កំពង់ធំ=សង្កាត់រដ្នបាលព្រៃឈើស្រុកប្រាសាទសំបូរបង្កើតស្នាដៃចាប់រថយន្ដកូរ៉េដឹកឈើប្រភេទលេខ២ ពេញ១រថយន្ដ ការចុះចាប់នេះដោយមានបញ្ចាពីរលោក អ៊ិតសុធាព្រះរាជអាជ្ញា អមសាលាដំបូងខេត្តកំពង់ធំ អោយលោក សៅ វណ្ណនី នាយផ្នែករដ្នបាលព្រៃស្រុកសណ្ដាន
ដឹកនាំកំលាំងសមត្តកិច្ចមេព្រៃស្រុកប្រាសាទសំបូរនិងកំលាំងកងរាជអាវុធហត្ថស្រុក ចុះស្ទាក់ចាប់បានរថយន្ដកូរ៉េដឹកឈើ១គ្រឿង កាលពីម៉ោង១១យប់ ថ្ងៃទី៣ ខែមិនា ឆ្នាំ២០១៥ ។
បើតាមប្រភពពត័មានពីរប្រជាពលរដ្នបានអោយដឹងថា លោក សៅ វណ្ណនី តែងតែកាងបទល្មើសដឹកជញ្ចូនឈើចេញពីរទឹកដីរបស់ខ្លួនជារៀងរហូតមក ចុះហេតុអីថ្ងៃនេះបែរជាមកចាប់រថយន្ដដឹកឈើដែលធ្លាប់តែផ្ដល់លាបសក្ករះអោយខ្លួនទៅវិញ ហើយដឹកចេញពីរទឹកដីរបស់ខ្លួនទៀត នេះប្រហែលជាមានបញ្ចាពីរលោកព្រះរាជអាជ្ញាទើបបង្ខំចិត្តចាប់រថយន្ដយកស្នាដៃតែម្ដង ទទឹមនិងនោះមហាជនបានសង្កេតឃើញអាកប្បកិរិយារបស់លោក សៅវណ្ណនី នាយផ្នែក ហាក់បើដូចជាមិនចង់អោយអ្នកសារពត័មានថតយករូបភាពដើម្បី ចាក់ផ្សាយទេ ព្រោះប៉ះពាលដល់កិត្តិយសខ្លួន។
រថយន្ដកូរ៉េដែលចាប់បានជាពាំក់ផ្លាក់ កំពង់ចាម ៣អា ២៤៩១ ក្បាល ស ទ្រុងបៃតង ត្រូវបានរក្សាទុកនៅសង្កាត់រដ្នបាលព្រៃឈើ ស្រុកប្រាសាទសំបូរ រងចាំការរើរុះ និងវាស់វែង រហូតមកដល់ព្រឹកនេះតាមការអោយដឹងពីរលោក តាន់សុភាន់នី នាយរងសង្កាត់រដ្នបាលព្រៃឈើស្រុកប្រាសាទសំបូរប្រាប់ថាឈើមានចំនួន 5,887ម៉ែត្រគូប ចំណែកអ្នកបើកបរថយន្ដមានឈ្មោះ លុយស្រន់ រស់នៅភូមិទួលធ្នង់ ឃុំគោល ប្រាសាទសំបូរ ឯម្ចាស់ឈើមានឈ្មោះ ដន់ រស់នៅភូមិ តាអោក ឃុំសំបូរ ស្រុកប្រសាទសំបូរ៕
ប៊ុនរិទ្ធី