កំពង់ស្ពឺ=ក្នុងខេត្តកំពង់ស្ពឺទាំងមូលគេបានសង្កេតឃើញថាស្ថានភាពកាប់បំផ្លញឈើនិងដឹកជញ្ជូននៅតែបន្តយ៉ាងធ្ងន់ធ្ងរនៅពេលដែលមន្ត្រីពាក់ពន្ធ័បន្តបើកដៃឲ្យឈ្មួញទាំងតូចទាំងធំៗដឹកឆ្លងកាត់មិនបង្ក្រាបបែជាឃុបឃិតទៅវិញ។ជាពិតការរកស៊ីឈើទាំងនេះបានលុះត្រាតែបុគ្គលនោះមានអំណាចឬបុណ្យសក្ក័ទើប ប្រព្រឹត្តទៅបាន។ ដោយមានទម្លាប់ឆ្លងកាត់ជំនាញឬត្រូវរ៉ូវគ្នាជាមួយសមត្ថកិច្ចពាក់ពន្ធ័ដែលគេតែងតែហៅ(ការបើកភ្លើងខៀវ)ថ្មីៗនេះគេបានសង្កេតឃើញនៅទូទាំងស្រុកឪរ៉ាល់ក៏មានពលរដ្ឋបានពាក់ពន្ធ័និងរឿងរកស៊ីក្នុងភូមិសាស្ត្រនេះផងនិងក្រៅឮភូមិសាស្ត្រយ៉ាងសកម្មក្នុងនោះត្រូវបានគេដឹងថាឈ្មួញបានរកស៊ីឈើ
យ៉ាងសកម្មទាំងនោះត្រូវមានទំនាក់ទំនងជាមួយមន្ត្រីបរិស្ថានយ៉ាងជិតស្និត។ កត្តាបែបនេះបានជំរុញឲ្យមានលើកឡើងពីមតិមហាជនជាច្រើននៅ ក្នុងខេត្ត កំពង់ស្ពឺ ដោយបានពោលថា ទាំងអ្នករកស៊ី ទាំងសមត្ថកិច្ច ជាមនុស្ស តែមួយដូចនេះមិនបាច់រកមុខអ្នកបំផ្លាញព្រៃឈើនោះទេ។
ក្រៅពីជំនួញឈើប្រជាពលរដ្ឋមួយចំនួនក្នុងស្រុកឪរ៉ាល់ក៏បានជាប់ពាក់ពន្ធ័និងរឿងបរបាញ់សត្វព្រៃយកមកលក់យ៉ាងសកម្មដោយបានត្រូវរ៉ូវគ្នាជាមួយតាំងមូលដ្ឋានរហូតដល់ជំនាញ។
ជាក់ស្តែងថ្មីៗនេះកំលាំងជំនាញមិនបានបង្ក្រាបក្រុមឈ្មួញដែលបានដឹកឈើរាប់រយដើមឆ្លងកាត់ពីក្នុងដែនជំរកសត្វព្រៃភ្នំឪរ៉ាល់តាមផ្លូវជាតិលេខ៤៤ក្នុងបំណងយកមកលក់នៅតាមដេប៉ូក្នុងខេត្តតែត្រូវបានកងរាជអាវុធហត្ថខេត្តកំពង់ស្ពឺក្រោមបញ្ជាពីឧត្តសេនីយ៏ត្រី ម៉ែន ស៊ីប៊ន ចុះចាប់បទល្មើសទាំងនេះក្នុងនយ័ជួយ ទប់ស្កាត់ការកាប់បំផ្លាញព្រៃឈើក្នុងខេត្ត ។
តាមសេចក្តីរាយការណ៏មកថាឈើដែលកំលាំងកងរាជអាវុធហត្ថចាប់បានមានជាង ៨០ដើមដែលបានដឹកតាមគោយន្ត៥គ្រឿង ចាប់បាននៅចំណុច ភូមិអន្លង់ជ្រៃ ឃុំប្រាំមុម ស្រុកថ្ពង ខេត្តកំពង់ស្ពឺ ។
តាមសេចក្តីរាយការណ៏បន្តថាក្រោយពីចាប់មានក្រុមឈ្មួញបានកែនមនុស្សជាច្រើននាក់មានបំណងចង់មករំដោះឈើនិងគោយន្តតែដោយមានបទបញ្ជាយ៉ាងតឹងតែងពីសំណាក់មេបញ្ជាការខេត្តទើបក្រុមឈ្មួញមិនហ៊ានរួចបានដកថយរងចាំដោះស្រាយតាមច្បាប់ ៕
