ការគ្រោះថ្នាក់ចរាចរណ៏មួយខណៈដែលជនរងគ្រោះទាំង២នាក់ស្រវឹងបើកម៉ូតូទៅបុករថយន្តកាមរីហើម ក្នុងទិសដៅច្រាស់គ្នា។ករណីនេះបានកើតឡើងនៅវេលាម៉ោង២និង២០នាទីរសៀលថ្ងៃទី២ ខែមិនា ឆ្នាំ
២០១៥ លើកំណាត់ផ្លូវជាតិលេខ៥ ចំណុចគីឡូម៉ែត្រលេខ ៥១និង៥២ ស្ថិតក្នុងភូមិតាកុល ឃុំពានី ស្រុកកំពង់ត្រឡាច។ លោក មាស ស៊ីភិន អធិការរងនគរបាលស្រុកកំពង់ត្រឡាចបាននិយាយអោយដឹងថា៖ ជនរង
គ្រោះទាំង២នាក់ ម្នាក់ឈ្មោះ ហ៊ីម វណ្ណា អាយុ៣៦ឆ្នាំ ជាអ្នកបើកម៉ូតូ និងអ្នកជិៈពីក្រោយម្នាក់ទៀតឈ្មោះ សេង ម៉ាត់លី អាយុ៣៥ឆ្នាំ ទាំង២នាក់មានទីលំនៅ ភូមិស្វាយបាកាវ ឃុំតាជេស ស្រុកកំពង់ ត្រឡាច ។
មុនពេលកើតហេតុ គេឃើញ ជនរងគ្រោះទាំង២នាក់ជិៈម៉ូតូម៉ាកហុងដា ឌ្រីម ១២៥ ពណ៌ខ្មៅ
ក្នុងស្ថានភាពស្រវឹង ពីត្បូងមកជើង ក្នុងល្បឿនលឿន លុះពេលមកដល់ចំណុចកើតហេតុ ក៏ស្រាប់តែរេចង្កូតទៅខាងឆ្វេងដៃ ទៅបុកជាមួយនិងរថយន្តម៉ាកការីគូថហើម ពណ៌កណ្តុរប្រមេះ ពាក់ស្លាកលេខភ្នំពេញ 2B.7798 ដែលធ្វើដំណើរច្រាស់ទិសគ្នា បណ្តាលអោយអ្នកជិៈម៉ូតូទាំង២នាក់ រងរបួសមធ្យម ចំ
ណែកម៉ូតូខូចខាតខ្ទេចមួយកំណាត់មុខទាំងស្រុង និងរថយន្តខូចផ្នែកថ្ពាល់ខាងឆ្វេង ។
ក្រោយពេលកើតហេតគេឃើញអ្នកបើកម៉ូតូក្នុងស្ថានភាពស្រវឹង ជេរគេជេរឯង សមត្ថកិច្ចបាន
គ្រាដាក់លើរថយន្តសង្គ្រោះ តែអ្នកស្រវឹងខាងលើនេះបានចុះមកវិញ ហើយត្រូវនគរបាលចាប់ដាក់ម្តងទៀតដើម្បីដឹកទៅសង្គ្រោះនៅមណ្ឌលសុខភាពស្រុកកំពង់ត្រឡាច និងបាននាំយកមធ្យោបាយទាំង២គ្រឿងមករក្សាទុកនៅអធិការដ្ឋាននគរបាល ស្រុកដើម្បីរង់ចាំការដោះស្រាយ ។ចំណែក អ្នកបើកបររថយន្តមិនបានរត់ទៅណាទេព្រោះគេយល់ថាគ្មានកំហុសនៅក្នុងករណីគ្រោះថ្នាក់នេះឡើយ៕
