ខេត្តព្រះសីហនុ លោកឧត្តមសេនីយ៌ត្រី ស៊ាង កុសល ស្នងការងខេត្តព្រះសីហនុបានឪ្យដឹងថា ក្នុងត្រីមាសទី១ដើមឆ្នាំ២០១៥ បទល្មើសព្រហ្មទណ្ឌកើតមានឡើងចំនួន ១៥លើក លើ២៥ករណី (ពាក់ពន្ធជនបរទេស ៥ករណី) បើប្រៀបធៀបត្រីមាសទី១ ដើមឆ្នាំ២០១៤ មានការថយចុះចំនួន១០ករណី ក្នុងនោះបទឧក្រិដ្ឋមាន ៣ករណី លើ ៥ករណី ។ បទល្មើសមជ្ឈឹមមាន ១២ករណី លើ ២០ករណី ។ លទ្ធផលនៃកិច្ចប្រតិបត្តិការរបស់កងកម្លាំងនគរបាលខេត្តព្រះសីហនុ ក្នុងត្រីមាសទី១ដើមឆ្នាំ២០១៥ កំលាំងជំនាញបង្ក្រាបបទល្មើសជាក់ស្តែងបានចំនួន 
១២ករណី ស្មើនឹង ៨០% នៃចំនួនបទល្មើសដែលកើតមានឡើងជាក់ស្តែង និងធ្វើការឃាត់ខ្លួនជនសង្ស័យបានចំនួន ២១នាក់ ក្នុងនោះ បទឧក្រិដ្ឋយើងបង្ក្រាបបានចំនួន ០២ករណី ឃាត់ខ្លួនជនសង្ស័យចំនួន ០៣នាក់ បទល្មើសមជ្ឈឹម ១០ករណី ឃាត់ខ្លួនជន សង្ស័យបានចំនួន ១៨នាក់ ។
ពាក់ពន្ធ័បទល្មើសជួញដូរ និងចែកចាយគ្រឿងញៀន ឮកម្លាំងជំនាញបង្ក្រាបបានចំនួន ០៨ករណី ឃាត់ខ្លួនជនសង្ស័យបានចំនួន ១៣មុខសញ្ញា ដកហូតបានវត្ថុតាងមួយចំនួនធំកសាងសំណុំរឿងបញ្ជូនទៅសាលាដំបូងខេត្តចាត់វិធានការតាមផ្លូវច្បាប់ ។
លោកស្នងការខេត្តបានបញ្ជាក់ថា គ្រោះថ្នាក់ចរាចរផ្លូវគោលនៅទូទាំងខេត្តព្រះសីហនុ ក្នុងត្រីមាសទី១ កើតមានឡើងចំនួន៦៣លើក លើ៧១លើក ប្រៀបធៀបរយះពេលត្រីមាសទី១ ដើមឆ្នាំ២០១៤ថយចុះ ៨លើក ។ គ្រោះថ្នាក់ខាងលើបណ្តាលឪ្យស្លាប់មនុស្សចំនួន១៦នាក់ រងរបួស ១០៦នាក់ ខូចខាតរថយន្តចំនួន៣៦គ្រឿង និងម៉ូតូ៧២គ្រឿង ។
លោកឧត្តមសេនីយ៌ត្រី ស៊ាង កុសល បានបញ្ជាក់ថា ដោយឈរលើស្មាតីទទួលខុសត្រូវខ្ពស់ស្នងការដ្ឋាននគរបាលខេត្តព្រះសីហនុ បានដើរតួយ៉ាងសំខាន់ក្នុងនាមជាសេនាធិការឪ្យគណបញ្ជាការឯកភាពខេត្តព្រះសីហនុ លើការងារការពារសន្តិសុខ សុវត្ថិភាព និងរក្សាបាននូវសណ្តាប់ធ្នាប់សាធារណសង្គមជូនប្រជាពលរដ្ឋ ក៌ដូចជាភ្ញៀវទេសចរជាតិ និងអន្តរជាតិមកលេងកំសាន្តនៅខេត្តព្រះសីហនុ ។
យើងក៌បានរៀបចំធ្វើវេទិការសាធារណជួបប្រជាពលរដ្ឋក្នុងមូលដ្ឋាន ឪ្យពួកគាត់មានមតិយោបល់នឹងចម្ងល់ផ្សេងៗនិងចំណុចខ្វះខាតរបស់អាជ្ញាធរ និងសមត្ថកិច្ចលើការអភិវឌ្ឍន៌ ក៌ដូចជាការរៀបចំសណ្តាប់ធ្នាប់សង្គម ព្រមជាមួយនោះដែរ យើងបានធ្វើការបកស្រាយអប់រំប្រជាពលរដ្ឋឪ្យមានការយល់ដឹង និងចូលរួមដោយស្មគ្រ័ចិត្តក្នុងចលនាប្រជាការពារនៅតាមមូលដ្ឋានភូមិ ឃុំ របស់ខ្លួន តាមរយះគោលនយោបាយភូមិ ឃុំមានសុវត្ថិភាព ដើម្បីធានានូវភាពសុខសាន្តជូនប្រជាពលរដ្ឋ ៕
