ក្រសួងមហាផ្ទៃអាហ្វហ្គានីស្ថានបាន ប្រកាសកាលពីថ្ងៃទី៣ ខែមីនាថា កម្លាំង សន្ដិសុខជាតិអាហ្វហ្គានីស្ថានបានធ្វើ ប្រតិបត្ដិការបោសសម្អាតពួកឧទ្ទាម លីបង់ក្នុងមួយថ្ងៃសម្លាប់ក្រុមនេះ៩នាក់ និងរងរបួស៨នាក់ ។
ប្រភពបញ្ជាក់ថា ប្រតិបត្ដិការរបស់ កម្លាំងទាហានាបានធ្វើឡើងនៅក្នុងតំបន់ Herat, Farah, Ghazni, Helmand, Kunduz, Uruzgan, Paktika, Takhar Sari Pul និងខេត្ដ Khost ក្នុងរយៈពេល ២៤ម៉ោង ។ ជាលទ្ធផលក្រុមឧទ្ទាមលីបង់ ៩នាក់ត្រូវសម្លាប់, ៨នាក់រងរបួស និង៥ នាក់ផ្សេងទៀតត្រូវចាប់ខ្លួន ។
ប្រភពនេះមិនបានបញ្ជាក់ពីទាហាន រដ្ឋាភិបាលដែលបាត់បង់ជីវិត ឬរងរបួស នោះទេ ប៉ុន្ដែបានបញ្ជាក់ថា ពួកគេបាន រឹបអូសអាវុធ គ្រាប់រំសេវ ជាតិផ្ទុះដែល ក្រុមឧទ្ទាមរក្សាទុកដើម្បីធ្វើសកម្មភាព បំផ្ទុះនៅតាមដងផ្លូវបានចំនួនជាច្រើន ។
ក្រុមឧទ្ទាមលីបង់ដែលកកើតឡើង ក្នុងរយៈពេលជិតមួយទសវត្សរ៍កន្លងមក ហើយនោះ នៅមិនទាន់ធ្វើអត្ថាធិប្បាយ បែបណានីមួយជុំវិញករណីខាងលើនេះ នៅឡើយទេ 9