ខេត្តឧត្តរមានជ័យ៖ មេកាងល្បែងស៊ីសងគ្រប់ប្រភេទនៅក្នុងស្រុកត្រពាំងប្រាសាទខេត្តឧត្តរមានជ័យម្នាក់គម្រាមវ៉ៃសម្លាប់អ្នកយកពត៌មានអោយកាសែតតាព្រហ្មក្នុងស្រុកម្នាក់និងដកយកកាមេរ៉ាហើយបំផ្លាញឯកសារចោលអស់។
ហេតុការណ៍នេះបានកើតឡើងនៅវេលារៀលថ្ងៃទី៤ ខែមីនា ឆ្នាំ២០១៥ ស្ថិតនៅក្នុងបនល្បែងអាប៉ោងមួយកន្លែងខាងមុខផ្សារត្រពាំងប្រាសាទក្នុងភូមិ ឃុំ ស្រុកត្រពាំងប្រាសាទ ខេត្តឧត្តរមានជ័យ។ ជនរងគ្រោះឈ្មោះ អ៊ុត ធា ភេទប្រុស អាយុ៤៣ឆ្នាំ មានអាជីពជាអ្នកសារពត៌មានអោយអង្គរភាពកាសែតតាព្រហ្ម ដែលមានទីលំនៅក្នុងភូមិស្រះជ្រៃ ឃុំ ស្រុក ត្រពាំងប្រាសាទ។
មេក្លោងធំជាងគេដែលកាងល្បែងស៊ីសងគ្រប់ប្រភេទដូចជា បៀរ អាប៉ោង ជល់មាន់ កន្ទុយលេខ ដែលប្រើអំណាចមកលើអ្នកសារពត៌មានត្រូវបានគេស្គាល់ឈ្មោះ ស៊ឺ សរ ភេទប្រុស អាយុប្រហែលជាង៦០ឆ្នាំ រស់នៅក្នុងភូមិ ឃុំកើតហេតុខាងលើ។ ល្បែងស៊ីសងគ្រប់ប្រភេទខាងលើកំពុងតែកើតមានយ៉ាងអណាធិបតេយ្យដែលធ្វើអោយប្រជាពលរដ្ឋរងគ្រោះជា
បន្តបន្តាប់ដោយសារតែអាជ្ញាធរ និងស្ថាប័នមានសមត្ថកិច្ចស្រុកនិងខេត្តរក្សាទុកជាឆ្នាំងបាយដោយមានមេល្បែងឆ្នោត និងអាប៉ោងមួយចំនួនបានលួចបង្ហើបអោយដឹងថាពួកគាត់ត្រូវបង់លុយប្រចាំខែក្នុងម្នាក់ជាង១លានរៀល ជូនទៅលោក ស៊ឺ សរ សំរាប់រត់ការស្ថាប័នពាក់ព័ន្ធស្រុកនិងខេត្ត ទើបល្បែងស៊ីសងគ្រប់ប្រភេទតំណើរការទៅយ៉ាងរលូន។
លោក អ៊ុត ធា ដែលជាអ្នកយកពត៌មានទទួលរងការគម្រាមកំហែងបានអោយដឹងថាបន្ទាប់ពីលោកបានទទួលពត៌មានពីគ្រួសាររងគ្រោះដោយសារល្បែងស៊ីសងថា ប្ដីរបស់គាត់ឈ្លួកវង្វេងនិងល្បែងស៊ីសងគ្រប់ប្រភេទខាងលើ ជាពិសេសនៅតែក្នុងវង់អាប៉ោង ង៉ុប់ង៉ុល មិនគិតពីសង្គមគ្រួសារ និងរកប្រកបរបរសុចរិតចញ្ចឹមជីវិតទើបលោកទៅមើលដល់ទីតាំងបនល្បែង
ឃើញសភាពអ៊ូអរក៏យកកាមេរ៉ាថតផ្ដិតយកសកម្មភាព តែត្រូវបានលោក ស៊ឺ សរ ដែលជាមេក្លោងកាងល្បែងស៊ីសងដកយកកាមេរ៉ាលុបឯកសារចោល រីឯអ្នកបាញ់មេអាប៉ោង និងអ្នកចាក់អាប៉ោងក្នុងវង់ទាំងអស់បានគម្រាមសម្លាប់និងជេរប្រមាថអ្នកយកពត៌មានខាងលើដូចសត្វធាតុ។ កន្លងទៅថ្មីៗនេះលោក ម៉ែន លី ស្នងការនគបាលខេត្តឧត្តរមានជ័យលោកបានសន្យាថាលោកនិងលុបបំបាត់ល្បែងស៊ីសងគ្រប់ប្រភេទដែលកើតមាននៅក្នុងស្រុកត្រពាំង
ប្រសាទនិងស្រុកអន្លង់វែងអោយអស់ហើយលោកបានបញ្ជាក់ថាលោកអោយរងចាំមើលរហូតមកដល់ពេលនេះល្បែងស៊ីសងបានកើតមានយ៉ាងអណាធិបតេយ្យដដែលការសន្យារបស់លោកស្នងការសាបដូចទឹកទន្លេ និយាយនិងមាត់លុបចោលនិងជើង ធ្វើអោយប្រជាពលបាត់បង់ជំនឿរទុកចិត្តរកអ្នកទីពឹងគ្មាន។
ដែលអាជ្ញាធរនិងស្ថាប័នមានសមត្ថកិច្ចគ្រប់លំដាបថ្នាក់មិនបានគោរពតាមគោលនយោបាយរដ្ឋាភិបាលភូមិឃុំមានសុវត្តិភាពទាំង៩ចំនុចឡើយ។ ដោយទុកបន្ដែតបណ្ដោយអោយប្រជាពលរដ្ឋរងគ្រោះម្ដងហើយម្ដងទៀត កើតមានជារៀងរាល់ថ្ងៃដែលពួកគាត់កើតក្ដីឈឺចាប់រកអ្វីផ្ទឹមគ្មាន៕
