ភ្នំពេញ៖ម៉ូតូឌ្រីមសេ១២៥មួយគ្រឿងបើកដោយបុរសចេញពីផ្លូវបេតុងរោងចក្រQMI លុះមកដល់ចំណុចកើតហេតុទល់មុខនិងវិទ្យាល័យជម្ពូវ័នបើកឆ្លងផ្លូវក្នុងល្បឿនលឿនជ្រុលទៅបុកជាមួយនិងរ៉ឺម៉កកង់បីមួយគ្រឿងដែលតាមបណ្តោយផ្លូវជាតិលេខ៤ចំពាក់កណ្តាលរ៉ឺម៉កកង់បីពេញទំហឹងបណ្តាលឲ្យភាំគីទាំងសងខាងរងរបួសធ្ងន់ដេកស្តូកនៅនិងកន្លែង។
ហេតុការណ៏នេះបានកើតឡើងកាលពីវេលាម៉ោង១និង១០នាទីរំលងអាធ្រាតឈានចូលថ្ងៃទី០៥ ខែមីនាឆ្នាំ២០១៥ តាមបណ្តោយផ្លូវជាតិលេខ៤ទល់មុខនិងវិទ្យាល័យជម្ពូវ័នស្ថិតក្នុងភូមិជម្ពូវ័នសង្កាត់ចោមចៅខណ្ឌពោធិ៍សែនជ័យ។
ប្រភពពត៌មានពីកន្លែងកើតហេតុបានឲ្យដឹងថានៅមុនពេលកើតហេតុគេបានឃើញបុរសម្នាក់ជិះ ម៉ូតូមួយគ្រឿងម៉ាកហុងដាឌ្រីមសេ១២៥មួយគ្រឿងពណ៌ខ្មៅពាក់ស្លាកលេខភ្នំពេញ 1AE-7756 ចេញពីផ្លូវបេតុងរោងចក្រQMIលុះមកដល់ចំណុចកើតហេតុជាប់និងបណ្តោយផ្លូវជាតិលេខ៤ទល់ មុខនិងវិទ្យាល័យជម្ពូវ័នបានបើកឆ្លងផ្លូវក្នុងល្បឿនលឿនខណៈនោះក៏ស្រាប់តែមានរ៉ឺម៉កកង់បីមួយគ្រឿងបើកដោយបុរសម្នាក់ពាក់ស្លាកលេខតាកែវ 1D-4768 បើកតាមបណ្តោយផ្លូវជាតិលេខ៤ ក្នុងទិសដៅពីកើតទៅលិចក្នុងល្បឿនលឿនដូចគ្នាបានវាក់និងម៉ូតូឌ្រីមសេ១២៥ដែលបើកបត់ឆ្លងផ្លូវនោះក៏មកបុកគ្នាចំពាក់កណ្តាលរ៉ឺម៉កកង់បីពេញទំហឹងបណ្តាលឲ្យភាគីទាំងសងខាងរងរបួសធ្ងន់ដេកស្តូកនៅនិងកន្លែងកើតហេតុតែម្តង។
ក្រោយពេលកើតហតុភាគីទាំងសងខាងត្រូវបានរថយន្តសាមុយដឹកយកទៅសង្គ្រោះនៅមន្ទីរពេទ្យ ចំណែកឯរ៉ឺម៉កកង់បីនិងម៉ូតូត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាន នគរបាលខណ្ឌពោធិ៍សែនជ័យដើម្បីរងចាំការដោះស្រាយគ្នានៅពេលក្រោយ៕
