ភ្នំពេញ ៖ ផ្ទះល្វែងមួយកន្លែងដែលកំសាងសងតប្រកលើដំបូលបានបាក់កាលពីវេលាម៉ោង១១និង៣០ នាទី ព្រឹកថ្ងៃទី៥ ខែមីនា ឆ្នាំ២០១៥ ស្ថិតនៅជិត វត្ដអង្គតាមិញ ភូមិត្រញំងល្វា សង្កាត់កាកាប ខណ្ឌពោធិ៍សែនជ័យ ប៉ុន្ដែមិនបណ្ដាលឱ្យកម្មករ សំណង់ឬក៏សមាជិកគ្រួសារ ផ្ទះល្វែង មួយនេះរងរបួសឬគ្រោះ ថ្នាក់ដល់អាយុ ជីវិតនោះឡើយ ។
យោងតាមប្រភពព័ត៌ពីកន្លែងកើតហេតុបានឱ្យដឹងថា កាបាក់ធ្នឹមជើងទ្រដំបូលនេះដោយសារតែការថ្វេសប្រហែសរបស់មេការម៉ៅកាសំណងដែលខ្វះបច្ចេកទេសនៃការសាងសង់។សមត្តកិច្ចបានឱ្យដឹងថា ម្ចាស់ផ្ទះឈ្មោះយ៉ា ចាន់នាង ភេទស្រីអាយុ២៨ឆ្នាំ ស្នាក់នៅផ្ទះលេខ1bb ផ្លូវ៣០ ភូមិត្រពាំងល្វា សង្កាត់កាកាប ខណ្ឌពោធិ៍សែនជ័យ។
សមត្ថកិច្ចបានបញ្ជាក់ថា គ្រោះ ថ្នាក់មួយនេះ មិនបានប៉ះពាល់ដល់ប្រជាពល រដ្ឋជាម្ចាស់ផ្ទះ និងកម្មករសំណង់ ដែលកំពុងធ្វើការនៅទីនោះឡើយ។
បន្ទាប់ពីកើតហេតុសមត្តកិច្ចមូលដ្ឋានបាន ចុះទៅពិនិត្យ មើលធ្វើការសួរនាំនិងណែនាំឱ្យមេការសំណង់និងកម្មករត្រូវមានការត្រួតពិនិត្យឡើងវិញ ឱ្យបានត្រឹមត្រូវពេល កំពុងសាងសង់ ចៀសវាងមានគ្រោះថ្នាក់ដោយយថាហេតុ ដូចករណីខាងលើនេះ ។