កំពង់ឆ្នាំង៖ ផ្ទះមួយកន្លែងនៅក្នុងភូមិកណ្តាល សង្កាត់កំពង់ឆ្នាំង ខាងជើងមន្ទីរពេទ្យខេត្ត ដែលបានចោះជញ្ជាំងបង្ហូរទឹកសំអុយមានទាំងដង្កូវហូរមកលើការ៉ូឡា និងផ្លូវថ្នល់កៅស៊ូយ៉ាងល្អស្អាត ករណីនេះបានកើតឡើងនៅវេលាម៉ោងប្រមាណជាង១០ព្រឹក ថ្ងៃទី០៤ ខែមិនា ឆ្នាំ២០១៥ ដែលគេឮវិទ្យុទាក់ទងរបស់នគរបាលក្រុងកំពង់ឆ្នាំង ប្រកាសអោយមន្ត្រីរបស់ខ្លួនទៅពិនិត្យមើល ខណៈដែលក្រុមកម្មកររបស់មន្ទីរសារធារណៈការទៅបោសសំអាតថ្នល់នៅទីនោះប្រទះឃើញហើយរាយការប្រាប់សមត្ថកិច្ចនគរបាលដើម្បីជួយទប់ស្កាត់ ។
សមត្កកិច្ចនគរបាលក្រុងនិងមន្ត្រីរដ្ឋបាលក្រុងកំពង់ឆ្នាំងបាននិយាយថា៖ ផ្ទះបង្ករបញ្ហាខាងលើនេះមានមេគ្រួសារ ឈ្មោះ កែវ សំអុន មានមុខរបរធ្វើត្រីងៀតលក់ ផ្ទះនេះបានលួចចោះរបងបេតុងរបស់ខ្លួន ទំហំប្រហែ១តឹក ហើយបង្ហូរទឹកសំអុយមានដង្កូវធំៗរាប់ពាន់ក្បាល
បង្ហូរមកលើការ៉ូឡា ជាប់ជញ្ជាំងរបង និងធ្លាក់មកលើថ្នល់កៅស៊ូយ៉ាងស្អាតដែលទើបធ្វើហើយជា ជំនួយប្រទេសជប៉ុន ។នៅពេលដែលកម្មកររបស់មន្ទីរសាធារណៈការចុះបោសសំអាតនៅទីនោះប្រទះឃើញហើយមិនអាចសំអាតបានទើបហៅសមត្ថកិច្ចអោយត្រួតពនិត្យមើលនិងមានវិធានការទប់ស្កាត់។នៅលើការ៉ូឡា ចិញ្ចើមថ្នល់កៅស៊ូ គេឃើញទឹកសំអុយពណ៏ខ្មៅហូរកាត់លាយដោយដង្កូវប៉ុនៗចុងចង្កើសអ្នកទៅពិនិត្យមើលខ្លះក្អួតរត់ចេញ។
ក្រោយពីនិត្យមើលហើយ អាជ្ញាធរក្រុងបានអោយម្ចាស់ផ្ទះបោសនិងលាងទឹកសំអាតទីនោះចេញព្រមទាំងធ្វើកិច្ចសន្យាបញ្ឈប់សកម្មភាពធ្វើបែបនេះហើយបើមិនរាងចាលទេនិងចាត់ការតាមផ្លូវច្បាប់។អាជ្ញាធរក្រុងកំពង់ឆ្នាំងបានបញ្ជាក់អោតដឹងថា៖អង្គការចៃការនឹងដើរពិនិត្យមើល ផ្លូវដែលគេបានធ្វើអោយនៅក្នុងក្រុងថាតើមាន ការ ចូលរួមថែរក្សាពីប្រជាពលរដ្ឋតែឬទេ បើមានការចូលរួមថែរក្សាផ្លូវនានាក្នុងក្រុងដែលបានធ្វើហើយ ជប៉ុននឹងជួយធ្វើផ្លូវវ
បន្ថែមប្រវែង៦គីឡូម៉ែត្រថែមទៀត តែបើគ្មានការសហការពីប្រជាពលរដ្ឋទេនោះគេ មិនធ្វើអោយឡើយ ហេតុនេះសុំអោយប្រជាពលរដ្ឋក្នុងក្រុងជួយសហការដើម្បីទីក្រុងស្អាតទាំងអស់គ្នា។
ប្រជាពលរដ្ឋនៅក្បែរនោះរិៈគន់ម្ចាស់ផ្ទះនោះថា៖រស់ក្នុងសង្គម មិនចេះមើលគេមើលឯង ចិញ្ចើមផ្លូវថ្នល់ ក្រាលការ៉ូឡាក្រាលយ៉ាងស្អាតកោតតែកែហ៊ានបង្ហូរទឹកសំអុយនិងដង្កូវទៅកើត ដូចជាមិនមែនមនុស្សចេះដឹងរស់ក្នុងសង្គមឡើយ ពិតជាម៉ាស្រុកមានតែមួយមែន៕
