> បាត់ដំបង: បុរសម្នាក់ដែលធ្លាប់មានជំងឺសសៃប្រសាទ និងកំរោលចូលម្តងៗ បានស្លាប់យ៉ាងអណោចអាធម ដោយមានកាំបិតចិតបន្លែនៅក្បែខ្លួន ព្រមទាំងមានពោះវៀនចេញមកក្រៅផង ក្រោយពេលដែលជនរងគ្រោះបានស្រែកហៅអោយគេជួយ កាលពីវេលាម៉ោង9យប់ ថ្ងៃទី4-3-15 ត្រង់ចំនុចភូមិគោកដូង ឃុំពាមឯក ស្រុកឯកភ្នំខេត្តបាត់ដំបង ថាមានមនុស្សមកច្រើនណាស់ដើម្បីយកខ្លួនទៅជាមួយ។
> តាមការអះអាងពីស្ត្រី ម៉ុន ម៉ៅ អាយុ22ឆ្នាំ ត្រូវជាភរិយារបស់ជនរងគ្រោះ ក៏ដូចជាឪពុក
> ម្តាយក្មេក បានរៀបរាប់ថា ជនរងគ្រោះដែលត្រូវជាស្វាមីមានឈ្មោះ នី វិបិន អាយុ32ឆ្នាំ ដោយពួកគេទាំងអស់គ្នាមានទីលំនៅ នៅភូមិតាពូង ឃុំតាមុឺន ស្រុកថ្មគោល ហើយបានមកសង់ជាកូនខ្ទមនៅចំនុចខាងលើដើម្បីប្រកបរបរនេសាទ្រជាលក្ខណ:គ្រួសារ។
> ស្ត្រីរូបនេះបានបន្តថា កន្លងមកប្តីរបស់ខ្លួនតែងតែមានរោគសសៃប្រសាទប្រចាំកាយ ហើយ
> មានពេលខ្លះក៏ហាក់ដូចជាមានអការ:កំរោលចូលម្តងម្កាលផងដែរ ដែលគាត់ឧស្សាហ៍ស្រែកអោយក្រុមគ្រួសារ និងសាច់ញាតិជួយ ព្រោះមានមនុស្សមកច្រើនណាស់ដោយហោះគាត់អោយទៅជាមួយគេប៉ុន្តែមួយសន្ទុះក្រោយមកក៏លែងអីទៅវិញ ដូច្នេះការស្រែកនេះវាជាទំលាប់របស់គាត់ទៅហើយ។
> ស្ត្រីជាភរិយាបានលើកឡើងថា នៅមុនពេលកើតហេតុគឺពួកគាត់បាននៅជុំគ្នាទាំងអស់
> ចំណែកប្តីរបស់ខ្លួនបានដើរចុះដើរឡើង ដែលហាក់បីដូចជាជំងឺកំពុងតែរើឡើងវិញយ៉ាដូច្នេះដែរហើយមួយសន្ទុះក្រោយមក ក៏បានឮសំរែករបស់គាត់បានស្រែកហៅអោយគេជួយដូចសព្វមួយដង ដែលធ្វើអោយពួកគាត់មិនសូវចាប់អារម្មណ៍ ប៉ុន្តែក្រោយពេលដែលស្ងាត់សំលេងពួកគាត់បានចេញទៅមើល ស្រាប់តែឃើញប្តីរបស់ខ្លួនដេកស្លាប់នៅក្នុងថ្លុកឈាមបាត់ទៅហើយ ដោយមានសភាព
> អាក្រាតកាយ ព្រមទាំងមានស្នាមចាក់នឹងផ្លែកាំបិតចំរន្ធផ្ចិតរហូតធ្លាយពោះវៀនមកខាងក្រៅផងទើបនាំគ្នាផ្អើល ព្រមទាំងបានរាយការទៅសមត្ថកិច្ចដើម្បីចុះត្រួតពិនិត្យនៅកន្លែងកើតហេតុ ព្រោះនៅក្បែសពមានកូនកាំបិតចិតបន្លែមួយដែលបន្សល់នៅទីនោះផង។
> លោក ណាប់ សុីថា មេបញ្ជាការ កងរាជអាវុធហត្ថស្រុកឯកភ្នំបានគូសបញ្ជាក់ថា បើតាម
> ការសាកសួរទៅលើក្រុមគ្រួសារ និងសាច់ញាតិអំពីអការ:រោគរបស់ជនរងគ្រោះនាពេល
កន្លងមកគឺធ្លាប់មានរោគប្រចាំកាយ ដូច្នេះវាអាចជាករណីធ្វើអត្តឃាត ដោយចាក់សំលាប់ខ្លួនឯង នៅពេលដែលមានកំរោលចូលក្នុងខ្លួន ប៉ុន្តែទោះបីជាមានការបំភ្លឺយ៉ាងនេះក៏ដោយ ក៏បច្ចុប្បន្នលោកបានដាក់កំលាំង ដោយសហការជាមួយកំលាំងអធិការដ្ឋានស្រុកឯកភ្នំ ដើម្បីនាំសាក្សីទាំងនេះមកសាកសួរ បន្ត ដើម្បីអោយដឹងពីការពិត ថាតើជាការធ្វើអត្តឃាត ឬក៏ជាអំពើឃាតកម្ម ដើម្បីចាត់ការទៅតាមផ្លូវច្បាប់៕
