ភ្នំពេញ៖ កម្លាំងប៉ូលិសល្បាតខណ្ឌដូនពេញបានសហការគ្នាជាមួយនិងនគរបាលប៉ុស្តិ៍ផ្សារ កណ្តាល1 បានតាមប្រម៉ាញ់មុខសញ្ញាបន្លំលួចអាយភែតនៅម្តុំមាត់ទន្លេឃាត់ខ្លួនបានប្រុសស្រី២ នាក់បែកធ្លាយជនសង្ស័យទាំង២នាក់ក៏ជាមុខសញ្ញាចែកចាយគ្រឿងញៀនយ៉ាងសកម្មផងដែរ។
ការឃាត់ខ្លួនធ្វើឡើងនៅវេលាម៉ោង៩យប់ថ្ងៃទី០៤ខែមិនាឆ្នាំ២០១៥ស្ថិតនៅតាមបណ្តោយផ្លូលេខ១៤៨ ម្តុំសណ្ឋាគាអង្គរ ស្ថិតក្នុងសង្កាត់ផ្សារកណ្តាល១ខណ្ឌដូនពេញ។ សមត្ថកិច្ចនិយាយថា មុន ឈានដល់ការឃាត់ខ្លួនជនសង្ស័យទាំងពីរនាក់ខាងលើនេះគឺសម្លាំង សមត្ថកិច្ចកំពុងតែល្បាត ក៏មាននារីបានមកបណ្តឹងពួកគាត់នាងបានអង្គុយលេងនៅម្តុំមាត់ទន្លេ ក៏ត្រូវចោរលួចយកអាយភែត នាងបាត់ហើយ ។ សមត្ថកិច្ចធ្វើការសាកសួរពីភិនភាកជនសង្ស័យបានហើយសមតកិច្ចក៏ជិះល្បាត បន្តក៏ប្រទះឃើញ ជនសង្ស័យនោះនៅម្តុំ សណ្ឋាគាអង្គរតាមបណ្តោយផ្លូលេខវ១៤៨ ស្ថិតក្នុង សង្កាត់ផ្សារកណ្តាល១ រួចក៏បានធ្វើការសហការជាមួយកម្លាំងនគរបាលប៉ុស្លិ៏ផ្សារកណ្តាលមួយ បាន ធ្វើការឃាត់ខ្លួនជន សង្ស័យ នោះបានភ្លាមៗ និងឃាត់បានស្ត្រីម្នាក់ដែលជាអ្នកចែកចាយ គ្រឿងញៀនបានផងដែរ ។
ជនរងគ្រោះឈ្មោះ ប៉ុម ក្ភះ ភេទស្រី អាយុ២៦ឆ្នាំ មុខរបបុគ្គលិកក្រុមហ៊ុនឯកជនមួយ ស្នាក់នៅ ផ្ទះលេខ៥៥៧ ផ្លូវលេខ៥ សង្កាត់ច្រាំងចំរះ ២ខណ្ឌឫស្សីកែវ ជនសង្ស័យទី១ យ៉េង សីហា ប្រុស អាយុ២០ឆ្នាំ មុខរបមិនពិតប្រាកដ ស្នាក់នៅផ្ទះជួលក្រោយសាលារៀនព្រះនរោត្តម ផ្លូវលេខ១៩ សង្កាត់ផ្សារកណ្តាល២ ខណ្ឌដូនពេញជនសង្ស័យទី២ កែវ ស្រីខា ស្រី អាយុ២០ឆ្នាំ មុខរបនិងស្នាក់ នៅមិនពិតប្រាកដ ការឃាត់ខ្លួនជនសង្ស័យប្រុសស្រីខាងលើដក ហូតបានថ្នាំញៀន ចំនួន១៣កញ្ចប់ ក្នុងនោះម៉ាទឹកកកខំនួន១២កញ្ចប់យ៉ាម៉ាចំនួន១កញ្ចប់ព្រមទាំងអាយភែតដែលទើបតែបន្លំលួចពី ជនរងគ្រោះនៅម្តុំមាត់ទន្លេប្រគល់ឲ្យទៅម្ចាស់ដើមវិញផងដែរ។
ចំណែកជនសង្ស័យទាំង២នាក់សមត្ថកិច្ចប៉ូលិសខណ្ឌដូនពេញកំពុងតែធ្វើការសាកសួរដើម្បីកសាងសំណុំរឿងបញ្ជូនទៅតុលាការកាត់ទោសតាមផ្លូវច្បាប់៕