ភ្នំពេញ៖ រថយន្តហ្វ័តមួយគ្រឿងបើកក្នុងល្បឿនលឿនបុកម៉ូតូCBRចំពេញទំហឹងនៅចំណុចផ្លូវបែកជាបួនផ្លោងទាំងម៉ូតូទាំងមនុស្សជាង១០ម៉ែត្ររងរបួសធ្ងន់ ហើយរថយន្តបើកគេចពីកន្លែងកើតហេតុបាត់បន្សល់ទុកកាងរថយន្តខាងមុខភ្ជាប់ជាមួយនិងស្លាកលេខជ្រុះនៅនិងផ្លូវ។ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី៣ ខែមិនា ឆ្នាំ២០១៥ ត្រង់ចំណុចផ្លូវបេតុង 77BC កែងផ្លូវ72BC ស្ថិតក្នុងភូមិចំរើនផល សង្កាត់បឹងទំពុន ខណ្ឌមានជ័យ។
ប្រភពព័ត៌មានពីកន្លែងកើតហេតុបានអោយដឹងថា មុនពេលកើតហេតុគេឃើញបុរសម្នាក់ជិះម៉ូតូធុនធំមួយគ្រឿងម៉ាកCBR ពណ៌ខ្មៅ ពាក់ស្លាកលេខ បន្ទាយមានជ័យ 1J-5166 ធ្វើដំណើរតាមបណ្ដោយផ្លូវ បេតុងលេខ77BC ទិសដៅពីលិចទៅកើតក្នុងល្បឿនយ៉ាងលឿន ស្រាប់តែមកដល់ចំណុចកើតហេតុ កែងផ្លូវបេតុងលេខ72BC បំរុងជិះឆ្លងក៏មានរថយន្តហ្វ័តមួយគ្រឿងបើកធ្វើដំណើរតាមបណ្ដោយផ្លូវ លេខ72BC ទិសដៅពីត្បូងទៅជើងក៏បុកម៉ូតូCBRចំ
ពេញទំហឹងផ្លោងហោះ ទាំងម៉ូតូ ទាំងមនុស្ស ជាង១០ម៉ែត្រ រងរបួសធ្ងន់បាក់ភ្លៅ ហើយរថយន្តបានឈប់ ដោយសារជ្រុះកាងរថយន្តខាងមុខ ភ្ជាប់ជាមួយស្លាកលេខ ភ្នំពេញ 2I-6441 ម្ចាស់រថយន្តបំរុងចុះរើសប៉ុន្តែដោយសារប្រជាពលរដ្ឋរត់មកមើលច្រើនពេកក៏ឡើងរថយន្តគេចពីកន្លែងកើតហេតុបាត់បន្សល់ទុកកាងរថយន្ត នៅកន្លែង កើតហេតុ។
បន្ទាប់ពីកើតហេតុសមត្ថកិច្ចមូលដ្ឋានក៏បានចុះមកអន្តរាគមន៍ភ្លាមៗនិងបានហៅរថយន្តសាមុយដឹក បញ្ជូនជនរងគ្រោះទៅមន្ទីរពេទ្យសង្គ្រោះភ្លាមៗផងដែរ ចំណែកម៉ូតូសមត្ថកិច្ចក៏បានប្រគល់អោយ ក្រុមគ្រួសារជនរងគ្រោះយកទៅផ្ទះវិញផងដែរហើយរង់ចាំព្រឹកទៅដាក់ពាក្យបណ្ដឹងនៅប៉ុស្ដិ៍ ដើម្បី សមត្ថកិច្ចធ្វើការស្រាវជ្រាវស្វែងរករថយន្តបង្កចាត់ការតាមច្បាប់៕
